5
Ka pegpeyid‑u-hid‑u te Israil
1 Sumsumana nu Magbebaye ne Manama ke nekey ka neyitabu kanami;
tengtengi nu wey pitawa nu ka keyilawan ne neyingumaan ney!
2 Ne impamehey e diye te me lapu ka me karatuan ney wey sikandan e ka nangugpe diye te me baley ney.
3 Neneilu key e te me amey ney,
wey nenabalu e ka me iney ney.
4 Egpabayaren key te weyig ne eg-inumen ney,
wey egbeliyen ney e degma ka kayu ne igtemeg ney.
5 Miglised key ka eggipanew tenged su imbaybayaran key iling te me uripen;
nenabbeley key e amana, piru kene key egpeyimelayen.
6 Migpasakup* Te Hibruwanen: Imbehey ka me belad. key naan de te me matig-Ihiptu wey te me matig-Asirya,
eyew egbehayan key nikandan te egkakeen ney.
7 Nakasale ka me kaap-apuan ney, wey migpatey sikandan,
piru sikanami ka nababaan te me sale dan.
8 Iyan e migmandu kanami ka me etew ne iling de te uripen,
wey ware egpakapangabang kanami puun kandan.† Te Hibruwanen: belad dan.
9 Nakatahu te karereetan ka umul ney te pegpamitew te egkakeen,
su nekeempet ka me kuntere ney diye te me unayan.‡ Te Hibruwanen: kampilan diye te disirtu.
10 Meinit naan de iya ka laplap ney iling te baha,
puun su iiniti ka eggulabung.
11 Impanleheng wey impamehes te eggilabet ka me asawa ney diye te Hirusalim,
wey ka me mengebay degma diye te me lungsud te Huda.
12 Impangiketan te lubid ka me belad te me pangulu ney wey impamitin,
wey warad degma tahura ka me igbuyag ney.
13 Impepehes ka me kanakan ne egtrabahu iling te me uripen,§ Te Hibruwanen: Ne eggaling diye te galingan.
wey egmakabihud-bihud ka me lukes ne me bate-bate pad te kayu ne immatiang kandan.
14 Warad e tuhuti ka me igbuyag ne egpaminnuu diye te gumawan te siyudad* Libulunganan dan te egmalalahey te minsan nekey. eyew egpanulu te me etew te meupiya ne eggimuwen,
wey warad degma nangulahing ka me kanakan te me mateles ne egpamminehen eyew te peg-elit-elit te me etew.
15 Naawe e ka kahale ney,
ka pegsayew-sayew ney te pegkahale nasaliyuwan e nasi te subla ne peglungku.
16 Napunggisan e te kuruna ka pangulu ney,
su nakasale key ma sikan naa ka mekeyid‑u-hid‑u key e.
17 Puun due, migmagguye e ka me diralem ney,
sikan naa ka kenad ne meupiya ka pegpitew ney.
18 Su in-engkeran e ka Bubungan ne Siyun† Sakup te Hirusalim ka Bubungan ne Siyun. wey warad e mig-ugpe,
wey iyan e nangugpe ka me mahintalunan.
19 Piru sikeykew, he Magbebaye ne Manama, eghari ka te ware egtamanan,
wey egpabulus ka pegmandu nu diye te langun ne me kabuhalan.
20 Ne mania te layun key re lingawi nikeykew?
Mania te imbalahad key nikeykew te naluhey ne timpu?
21 He Magbebaye ne Manama, ipalibed key due te keykew;
ipalibed nu ka peg-ugpe ney iling te dengan;‡ Te Hibruwanen: Uyana nu ka me aldew ney iling dengan.
himuwa nu ka me aldew ney ne iling te dengan ne timpu.
22 Imbalahad key naan en iya nikeykew te ware egtamanan?
Ware buwad en iya katamanan te langet nu kanami?
*5:6 Te Hibruwanen: Imbehey ka me belad.
†5:8 Te Hibruwanen: belad dan.
‡5:9 Te Hibruwanen: kampilan diye te disirtu.
§5:13 Te Hibruwanen: Ne eggaling diye te galingan.
*5:14 Libulunganan dan te egmalalahey te minsan nekey.
†5:18 Sakup te Hirusalim ka Bubungan ne Siyun.
‡5:21 Te Hibruwanen: Uyana nu ka me aldew ney iling dengan.