1  ✡ Isra 5:2; Imp 12:10.Ne duen e man‑e impakita keddi te Magbebaye ne Manama. Impakita keddi si Huswi, ka Labew ne Talagpanubad ne migsasindeg diye te tangkaan te panalihan te Magbebaye ne Manama. Ne migsasindeg degma si Meibulan diye te igkakawanan ni Huswi eyew egpamalehet te bayung din kandin. 2  ✡ Hud 9.Ne ingkahiyan te Magbebaye ne Manama si Meibulan, “Peeneng-eneng ka Meibulan! Peeneng-eneng kad kuntee! Sikeddi ka Magbebaye ne Manama ne mig-alam te Hirusalim. Ne si Huswi egpekeiling te kayu ne egpakatemeg e perem ne nasalukagmit naan de.”

3 Te seeye ne timpu, biluwen ka kumbale ni Huswi te migsasindeg diye te tangkaan te panalihan. 4 Ne ingkahiyan te panalihan ka duma ne me panalihan ne migmanasindeg diye te tangkaan ni Huswi, “Luunga niyu ka biluwen ne kumbale ni Huswi.” Ne ingkahiyan degma te panalihan si Huswi, “In-awe kud ka me sale nu. Ne kuntee, egpakumbalaan kud sikeykew te malinis ne kumbale.” 5 Ne migkahi a, “Salakayi niyu degma sikandin te malinis ne salakey.” Seeye naa ka insalakayan dan e sikandin te malinis wey ingkumbalaan e taheed te migsasindeg diye te marani ran ka panalihan te Magbebaye ne Manama.

6 Ne innangenan te panalihan te Manama si Huswi 7 meyitenged te inlalag te Amana ne Maresen ne Magbebaye ne miggenendue, “Emun ke egtumanen nu ka me suhu ku wey eg-ikulen nu ka me tulumanen, sikeykew ka egpepanguluwen ku diye te timplu ku, wey diye te in-alad ne lama te timplu. Ne egkaayun ke pad man‑e ne egparani keddi iling te me panalihan ne migsasindeg kayi te tangkaan ku. 8  ✡ Hir 23:5; 33:15; Sak 6:12.Ne kuntee, pammineg ke naa Huswi se Labew ne Talagpanubad, wey sikaniyu se me talagpanubad ne me duma rin. Sikaniyu ka palinneu te me meupiya ne egkeyitabu, su mahaan kud e igpeendue ka suluhuanen ku ne egngaranan te Sugpang. 9 Tengtengi nu naa Huswi ka batu ne intahu ku due te tangkaan nu ne pitu se mata. Egkulitan ku ka batu, wey eg-aween ku ka sale te seini ne inged te senge-kaaldew re. 10  ✡ Mik 4:4.Te sika ne aldew, egmeyingnginggatey kew te me sumbaley niyu ne egpinnuu diye te lebut te me pinamula niyu ne me paras wey me kayu ne iggira.” Sika ka ingkahi te Amana ne Maresen ne Magbebaye.