4
Ka pegparusa te Hirusalim
1 Etuwey, naawe e ka silak te bulawan,
wey nabalbalawan e ka malehet ne bulawan.
Natalagtag e diye te kasunguwan te me dalan te siyudad
ka matulus ne me batu te timplu.
2 Ka keet-etawan te Hirusalim amana ne mabantug. Iling sikandan kamahal te mabehat ne bulawan.
Piru kuntee, in-isip e sikandan ne iling te minsan nekey ne ware karuan, iling te bratu ne kuren ne tane ne ware karuan.
3 Minsan ka me singgalung egpasusu ma te me anak dan,
piru ka me malitan te inged ku ware himenew te me anak dan
iling te dakel ne manuk-manuk ne me ustrits* Ka ustrits, maangge te atelug din. ne diye te disirtu.
4 Egkammaraan e ka egsusu pad ne me bate wey egdeket e ka me dile dan te pelak dan.
Egpakapamuyu e ka me bate te egkeenen piru warad iya egletib kandan.
5 Seeye se me matubung dengan te egkakeen, egpamatey e diye te deralanen;
ka nallayam te mateles ne peg-ugpe dengan, ne kuntee diye naan de egmangibat te me basuraan.
6 ✡ Hin 19:24.Subla pad ka pegparusa te keet-etawan ku
du te pegparusa te Suduma ne indagdahawan de guhusa ne warad iya nakabulig kandan.
7 Ka me pangulu te Hirusalim, mateles se me lawa wey mannekal.
Malurung-lurung se me laplap dan wey mewubung ne subla.
8 Piru kuntee, migmemeitem e sikandan ne subla du te museng,
wey kenad e egkeilaan sikandan diye te deralanen.
Migdeket e ka me laplap dan diye te me tul‑an dan;
me memeebul naan de iya sikandan iling te nahangu ne kayu.
9 Ne meupiya pad ka egpatey te gira du te egkapatey te gutas,
su egkapahan-ganaran egkapatey tenged te bitil.† Te Hibruwanen: ware me behas te kayu diye te pinamulaan.
10 ✡ Diy 28:57; Isi 5:10.Tenged te makaliyas-liyas ne karereetan ne neumaan te keet-etawan ku,
minsan ka hiimenawen ne me iney, egsusube e te me anak dan eyew due egkakeen dan.
11 Nabelu-belu amana ka Magbebaye ne Manama
wey impakita‡ Te Hibruwanen: in-ule. rin ka nangebel-ebel ne langet din;
insilaban din ka Hirusalim ne iyan nakatutung te me pabunsuran.
12 Ware migpalintutuu ka me Hari te me inged, wey minsan hentew ne mig-ugpe te kalibutan
ne egpakaseled ka me kuntere te me gumawan te siyudad te Hirusalim.
13 Neyitabu seini tenged te me sale te me prupita wey te maddeet ne hinimuwan te me talagpanubad
ne migpangimatey te me matareng ne me etew diye te siyudad.
14 Ne egleug-leug sikandan diye te me dalan ne iling te me butud.
Nalinditan sikandan te langesa purisu ware eg-aku ne egsamsam te me kumbale dan.
15 Imbalukanan sikandan te me etew, “Pariyu kew, me malindit! Kene kew panggen-gen kanami!”
Sikan naa ka egpakapalpallahuy naan de sikandan wey egkaleleug e.
Egkahi ka me etew te minsan hendei ne nasud, “Kene tad e egpalemungen sikandan kanta.”
16 Ka Magbebaye ne Manama iyan iya migmegsuwey-suwey kandan;
kene din e eglinglingeen sikandan wey warad sikandin nakarayan te me talagpanubad wey te me igbuyag.
17 Marelag naan de ka pelaan ney te egtetahad ke due egpangabang kanami,§ Te Hibruwanen: warad neyimu te mata ney. piru warad iya.
Kahiyen ney te egtetahad te sabeka ne nasud ke egpakaluwas kanami, kunaleg te kene bes.
18 Ne iyan de himu te me kuntere ney ka egsisilib kanami,
sikan naa ka kene key e egpakapahawa-hawa diye te me deralanen te siyudad.
Mahaan e ka katamanan ney, kene key naan de egkapilaan, su katamanan ney en iya kuntee.
19 Meiyal pad te me banug diye te aw-awangan ka egmanlupug kanami;
inlulupug key nikandan diye te me bubungan,
wey inggepasan key diye te disirtu.
20 Indakep* Te Hibruwanen: nabaled. dan ka Hari ne egpangabang kanami;
ka Hari ne in-alam te Magbebaye ne Manama.
Ne sikandin ka egkahiyen ney ne egkasandihan
wey egkasuladlaran puun te me kuntere ney.
21 Pangngingisi kew iya wey gale-gale kew me matig-Idum wey matig-Us!
Piru egpeinumen kew red te ubab te langet te Magbebaye ne Manama;
egkengewubug kew kangkuwa wey egkallebasan.
22 Neimpusan e ka peglegpad kaniyu me matig-Hirusalim tenged te mareet ne neyimu niyu
wey kenad e egtuhutan te Magbebaye ne Manama ne egkengeuripen kew pad.
Piru sikaniyu se matig-Idum, eglegparan kew nikandin tenged te mareet ne himu niyu,
wey igpanengneng din ka langun ne me sale niyu.