1 Ne migkahiyan te Magbebaye ne Manama si Muwisis, 2  ✡ Lib 11:44-45; 1Pid 1:16.“Kahii nu ka langun ne kabuhalan ni Israil: Keilangan ne egmatulus kew su matulus a se Magbebaye niyu. 3  ✡ Iks 20:12; Diy 5:16; Iks 20:8; Diy 5:12.Tahura niyu ka iney wey ka amey niyu, wey himeley kew te Aldew te Peggimeley. Sikeddiey ka Magbebaye niyu.

4  ✡ Lib 26:1; Iks 20:23; 34:17; Diy 17:25.“Kene kew simba te me diyus-diyus wey ke egpanggimu naa te diyus-diyus ne me putew. Sikeddiey ka Magbebaye niyu.

5 “Ke egpanubad kew te igpanubad para te keupianan, keilangan ne eleg ka pegpanubad niyu eyew egdawaten ku sikaniyu. 6 Keilangan ne egkasimahan de seini wey ke egkararuan naa. Ne emun ke due egkasame te egkatateluwan e, keilangan ne egtutungen e seini. 7 Ke egkeenen niyu seini te egkatateluwan e, kene ku seini egdawaten, su in-isip e seini ne malindit. 8 Ka minsan hentew ne egkeen due, due egkaneem-neem din ne legpad tenged su imbaley-baley rin ka inhalad e keddi, sikan naa, egdeldelen e sikandin puun te me karumaan din.

9  ✡ Lib 27:15; Diy 24:19-22.“Ke eggaani kew, kene niyu re amina wey ke pakilalawi naa. 10 Kene niyu re man‑e amina te egpamupu ka parasan niyu wey ke egpamuruten naa ka neneulug. Pangengkeri niyud e seini para te seeye se ware egkeyimu wey te me lapu. Sikeddiey ka Magbebaye ne Manama niyu.

11  ✡ Iks 20:15; Diy 5:19; Iks 20:16; Diy 5:20.“Kene kew panakew, kene kew paak-akaley wey ke peub-ubatey naa. 12  ✡ Iks 20:7; Diy 5:11; Mat 5:33.Ne kene niyu gamita ka ngaran ku eyew igpamalehet niyu te ubat su ke eggimuwen niyu sika, egkabaley-baley niyu re ka ngaran ku. Sikeddiey ka Magbebaye.

13  ✡ Diy 24:14-15.“Kene niyu le-leiha wey ke panakawi naa ka duma niyu. Kene niyu pasimahi te egbayad ka trabahanti niyu. 14  ✡ Diy 27:18.Kene niyu balbalaya ka kene egdineg ne etew wey kene niyu balabahi ka egbayaan te butud, ke kene, kaaldeki a nikaniyu se Manama niyu. Sikeddiey ka Magbebaye niyu.

15  ✡ Iks 23:6-8; Diy 16:19.“Kene kew hukum te kene ne eleg ne peggukum eyew te peglapig te egkaayu-ayu wey ke meyaman naa. Ke kene, peg-ilinga niyu te eggukum ka langun. 16 Kene kew sesalupet te duma niyu. Kene kew himu te minsan nekey ne egpakarereet te duma niyu. Sikeddiey ka Magbebaye.

17  ✡ Mat 18:15.“Kene kew tetahu te langet te pusung niyu ke due ig-ehet niyu te duma niyu, eyew kene kew egpakalagkes kandan te due sale. 18  ✡ Mat 5:43; 19:19; 22:39; Mar 12:31; Luk 10:27; Rum 13:9; Gal 5:14; San 2:8.Kene kew suli wey ke ehet naa te duma niyu. Ke kene, geyinawei niyu ka duma niyu iling te peggeyinawa niyu te pegkeetew niyu. Sikeddiey ka Magbebaye.

19  ✡ Diy 22:9-11.“Tumana niyu ka me balaud ne igpatuman ku kaniyu. Kene niyu paahari ka ayam niyu te lein ne klasi te ayam. Kene niyu pamulei te daruwa ne klasi te beni ka kamet niyu. Kene niyu isaluub ka manggad ne inggimu puun te daruwa ne klasi te hinabel.

