1  ✡ Him 7:40.Te nasahimanu te me etew ne mananey nakatupang si Muwisis puun te bubungan, miglibulung e sikandan diye ki Aarun wey migkahi, “Ne kun la, himuwi key te manama* Te Hibruwanen: me manama. ne egpangulu kanta. Ware kid e nakanengneng ke namenu e si Muwisis, ka etew ne migpaawe kanta puun te Ihiptu.”

2 Ne migkahiyan sikandan ni Aarun, “Pangua niyu ka me bulawan ne eritis te me asawa niyu wey te me anak niyu wey uyana niyu kayi te keddi.” 3 Purisu impanguwa te langun ne etew ka me eritis dan ne bulawan wey impanguyan dan diye te ki Aarun. 4  ✡ 1Har 12:28; Him 7:41.Ne ingkuwa ni Aarun ka imbehey ran ne me bulawan, wey inleney rin e wey inggimu rin e ne larawan te nati te baka. Pegkakita dutu te me etew, migkahi sikandan, “Sein e ka manama ta te me kabuhalan ni Israil ne iyan mig-uyan† Te Hibruwanen: migpatakereg. kanta kayi puun te Ihiptu!”

5 Ne dutu, migpangimu e si Aarun te altar diye te egkatangkaan te baka wey impanengneng din ka me etew te migkahi, “Egsahakeen ki kaaselem eyew te pegbantug te Magbebaye ne Manama.” 6  ✡ 1Kur 10:7.Te napawe e, migselem-selem sikandan nangimata wey migtutung te igpanubad ne egtutungen wey mig-uyan degma sikandan te igpanubad para te keupianan. Nataman, naminnuu e sikandan wey nangekeen, nangiinum, wey nanesayew te mekeyilew-hilew‡ Te Hibruwanen: migsasindeg eyew egkelag. naan de iya.

7 Ne migkahiyan te Magbebaye ne Manama si Muwisis, “Dagdahew ka tupang su ka keet-etawan nu ne in-uyan nu puun te Ihiptu, migsupak e keddi. 8 Mahaan de sikandan migsuwey te igkeupii ku ne eg-ikulen§ Te Hibruwanen: te dalan ne insuhu ku kandan. dan. Miggimu sikandan te larawan te nati te baka wey insimba ran seini wey impanubaran dan. Migkahi pad sikandan, ‘Sein e ka manama ta te me kabuhalan ni Israil ne iyan mig-uyan kanta kayi puun te Ihiptu!’ 9 Nakita ku ne makehal iya se me ulu* Te Hibruwanen: lieg. te seini ne me etew. 10 Purisu balahara a kuntee eyew egkaneem-neem† Te Hibruwanen: egkatutung dan te langet ku. dan ka egpangebel-ebel ne langet ku kandan wey egkahule sikandan egpatey. Ne sikeykew mule, eggimuwen ku ne dakel ne nasud ka me kabuhalan nu.” 11  ✡ Num 14:13-19.Piru migpeyid‑u-hid‑u si Muwisis te Magbebaye ne Manama rin wey migkahi, “Manama, in-uyan nu kayi ka keet-etawan nu puun te Ihiptu pinaahi te karesen wey dakel ne geem nu. Ne kuntee mania te amana egpangebel-ebel e ka langet nu kandan? 12 Kema ke egpakakahi nasi ka me matig-Ihiptu te impaawe nu sikandan eyew egdereetan, wey in-uyan nu sikandan diye te me bubungan eyew egpangimatayan, wey eyew egkahule e sikandan kayi te inged. Kene nud e ubag ipabulus ka pegdereet te keet-etawan nu puun te egpangebel-ebel ne langet nu. 13  ✡ Hin 22:16-17; Hin 17:8.Sumsumana nu ka me suluhuanen nu ne si Abraham, si Isaak, wey si Hakub ne migsaaran nu te pegkahi nu, ‘Egpabugbuhalen ku ka me kabuhalan niyu iling kasulug te me bituen diye te langit. Igbehey ku diye te me kabuhalan niyu ka langun ne tane ne insaad ku wey sikandan e ka egpakakamuney te ware egtamanan.’ ” 14 Purisu warad e ipabulus te Magbebaye ne Manama ka ingkahi rin ne pegdereet te keet-etawan din.

