1  ✡ Iks 12:1-20; Lib 23:5-8; Num 28:16-25.Ne ingkahiyan e man‑e ni Muwisis ka me kabuhalan ni Israil, “Sahakeen kew te Peglihad te Panalihan te bulan te Abib,* Me elat-elat te Marsu peendiye te elat-elat te Abril. isip pegdayan te Magbebaye ne Manama niyu, su sika ne bulan ka pegpalihawang kaniyu te Magbebaye ne Manama puun te Ihiptu te timpu te marusilem. 2 Ne lape kew te karniru wey ke baka naa te timpu te pegsahakeen niyu te Peglihad te Panalihan. Ipanubad niyu seini diye te Magbebaye ne Manama, diye te inged ne eg-alamen din eyew egsimbaan niyu kandin. 3 Ne keena niyu seini duma te paan ne ware patulin. Seled te pitu ne aldew keen kew te paan ne ware patulin iling te inggimu niyu te timpu ne miggaan-gaan kew mig-awe te Ihiptu. Seini ka egpasuman-suman kaniyu te intiru ne umul niyu, te aldew ne iyan ka peg-awe niyu te Ihiptu. 4 Keilangan ne ware egkakita ne patulin diye te me baley niyu te intiru ne nasud te pitu ne aldew, wey keilangan ne kene niyu egpasimahan ka ngalap ne inlape niyu te pegkamarusilem te an-anayan ne aldew.

5 “Ne kene niyu lapaa diye te minsan hendei ne me lungsud ne igbehey kaniyu te Magbebaye ne Manama, ka eglapeen te Sahakeen te Peglihad te Panalihan, 6 ke kene, diye de iya te inged ne eg-alamen te Magbebaye ne Manama eyew egsimbaan niyu kandin. Lapaa niyu seini ke eglineb e ka aldew iling te timpu te pegligkat niyu te Ihiptu. 7 Ne hilutua niyu wey keena niyu seini diye te inged ne eg-alamen te Magbebaye ne Manama niyu. Ne panlibed kew e man‑e diye te me balungbalung niyu te pegkamaselem. 8 Keilangan ne te hen‑em ne aldew, iyan niyu re egkeenen ka paan ne ware patulin. Ne te igkapitu ne aldew, libulung kew eyew te pegsimba te Magbebaye ne Manama, wey kene kew trabahu te sika ne aldew.”

9  ✡ Lib 23:15-21; Num 28:26-31.Ne ingkahiyan e man‑e ni Muwisis ka me kabuhalan ni Israil, “Seel kew te pitu ne simana puun te an-anayan te peggaani, 10 wey Sahakeen kew te Pegsawit† Te Hibruwanen: Sahakeen te me Simana. isip pegdayan te Magbebaye ne Manama niyu pinaahi te me peghalad niyu sumale te me panalangin ne egkarawat niyu puun te Magbebaye ne Manama. 11 Ne gale-gale kew diye te tangkaan te Magbebaye ne Manama niyu, diye te inged ne eg-alamen din eyew egsimbaan niyu kandin. Sahakeen kew duma te anak niyu ne me lukes wey me malitan, me suluhuanen niyu ne lukes wey me malitan, lagkes ka me Libita, me lapu, me ilu, wey me balu ne nangugpe diye te me lungsud niyu. 12 Sumsumana niyu ne neuripen kew degma dengan diye te Ihiptu, purisu tumana niyu ka seini langun ne suhu.”

13  ✡ Lib 23:33-36,39-43; Num 29:12-38.Ne ingkahiyan e man‑e ni Muwisis ka me kabuhalan ni Israil, “Sahakeen kew diye te me leeb taman te pitu ne aldew, te katammanan te tinggaani pegkeimpus niyu te egdiriek te trigu wey pegkekeles te behas te paras. 14 Ne gale-gale kew ka egsahakeen duma te me anak niyu ne me lukes wey me malitan, me suluhuanen niyu ne lukes wey me malitan, lagkes ka me Libita, me lapu, me ilu, wey me balu ne nangugpe diye te me lungsud niyu. 15 Gale-gale kew te seini ne Sahakeen isip pegdayan te Magbebaye ne Manama niyu diye te inged ne eg-alamen din, tenged te pegpanalangin din kaniyu te dakel ne uma, wey te pegpalampus din te langun ne himu niyu, eyew egkahale kew langun.

16 “Keilangan ne egtambung te tatelu ne Sahakeen ka me lukes due te kaniyu, katatelu te tagse leg‑un: Sahakeen te Paan ne Ware Patulin, Sahakeen te Pegsawit, wey Sahakeen diye te me Leeb. Ne kene egkaayun ne eggendiye sikandan te tangkaan te Magbebaye ne Manama ne ware egkeuyan ne ighalad. 17 Keilangan ne eg-uyan te ighalad ka tagse sabeka ke nekey ka egkeyimu rin, sumale te panalangin ne imbehey kandin te Magbebaye ne Manama niyu.”

18 Ne ingkahiyan e man‑e ni Muwisis ka me kabuhalan ni Israil, “Alam kew te me talewukum wey me upisyal puun te tagse tribu niyu diye te me lungsud ne igbehey kaniyu te Magbebaye ne Manama. Sikandan ka eggukum te langun ne keet-etawan te ware peglapig. 19  ✡ Iks 23:6-8; Lib 19:15.Ne keilangan ne kene dan egsupaken ka eleg ne peggukum pinaahi te pegdawat te bayad ne igbunbun te mareet, su ka igbunbun, egpakabunbun te mata te me matagseb, wey egpakalupig te me matareng. 20 Purisu keilangan ne eg-ikulen niyu ka eleg ne peggukum para te langun ne etew, eyew egpekeugpe kew te ware egtamanan diye te tane ne igbehey kaniyu te Magbebaye ne Manama niyu.

21  ✡ Iks 34:13.“Ne kene kew pes-ek te sungkaleg ne palinneu te malitan ne manama ne si Asira diye te dangdang te altar ne eggimuwen niyu para te Magbebaye ne Manama niyu, 22  ✡ Lib 26:1.wey kene kew pasasindeg te sungkaleg ne batu eyew egsimbeen, su ingkabelu sika te Magbebaye ne Manama niyu.”