51
Ka peg-ampu te pegbuyu te pasaylu
Ka ulahingen ni Dabid para te pangulu te mangngulahing. Insulat din seini te miggendiyaan sikandin ni Natan ne prupita te nalibuhan din e si Batsiba.
1 Ikeyid‑u a ubag, he Manama tenged su ka geyinawa nu kene egkabalbalawan.
Hiid‑uwen ka amana, sikan naa ka awaa nud ka me sale ku.
2 Lu-lui a paay-ayari puun te mareet ne neyimu ku,
wey linisi a te me sale ku.
3 Su nanengnengan ku ka mareet ne neyimu ku,
wey kene ku iggeles ka me sale ku.
4 Duen e re iya te keykew nakasale,
wey nekeyimu a te mareet.
Purisu eleg ka te inlalag nu,
wey ware mareet te peggukum nu.
5 Makasesala ad puun pad te peglesut ku,
puun pad te pegpangalalin te iney ku keddiey.
6 Egkeupian ka te etew ne egpangguhud te malehet,
panulua nu ka geyinawa ku te katuenan ne egpuun keykew.
7 Awa a nu ka sale ku* Te Hibruwanen: Lakulasi a te isupu. eyew egmalinis a,
lu‑lui a eyew egmaangkag a.† Te Hibruwanen: eyew egmaangkag e pad te migkehal ne weyig.
8 Parineha a te laheng te egkahale-gale,
eyew egkahale e red se nanggepuan nu te tul‑an.
9 Lingawi‡ Te Hibruwanen: iheles nu ka ulaula nu. nud ka me sale ku,
wey awaa nud ka langun ne mareet ne neyimu ku.
10 Himuwa nu ne malinis ka pusung ku, he Manama,
wey behayi a te iyam wey maparuma-ruma ne panisingan.
11 Kena a deldela pariyu te tangkaan nu,
wey kene nu kua ka Panisingan nu kayi te keddi.
12 Ipaheram nu red man‑e keddi ka kahalaan ne naheram ku te inluwas a nikeykew,
wey behayi a te matinumanen ne panisingan.
13 Ne egpanuluen ku ka me makasesale te igkeupii nu ne peg-ugpe,
wey eglibed e sikandan diye te keykew.
14 Luwasa a, he Manama.
Sikeykew ka talagluwas ku.
Egpanamantaman a eg-ulahing keykew,
tenged te pegluwas§ Te Hibruwanen: pegkamatareng. nu keddiey.
15 He Magbebaye, bulihi a ne egpakalalag,
wey egdayanan ku sikeykew.
16 Kene nu igkatelesi ka igpanubad,
minsan ke egpanubad a,
kene ka iya egkahale te egtutungen ne igpanubad.
17 Ka igkeupii nu Manama ne ighalad keykew,
iyan ka mapariralemen ne pusung.
Kene nu egsamsamilian ka mapariralemen ne pusung,
wey mahaan egbuyu te pasaylu.
18 Panalangini nu ka Hirusalim* Te Hibruwanen: Siyun. Sabeka seini te me ngaran te Hirusalim. su meupiya ka.
Ipasasindeg nu red man‑e ka matikang wey makepal ne alad ne batu te Hirusalim.
19 Ne igkatelesi nud ka eleg ne me halad wey ka egtutungen ne igmanubad.
Ne egpanubad degma ka me etew te me baka diye te altar nu ne tutunganan te igpanubad.