7
1 Makabbayad iya ka egkeula-ula te etew kayi te kalibutan,
iling kahirap te egkeula-ula te etew ne egpanginaaldew te tagse aldew.
2 Egpekeiling ka etew te uripen ne eg-iman-iman te meelung,
wey iling te talagpanginaaldew ne egtetahad te suul rin.
3 Iling degma due ka keugpe ku.
Pile e ne bulan ne mig-uugpa a ne ware karuan,
wey mig-antus a te tagse marusilem.
4 Emun ke eggibat a ne egpakakahi a, ‘Egkapawe lad e perem.’
Piru hendue te mananey ka uras,
wey egkapawaan e re ka egbalbalikid.
5 Neempet e te iyas wey kehang ka lawa ku.
Nenabugsiyan e ka me busuwak
wey migpanulayas e ka nane.
6 Miglihad ka me aldew ku ne ware egkapallateng.
Miglihad seini ne iling keiyal te igteyi.
7 “He Manama, sumsumana nu ne iling de te kalamag ka umul ku,
wey kena ad egpakaheram te kahale.
8 Egkakite e pad nikeykew kuntee,
piru egkataman, kenad e.
Egpamitawen a nikeykew piru kena ad nikeykew egkakita.
9 Iling te gapun ne egkawahey wey egkaawe,
eggendiye degma ka etew te inged te me minatey wey kenad eglibed.
10 Kenad sikandin eg-uli diye te baley rin,
wey egkalingawan e degma sikandin te nenekeila kandin.
11 “Purisu kena a egpeeneng-eneng de;
iglalag ku iya ka masakit wey langet ne inggeram ku,
sikan naa ka egsagsahukul a iya.
12 Mania te imbantayan a nikeykew?
Salimbaweng e bes te dahat?
13 Emun ke egkeupian a ne eggibat-hibat wey eggimeley,
eyew egkaliwang-liwang a ubag,
14 egginaalreken a nasi nikeykew pinaahi te taheinep,
wey igmakita.
15 Purisu tenged due, egkeupian ad e ne eg-ehet-ehet ne egbibitin.
Igkeupii ku pad ne egpatey du te egkeuyag ne tul‑an naan de.
16 Neupul ad te egkeula-ula ku wey egkeupian ad ne egpatey.
Balahara ad e su mahaan e egkataman ka geyinawa* Te Hibruwanen: ka me aldew senge-hiyup de. ku.
17 Nekey bes ka etew, mania te amana sikandin ne impurtanti diye te keykew,
wey mania te egtantanuran nu?† Te Hibruwanen: inteil nu kandin ka pusung nu.
18 Tagse maselem, eg-ugsi-ugsiyen nu sikandin,
wey layun nu eg-el-elehi.
19 Mania te kena a nikeykew egbalaharen
minsan ubag dagdahew re?
20 He talagbantey te etew, nekey bes ka sale ne neyimu ku due te keykew?
Mania te inggisuhat a nikeykew?
Nakapabehat a keykew?
21 Mania te kene nu egpasayluwen ka me sale ku,
wey eg-aween e ka kene ne meupiya ne neyimu ku?
Su kuntee eglibed‡ Te Hibruwanen: eggibat. ad e diye te tane.
Kena ad nikeykew egkakita ke egpamitawen a nikeykew.”