2
Ka sulat peendiye te migmalintutuu diye te Ipisu
1 Ne migkahi sikandin, “Isulat nu seini peendiye te panalihan ne diye te punduk te migmalintutuu te Ipisu:
“Seini ka lalag te seeye se miggen-gen ka kawanan ne belad din te pitu ne bituen wey miggiphipanew dutu te taliware te pitu ne bulawan ne tahuanan te sulu. 2 Nakanengneng a te hinimuwan niyu, te pegpakannekal niyu te peggimu wey te peg-antus niyu. Kene kew egparuyun-duyun te maddeet ne me etew su eg-el-elehan niyu ka egkahi ne me apustulis kun sikandan, wey iyan egtamanan ka egkanengnengan niyu ne egmanguubat de sikandan. 3 Mig-antus kew wey migpakannekal tenged keddiey wey ware miglunggengu te pegpamakey. 4 Piru iyan ku igkarew‑ey kaniyu ne warad e ka dakel ne geyinawa niyu dengan keddiey. 5 Sikan naa, sumsumana niyu kamenu karakel ka geyinawa niyu dengan, wey pekegsendit kew wey himuwa niyu ka inggimu niyu dengan. Su emun ke kene kew egpekegsendit, egbayaan ku sikaniyu wey eg-aween ku ka sulu niyu due te natahuan kayi. 6 Piru due meupiya ne inggimu niyu su igkeepes niyu ka egmangimuwen te me sakup ni Nikulas* Te Grigu: me Nikulayta. Sikandan ka punduk ne migpanulu ne egkaayun ka migmalintutuu ne eggimu te mallindit, wey eg-iling te batasanen te ware migmalintutuu. ne ingkeepes ku degma.
7 ✡ Hin 2:9; Imp 22:2; Isi 28:13; 31:8 (LXX).“Purisu, ka egpakarineg, eg-ayad-ayad egsuman-suman meyitenged te seini ne lalag te Panisingan te Manama† Te Grigu: Ka due talinga, egpammineg te iglalag te Panisingan. diye te me punduk te migmalintutuu!
“Ka egpanalu ki Meibulan, egbehayan ku te katenged te pegkeen te behas te kayu ne egpakabehey te umul ne diye te ugpaan te Manama.”‡ Te Grigu: pinamulaan te Manama.
Ka sulat peendiye te migmalintutuu diye te Ismirna
8 ✡ Isa 44:6; 48:12; Imp 1:17; 22:13.Migkahi e man‑e sikandin, “Isulat nu seini peendiye te panalihan ne diye te punduk te migmalintutuu te Ismirna:
“Seini ka lalag te seeye se bunsuranan wey katammanan, ka namatey ne neuyag ded. 9 Nakanengneng a ne egbaybayaran kew wey egkaayu-ayu kew, piru ka malehet, meyaman kew. Nakanengneng a degma te imbebayungan kew te me etew ne migkahi ne me Hudiyu kun sikandan, kunaleg te me sakup bes ni Meibulan. 10 Kene kew kaaldek te me kalasayan ne mahaan e egginguma. Eg-el-elehan kew te ahalen te me busew pinaahi te pegprisu te me duma niyu, wey eg-antus kew taman te sapulu ne aldew. Keilangan ne egmatinumanen kew ne eg-ikul keddi minsan egpatey kew, wey eg-unahan ku sikaniyu te umul ne ware egtamanan.§ Te Grigu: egbehayan ku sikaniyu te kuruna te umul.
11 ✡ Imp 20:14; 21:8.“Purisu, ka egpakarineg, eg-ayad-ayad egsuman-suman meyitenged te seini ne lalag te Panisingan te Manama* Te Grigu: Ka due talinga, egpammineg te iglalag te Panisingan. diye te me punduk te migmalintutuu!
“Ka egpanalu ki Meibulan, kenad egkalegparan te ikarangeb ne kamatayen.”
Ka sulat peendiye te migmalintutuu diye te Pirgamu
12 Ne migkahi e man‑e sikandin, “Isulat nu seini peendiye te panalihan ne diye te punduk te migmalintutuu te Pirgamu:
“Seini ka lalag te seeye se mig-uyan te mahalang ne sundang. 13 Nakanengneng a ne duen kew mig-ugpe te inharian ni Meibulan, piru migmatinumanen kew red wey migpabulus migpalintutuu keddi minsan te timpu ne miggimatayan e si Antipas due te kaniyu. Sikandin ka matinumanen ne talagpamalehet ku ne miggimatayan due te in-ugpaan ni Meibulan. 14 ✡ Num 22:5,7; 31:16; Diy 23:4; Num 25:1-3.Piru due pila-pila ne igkarew‑ey ku kaniyu: due duma niyu ne mig-ikul te pegpanulu ni Balaam ne iyan migpanulu ki Balak ke egmenuwen te pegsahilut ka me kabuhalan ni Israil eyew egpakasale sikandan pinaahi te pegkeen te impanubad e diye te me diyus-diyus wey pegpeyilabetey ne kene ne alunggun. 15 Ne iling ded, due man‑e duma niyu ne mig-ikul te pegpanulu te me sakup ni Nikulas. 16 Purisu inniyuhi niyu ka me sale niyu! Emun ke kene, egbayaan ku sikaniyu te mahaan wey egpakig-ehet a te me etew ne miggimu te mareet, pinaahi te sundang ne eglihawang te be‑be ku.
