Supuniyas
Igpewun‑a
Si Supuniyas ka prupita te timpu ne si Husiyas ka Hari te Huda. Tutubungi sikandan wey migpamakey te Magbebaye ne Manama. Piru te ware naluhey, in-engkeran dan e ka Magbebaye wey iyan dan e impamakey ka me diyus-diyus. Seeye naa ka miglelalis e ka Magbebaye ne eglegparan din ka me matig-Huda wey ka me matig-Hirusalim tenged te maddeet ne me hinimuwan dan. Piru minsan pad due, ware sikandan migbuyu te pasaylu kandin. Sikan naa, te 586 ne leg‑un te ware pad neetew si Kristu, indereetan te me matig-Babilunya ka Hirusalim. Piru minsan pad due, migpahunlibet ded sikandin ne egtalipunen din ded sikandan keureme puun te me nasud ne mig-uripen kandan. Ne igpalibed din ded sikandan diye te Hirusalim wey egpanalanginan din.
Ka nenasulat te seini ne baseen
Ka timpu te peggukum te Magbebaye ne Manama 1:1–2:3
Ka karereetan te me nasud ne marani te Israil 2:4-15
Ka pegdereet wey pegluwas te Hirusalim 3:1-20
1
1 ✡ 2Har 22:1–23:30; 2Kru 34:1–35:27.Seini ka igpepangguhud te Magbebaye ne Manama ki Supuniyas te timpu ne iyan mighari te Huda si Husiyas ne anak ni Amun. Si Supuniyas, anak ni Kusi wey apu ni Hidalyas, ne si Hidalyas, anak ni Amariyas, wey apu ni Isikiyas.
Ka aldew ne eglegpad ka Magbebaye
2 Migkahi ka Magbebaye,
“Egdereetan ku iya ka langun ne kayi te tane.
3 Egdereetan ku ka me etew, ka me mananap,
ka me manuk-manuk, wey ka me isda.
Eglegparan ku ka me etew ne maddeet se hinimuwan,* Te Hibruwanen: eglimasen ka me etew iling te basura.
wey egguleen ku ka me etew kayi te ampew te tane,”
kahi te Magbebaye.
4 “Egparusaan† Te Hibruwanen: egketengen ku ka belad ku. ku ka Huda,
wey ka langun ne mig-ugpe te Hirusalim.
Eg-aween ku ka nenasame ne migsimba te diyus-diyus ne si Baal,
wey egkalingawan e ka me ngaran te me talagpanubad ne migpamakey te me diyus-diyus.
5 Eg-aween ku ka langun ne egmamaneyik te atep te me baley‡ Mapatag ka atep te me baley te me Hudiyu. ran
eyew egsimba te aldew, te bulan, wey te me bituen.
Eg-aween ku degma ka langun ne egsimba keddi, wey ka migpanaad ne egtuman keddi,
piru migpanaad degma ne egtuman ki Milkum ne diyus-diyus.
6 Egdereetan ku seeye se ware migpabulus mig-ikul keddiey,
wey ware migparani wey ke migpangananey naa keddi.”
7 Peeneng-eneng kew diye te tangkaan te Magbebaye!
Su mahaan e egginguma ka aldew te peglegpad din.
Ne intahahe e te Magbebaye ka keet-etawan para te pegpakiggira iling te ayam ne igpanubad.
In-alam din degma ka keet-etawan ne egpakiggira kandan.
8 “Te aldew ne egkeyitabu e sika,” kahi te Magbebaye,
“Egparusaan ku ka me pangulu te keet-etawan wey ka me lukes ne anak te Hari,
wey ka langun ne mig-ikul te me batasan te me etew ne ware mig-ila te Manama.
9 Te sika ne aldew, egparusaan ku ka migsimba te me diyus-diyus,
wey seeye se migpanakew§ Te Hibruwanen: seeye se egsalampew te minted. wey migpangimatey
eyew te peggipenu te baley te diyus-diyus dan.”
10 Migkahi ka Magbebaye,
“Te sika ne aldew, due egmanguleyi ne egkarineg diye te Hirusalim diye te gumawan ne egngaranan te Isda,
wey due egmandalawit puun te Iyam ne Baad te siyudad,
wey due egkarineg ne guhulubi ne egpuun te me bubungan.
11 Pandalawit kew te pegkalaggew niyu,
sikaniyu se nangugpe diye te palingki ne egngaranan te Lesung ne diddiralem te siyudad
su migpatey e ka langun ne egpamelegye, wey warad e ka langun ne egmanimbang te pelata.
12 “Te sikan ded ne timpu, egsusulu a ka eg-ayad-ayad egpamitew te me etew minsan hendei diye te Hirusalim,
wey egparusaan ku ka me etew ne amana migsalig te pegkeetew ran,
wey migkahi diye te geyinawa ran, ‘Kene ki egdereetan te Magbebaye wey ke eg-upianan naa.’
13 Egpanakawen ka me karatuan dan,
wey egpangguhusen ka me baley ran.
Egpangimu sikandan te me baley, piru kene dan egkeugpaan;
egpamula sikandan te me paras, piru kene ne sikandan egpekeinum te binu.”
14 “Mahaan e ka makaaldek-haldek ne aldew te peglegpad te Magbebaye,
wey mahaan e seini egginguma.
Te sika ne aldew, mapeit-peit naan de iya ka ngangangan te me etew,
wey minsan ka me bahani, egmanguleyi tenged te liyas.
15 Su sika ka aldew ne igpapitew te Manama ka langet din,
aldew te kalaggew wey kasakitan, ka aldew te kasamuk wey karereetan,
ka aldew te pegpaddusilem wey pegdaldaleet.
16 Aldew sika te pegparahing te trumpita
wey pegpanguleyi te seeye se egmanlusud te maresen ne me siyudad
wey te me matikang ne alad te siyudad.”
17 Migkahi ka Magbebaye,
“Egbaybayaran ku ka me etew,
wey egpekeiling sikandan te me butud ne eggipanew,
su nakasale sikandan keddiey.
Egparalanahen ku ka langesa ran iling te weyig,* Te Hibruwanen: egkabusbus ka langesa ran iling te alinepung.
wey egkengamewu† Te Hibruwanen: ka sapu dan iling te tei. ka me lawa ran te minsan hendei.”
18 Te aldew ne igpapitew e ka langet te Magbebaye,
kene egpakapangabang te me etew ka me seleppi dan wey ka me bulawan dan.
Ne puun te egmangebel-ebel ne langet din, egkasilaban ka intiru ne kalibutan;
egtigkawen din te egpangimatey ka langun ne nangugpe kayi te ampew te tane.
✡1:1 2Har 22:1–23:30; 2Kru 34:1–35:27.
*1:3 Te Hibruwanen: eglimasen ka me etew iling te basura.
†1:4 Te Hibruwanen: egketengen ku ka belad ku.
‡1:5 Mapatag ka atep te me baley te me Hudiyu.
§1:9 Te Hibruwanen: seeye se egsalampew te minted.
*1:17 Te Hibruwanen: egkabusbus ka langesa ran iling te alinepung.
†1:17 Te Hibruwanen: ka sapu dan iling te tei.