1  ✡ 2Har 24:1; 2Kru 36:5-7; Dan 1:1-2.Te igkeep‑at ne leg‑un te peghari ni Huwakim ne anak ni Husiyas diye te Huda, insulat e ni Baruk ka inlalag ku kandin. Ingguhud ku kandin 2 ka inlalag te Magbebaye ne Manama, ka Manama te Israil ne miggenendue, “Baruk, 3 migkahi ka, ‘Mekeyid‑u-hid‑u ad iya mule su intimulan te Magbebaye ne Manama ka kalised ku! Napelaan ad ka egdeg-uy, wey warad himelayan ku!’ ”

4 Purisu impakahiyan te Magbebaye ne Manama keddiey si Baruk, “Egguhusen ku ka impasasindeg ku ne nasud, wey egbaruten ku ka impamula ku, wey iling ded kayi ka eggimuwen ku te intiru ne kalibutan. 5 Purisu kene kad iman-iman ne eg-uupianan ke pad te me etew, su igpasalerep kud te karereetan ka langun ne etew. Piru egbulihan ku sikeykew ne kene egpatey minsan hendei ka eggendiye. Sikeddiey se Magbebaye ne Manama ka miglalag kayi.”