2
Ka Hari ne in-alam te Manama
1 ✡ Him 4:25-26.Mania te migplanu te pegribildi ka me nasud?
Mania te migplanu ka me etew te ware karuan?
2 Miglibulung ka me Hari,
wey me pangulu ran wey migpangandam te pegpakig-ehet te Magbebaye ne Manama wey te Hari ne in-alam din.
3 Ne migkahi sikandan, “Kene ki egpariralem kandan* Te Hibruwanen: Egbugtusen ta ka keddina ran kanta. wey ke egpasakup naa te pegmandu dan.”† Te Hibruwanen: Igdegpak ta ka me hiket dan kanta.
4 Piru ingngisiyan sikandan,
wey imbaley-baley re sikandan te Magbebaye ne Manama ne migpinnuu te trunu rin diye te langit.
5 Ne tenged te langet din, impanpanayan din sikandan,
wey tenged te kabelu din, ingginalatan din sikandan.
6 Ne migkahi sikandin, “Impapinnuu kud e ka Hari ne in-alam ku diye te Hirusalim,‡ Te Hibruwanen: Siyun. Sabeka seini te me ngaran te Hirusalim.
ka matulus ne bubungan ku.”
7 ✡ Him 13:33; Hib 1:5; 5:5.Ne migkahi ka Hari ne in-alam te Magbebaye ne Manama, “Igpangguhud ku ka ingkahi keddi te Magbebaye ne miggenendue,
‘Sikeykew ka anak ku,
wey te seini ne aldew amey ad e nikeykew.
8 Buyu ka keddi, ne igbehey ku keykew ka me nasud eyew sikeykew e ka egpakakamuney kayi,
wey egkaangken nu ka intiru ne kalibutan.
9 ✡ Imp 2:26-27; 12:5; 19:15.Ne egdereetan nu sikandan te mangune-kune ne geem nu.§ Te Hibruwanen: egdereetan pinaahi te baras ne putew.
Egpekeiling sikandan te tane ne kuren ne eglupeten nu.’ ”
10 Purisu, sikaniyu se me Hari wey me pangulu te kalibutan, pakatagseb kew.
Pammineha niyu seini ne me paney-paney.
11 Pamakaya niyu ka Magbebaye ne Manama ne due pegtahud,
wey gale-gale kew due te kandin. 12 Tahura niyu ka Hari ne in-alam din,
eyew kene egkabelu sikandin kaniyu wey kene kew nikandin eggimatayan,
su mahaan eglukindab ka kabelu din.
Keupianan te keet-etawan te Magbebaye ne Manama ne egparani kandin eyew egpabulig.