1 Ne ka inged ne naangken te me kabuhalan ni Husi, migbunsud diye te Hurdan ne marani te Hiriku ne diye te igsile te me sebseb te Hiriku, peendiye te disirtu, wey peendiye te me bubungan taman te Bitil. 2 Ne puun diye te Bitil, nekeuma seini diye te Lus, wey nekeuma seini diye te Atarut ne nangugpaan te me Arkihanen. 3 Ne nakatupang pad seini diye te iglineb te inged te me Haplitihanen, peendiye te diralem te Bit-Hurun. Ne nakapabulus seini diye te Gisir, wey diye nataman seini te Dahat ne Miditiranyu.

4 Seeye ka naangken te me kabuhalan ni Manasis wey ni Ipraim ne me kabuhalan ni Husi isip karatuan ne inggaat kandan.

5 Seini ka baad te me kabuhalan ni Ipraim ne imbaad-baad dan diye te tagse pamilya ran: ka eletanan kayi diye te igsile, migbunsud te Atarut-Adar* Ka Atarut Adar iling ded te inged ne Atarut ne nakahi diye te birsikulu 16:2 wey 16:7. peendiye te dibabew te Bit-Hurun. 6 Ne puun diye, nekeuma seini diye te Dahat ne Miditiranyu. Ne ka eletanan te igkahibang ne balabahan te igsile, migbunsud diye te Mik-Mitat wey nakatiku seini diye te igsile peendiye te Taanat-Silu, wey nakalihad pad seini diye te igsile te Hanuwa. 7 Ne puun te Hanuwa, nakatupang pad seini diye te Atarut wey Naara. Nakabaye seini diye te Hiriku, wey nakatuhun diye te Weyig ne Hurdan. 8 Ne puun te Tapuwa, nekeuma ka eletanan diye te iglineb, wey peendiye te Weyig ne Kana taman diye te Dahat ne Miditiranyu. Seini ka inged ne naangken te me kabuhalan ni Ipraim, ne imbaad-baad dan seini diye te tagse pamilya. 9 Nalagkes kayi ka duma ne me siyudad wey me lungsud ne apil te tane ne karatuan ne inggaat te me kabuhalan ni Manasis. 10  ✡ Tal 1:29.Piru ware dan nadeldel ka me matig-Kanaan ne nangugpe diye te Gisir, purisu minsan kuntee, nangugpe ded ka me matig-Kanaan duma te me kabuhalan ni Ipraim isip me uripen.