15 Ne mig-ayun e migpatupang si Muwisis te bubungan ne mig-uyan te daruwa ne malumpayag ne batu ne nekeglimang ka sulat. 16 Ka Manama ka miggimu te daruwa ne malumpayag ne batu, wey sikandin ded iya man‑e ka migsulat te nakasulat dutu te me batu. Intulis din de diye te me batu ka insulat din. 17 Te mariyu pad ensi Muwisis, narineg e ni Huswi‡ Pitawa niyu degma ka 24:13. ka me etew ne egmanguleyi wey migkahiyan din si Muwisis, “Hendue te egkasamuk sikandan diye te kampu su mahulub amana!” 18 Ne migtabak si Muwisis, “Ware de due ne. Ware sikandan migkuleyi puun te kahale te pegpanalu ran wey ke migpandalawit naa te pegkareeg dan. Ka kahulub ne egkarineg ku, laheng te peg-ulahing.” 19 Te egpakarani-rani e ensi Muwisis te kampu, nakita rin ka larawan te nati te baka wey ka me etew ne migsesayew. Sikan de iya, nabelu e si Muwisis wey nangebel-ebel e ka langet din, wey imbantulang din e ka malumpayag ne me batu ne in-uyan din, wey napese e diye te pabunsuran te bubungan. 20 Ne ingkuwa rin ka larawan te nati te baka ne inggimu ran wey insilaban din e. Inlupet din seini wey imbukbuk din diye te weyig wey impeinum din e dutu ka me kabuhalan ni Israil.

21 Ne migkahiyan din si Aarun, “Immenu kaa te me etew—mania te impababaan nu sikandan te makaalat-halat ne sale?” 22 Migtabak si Aarun, “Kene ke re ubag kabelu, ahalen ku. Nakanengneng kad en iya te amana egkeupian ne eggimu te mareet ka seini ne me etew. 23 Migkahiyan a nikandan, ‘Himuwi key te manama ne egpangulu kanta. Ware kid nakanengneng ke namenu e si Muwisis, ka etew ne mig-uyan kanta kayi puun te Ihiptu.’ 24 Ne ingkahiyan kud iya sikandan, ‘Hentew seeye se due bulawan, uyana niyu kayi te keddi.’ Sikan naa ka imbehey ran e keddi ka me bulawan dan, wey insubuk kud e diye te hapuy taman te neyimu e ne larawan te nati te baka.”

25 Nakita ni Muwisis ne imbalahad de ni Aarun ka me etew ne egmamakeiran e, wey ware din sapari sikandan ka egkengeungel e diye te tangkaan te me kuntere dan. 26 Purisu migsasindeg si Muwisis diye te gumawan te kampu wey migpanguleyi ne miggenendue, “Ka eglapig te Magbebaye ne Manama egparani keddi!” Ne migparani kandin ka langun ne kabuhalan ni Libi. 27 Ne migkahiyan din sikandan, “Seini ka ingkahi te Manama te Israil, ‘Ka tagse sabeka kaniyu keilangan ne egsiniket te kampilan wey empeta niyu te egleug-leug ka kampu wey pangimatayi niyu ka me suled niyu, me duma niyu, wey me sumbaley niyu.’ ” 28 Ne intuman te me kabuhalan ni Libi ka insuhu ni Muwisis, wey nekeyimatey sikandan te me tatelu ne libu ne etew te seeye ne aldew. 29 Ne ingkahiyan ni Muwisis ka me kabuhalan ni Libi, “In-urdinaan§ Te Hibruwanen: hipenua niyu ka belad niyu. kew kuntee ne aldew eyew egpamakey te Magbebaye ne Manama su migtuman kew te impeyimu rin. Impangimatayan niyu ka me anak niyu, wey ka me suled niyu eyew egpanalanginan kew nikandin kuntee ne aldew.”

30 Te napawe e, ingkahiyan ni Muwisis ka me etew, “Dakel amana ka sale niyu, piru kuntee egtakereg a diye te bubungan su egliberan ku ka Magbebaye ne Manama, su kema ke egkapehes ku red sikandin wey egkabennalan ded ne egpasayluwen kew te sale niyu.” 31 Seeye naa, miglibed e si Muwisis diye te Manama wey migkahi, “Pasayluwa nu re ubag ka me etew. Amana ne dakel ka sale ne neyimu ran su miggimu sikandan te me manama ne bulawan. 32  ✡ Sal 69:28; Imp 3:5.Ne kuntee, pasayluwa nud ubag sikandan te me sale dan. Ke kene nu sikandan egpasayluwen, awaa nud ka ngaran ku due te libru ne insulatan nu.” 33 Piru migkahiyan te Magbebaye ne Manama si Muwisis, “Ka nakasale de keddi ka eg-aween ku se ngaran kayi te libru ku. 34 Purisu hipanew kad wey dumaa nu ka me etew diye te inged ne ingkahi ku keykew. Na, eggun‑a keykew ka panalihan ku. Piru te timpu ne egleuy a kandan, egdusaan ku iya sikandan tenged te me sale dan.”

35 Nataman, impareralu te Magbebaye ne Manama ka me etew tenged te larawan te nati te baka ne impeyimu ran ki Aarun.