17 ✡ Iks 16:14-15; 16:33-34; Huw 6:48-50; Isa 62:2; 65:15.“Purisu, ka egpakarineg, eg-ayad-ayad egsuman-suman meyitenged te seini ne lalag te Panisingan te Manama† Te Grigu: Ka due talinga, egpammineg te iglalag te Panisingan. diye te me punduk te migmalintutuu!
“Ka egpanalu ki Meibulan, egbehayan ku te egkakeen ne mana ne inneles wey te maangkag ne batu ne nasulatan te iyam ne ngaran ne ware minsan hentew ne nakanengneng kayi angin e te egpakarawat kayi.”
Ka sulat peendiye te migmalintutuu diye te Tiyatira
18 Ne migpabulus sikandin migkahi, “Isulat nu seini peendiye te panalihan ne diye te punduk te migmalintutuu te Tiyatira:
“Seini ka lalag te Anak te Manama, ne egpekeiling se mata te legleg te hapuy wey egpekeiling se paa te inlalab ne burunsi ne migsilak. 19 Nakanengneng a te hinimuwan niyu wey te pegpapitew niyu te geyinawa wey te pegpalintutuu niyu. Nakanengneng a degma te pegpamakey niyu wey te peg-antus niyu, wey subla pad te an-anayan ka inggimu niyu kuntee. 20 ✡ 1Har 16:31; 2Har 9:22,30.Piru iyan ku igkarew‑ey kaniyu ka pegparuyun-duyun niyu te malitan ne si Hisabil ne migkahi ne prupita kun sikandin. Impanulu din wey inlimbungan ka keet-etawan ku eyew egpeyibhilabetey ne kene ne alunggun wey egkeen te impanubad e diye te me diyus-diyus. 21 Imbehayan ku sikandin te timpu ne egpekeinniyug te me sale din, piru nasi din de iya paruyun-duyuni ka agkey rin. 22 Sikan naa, egpareraluwen ku sikandin te masumpit wey eglegparan ku te mangune-kune seeye se nakalibug degma kandin angin e ke eg-inniyuhan dan ka maddeet ne hinimuwan dan duma kandin. 23 ✡ Sal 7:9; Hir 17:10; Sal 62:12.Egguleen ku te eggimatey ka me hibateen din eyew egpakataha ka langun ne punduk te migmalintutuu ne sikeddiey ka egpakanengneng te suman-suman wey ke nekey ka diye te pusung te etew. Ne eg-unahan ku ka tagse sabeka sumale te hinimuwan din.
24 “Piru ka duma kaniyu due te Tiyatira, ware migpalintutuu te sika ne pegpanulu wey ware migparuma-ruma te egnangenen ne maddalem kun ne katuenan ni Meibulan. Sikan naa, egnangenan ku sikaniyu te kene kud egtimulan ka igpeyimu ku kaniyu. 25 Ne heheta niyu man de iya ka pegpalintutuu niyu keddi taman te eglibed ad. 26 ✡ Sal 2:8-9 (LXX).Ka egpanalu ki Meibulan wey egpabulus eggimu te igkeupii ku taman te katamanan, egbehayan ku te katenged te pegmandu te me nasud, 27 iling te katenged ne narawat ku puun te Amey ku. Ne egmandu sikandan te ware keyid‑u‡ Te Grigu: egmandu pinaahi te baras ne putew. wey eglupeten dan ka me nasud iling te kuren ne tane ne egkalupet. 28 Ne egbehayan ku degma sikandan te bituen ne Buntetale.
29 “Purisu, ka egpakarineg, eg-ayad-ayad egsuman-suman meyitenged te seini ne lalag te Panisingan te Manama§ Te Grigu: Ka due talinga, egpammineg te iglalag te Panisingan. diye te me punduk te migmalintutuu!”
*2:6 Te Grigu: me Nikulayta. Sikandan ka punduk ne migpanulu ne egkaayun ka migmalintutuu ne eggimu te mallindit, wey eg-iling te batasanen te ware migmalintutuu.
✡2:7 Hin 2:9; Imp 22:2; Isi 28:13; 31:8 (LXX).
†2:7 Te Grigu: Ka due talinga, egpammineg te iglalag te Panisingan.
‡2:7 Te Grigu: pinamulaan te Manama.
✡2:8 Isa 44:6; 48:12; Imp 1:17; 22:13.
§2:10 Te Grigu: egbehayan ku sikaniyu te kuruna te umul.
*2:11 Te Grigu: Ka due talinga, egpammineg te iglalag te Panisingan.
✡2:14 Num 22:5,7; 31:16; Diy 23:4; Num 25:1-3.
✡2:17 Iks 16:14-15; 16:33-34; Huw 6:48-50; Isa 62:2; 65:15.
†2:17 Te Grigu: Ka due talinga, egpammineg te iglalag te Panisingan.
✡2:20 1Har 16:31; 2Har 9:22,30.
✡2:23 Sal 7:9; Hir 17:10; Sal 62:12.
‡2:27 Te Grigu: egmandu pinaahi te baras ne putew.
§2:29 Te Grigu: Ka due talinga, egpammineg te iglalag te Panisingan.