20 “Ke due lukes ne eggilabet te uripen ne malitan ne duen e egpangasawa, piru ware pad nalekat te eg-asawa kandin wey ware pad kaligwangan din puun te nekeuripen kandin, keilangan ne egparusaan sikandan. Piru kene de sikandan eggimatayan su ware mem pad kaligwangan te malitan puun te nekeuripen kandin. 21 Ne ka lukes ne nekeyilabet, eg-uyan te lukesan ne karniru diye te Magbebaye ne Manama, diye te gumawan te Balungbalung ne Temuwanan eyew igbayad te sale ne neyimu rin. 22 Ne igpalangesa te talagpanubad ka lukesan ne karniru diye te tangkaan te Magbebaye eyew iglinis te sale te lukes wey egkapasaylu e ka sale din.

23 “Ke diye kew e te Kanaan wey ke egpamula kew e te minsan nekey ne prutas ne egkakeen, kene kew egkaayun ne egkeen te behas te tatelu ne leg‑un. Kene kew pa keen te behas su kene egkaayun. 24 Te igkeep‑at ne leg‑un, ka langun ne behas, ihalad niyu eyew te pegdayan keddi. 25 Te igkalalimme e ne leg‑un, egkaayun e ne egkeenen niyu ka me behas te me prutas wey egmasalig e ka me behas kayi. Sikeddiey ka Magbebaye ne Manama niyu.

26  ✡ Hin 9:4; Lib 7:26-27; 17:10-14; Diy 12:16,23; 15:23; Diy 18:10.“Kene kew keen te ngalap te minsan nekey ne duen pad langesa. Ne kene kew panagne wey ke pahehane naa. 27  ✡ Lib 21:5; Diy 14:1.Kene niyu abuluhi ka tagse kakiliran te ulu niyu wey kene kew panumpe. 28 Ne kene niyu man‑e tulisi ka lawa niyu wey ke pangetebi naa eyew te peglungku te minatey. Sikeddiey ka Magbebaye ne Manama.

29  ✡ Diy 23:17.“Kene niyu ipabaley-baley ka me anak niyu ne me malitan su eg-isipen sikandan ne malindit. Ke eggimuwen niyu sika, egkeempet te malindit ka inged niyu wey egkeelin e ne mareet ka langun. 30  ✡ Lib 26:2.Himeley kew te Aldew te Peggimeley, wey kaaldeki niyu ka inged ne egsimbaan niyu keddi. Sikeddiey ka Magbebaye.

31  ✡ Diy 18:11; 1Sam 28:3; 2Har 23:4; Isa 8:19.“Kene kew pabulig te egmahehane. Ke egpabulig kew kandan, eg-isipen kew ne malindit. Sikeddiey ka Magbebaye niyu.

32 “Tahura niyu ka me buyag. Kaaldeki a degma nikaniyu se Manama niyu. Sikeddiey ka Magbebaye niyu.

33  ✡ Iks 22:21; Diy 24:17-18; 27:19.“Ke due lapu ne eglemung kaniyu diye te tane niyu, kene niyu le-leiha sikandin, 34 ke kene, sahipaa niyu iling te duma niyu red te mahinged. Geyinawei niyu sikandin iling te peggeyinawa niyu te pegkeetew niyu tenged su me lapu kew ma degma dengan diye te Ihiptu. Sikeddiey ka Magbebaye niyu.

35  ✡ Diy 25:13-16; Lal 20:10; Isi 45:10.“Kene kew lilimbung te pegseked niyu, pegtimbang wey ke pegtakes naa. 36 Gamita niyu ka eleg ne sekeranan,* Te Hibruwanen: balans. timbangan wey takesanan.† Te Hibruwanen: ipa. Sikeddiey ka Magbebaye ne Manama niyu ka migpalihawang kaniyu diye te Ihiptu. 37 Ne keilangan ne egtumanen niyu ka langun ne balaud wey ka langun ne me suhu ku. Sikeddiey ka Magbebaye.”