1 Nataman, due amana ne kein-inuwan ne egkiteen diye te langit. Su due malitan ne migsaluub te aldew wey diye migsasindeg te bulan, wey migkukuruna sikandin te sapulu wey daruwa (12) ne bituen. 2 Naberes sikandin wey mahaan e eglesuti, sikan naa ka migpanguleyi sikandin su egbaletikan e.

3  ✡ Dan 7:7.Ne duen e man‑e lein ne kein-inuwan ne egkiteen diye te langit: due bubuyahen ne salimbaweng ne malalab ne pitu ka ulu wey sapulu ka sungey, wey ka tagse ulu due kuruna. 4  ✡ Dan 8:10.Ne ingkeyis din te ikug din ka igkatelu ne baad te me bituen wey indegpak din diye te tane. Ne diyad migsasindeg ka salimbaweng te tangkaan te malitan ne mahaan e eglesuti eyew egsagmaken din ka bate ke eglesut e. 5  ✡ Isa 66:7; Sal 2:9.Nataman, te miglesutan e ka malitan te lukes ne bate ne iyan egmandu te me nasud ne ware keyid‑u te me kuntere din,* Te Grigu: egmandu pinaahi te baras ne putew. due migsalukagmit te bate wey in-uyan e peendiye te Manama diye te trunu rin. 6 Ne migpallahuy e ka malitan diye te disirtu, ne iyan ka intahahe te Manama ne egpaaputan kandin eyew diye egtangguwa seled te 1,260 ne aldew.

7  ✡ Dan 10:13,21; 12:1; Hud 9.Nataman, due gubut diye te langit su migpahiggireey si Mikail duma te me panalihan din wey te salimbaweng duma te me panalihan din degma. 8 Piru natalu ka salimbaweng duma te me panalihan din, wey warad tuhuti te Manama ne eg-ugpe dan diye te langit. 9  ✡ Hin 3:1; Luk 10:18.Ne indegpak e diye te tane ka bubuyahen ne salimbaweng. Sikandin ka tapey ne uled ne egngaranan ki Meibulan, ka ahalen te me busew ne iyan miglimbung te me etew kayi te ampew te tane. Indegpak sikandin diye te tane duma te me panalihan din.

10  ✡ Hub 1:9-11; Sak 3:1.Ne due narineg ku ne migpanaman-taman migpanguleyi diye te langit ne miggenendue, “Timpu e ne egluwasen e te Manama ka me etew. Igpapitew rin e ka geem din te peghari wey ka katenged te Kristu ne in-alam din. Su ka diye te tangkaan te Manama ne talagsumbung te me suled ta te aldew wey marusilem, indegpak e diye te tane. 11 Natalu ran sikandin pinaahi te langesa te impanubad ne Nati ne Karniru wey te pinaahi degma te kamalehetan ne inwali ran. Ne ware dan ikannuhun ka umul ran minsan pad egpatey sikandan tenged te pegpalintutuu ran. 12 Ne tenged due, gale-gale kew ka nangugpe te langit.† Te Grigu: Purisu gale-gale kew me langit wey ka langun ne nangugpe due. Piru mekeyid‑u-hid‑u kew ka due te tane wey dahat‡ Te Grigu: Mekeyid‑u-hid‑u ka kalibutan wey dahat. su miglene e due te kaniyu ka ahalen te me busew ne amana ne nalanglangetan, su nakataha rin ne kene naan de sikandin egkaluhey!”

13 Te nasahimanu e te salimbaweng ne indegpak e sikandin diye te tane, inlupug din e ka malitan ne mig-anak te lukes. 14  ✡ Dan 7:25; 12:7.Piru imbehayan ka malitan te daruwa ne pakpak te dakel ne banug eyew egpakalayang sikandin peendiye te disirtu ne egtangguwan kandin te 1,260 ne aldew, wey eyew egpakapariyu sikandin te salimbaweng. 15 Ne migkulepe e ka salimbaweng te dakel ne weyig ne impasinundul rin te malitan eyew egkaanlas sikandin. 16 Piru imbulihan te tane ka malitan. Migbekabeka ka tane wey migleneb e ka weyig ne ingkulepa te salimbaweng. 17 Nabelu-belu ka salimbaweng te malitan wey miggipanew e sikandin ka egpakig-ehet te duma pad ne me kabuhalan te malitan. Sikandan seeye se migtuman te me suhu te Manama wey te kamalehetan ne impanulu ni Hisus. 18 Ne diye migsasindeg ka salimbaweng te ilis te dahat.