2
Ka tambag te peg-inniyug te sale
1 Ne ingkahiyan ni Supuniyas ka me matig-Huda,
“Libulung kew, sikaniyu se keet-etawan ne kene egkengeyilew ne eggimu te sale.
2 Libulung kew wey inniyuhi niyu ka me sale niyu te kene pad egginguma ka peggukum* Te Hibruwanen: balaud. te Manama;
Pasayu kew te kene pad egkataman ka aldew te pegbuyu te pasaylu su eglihad de sika ne aldew iling te ukaba ne eglayap te kalamag;
te kene pad egginguma kaniyu ka aldew te mangune-kune ne langet din.
3 Parani kew te Magbebaye ne Manama,
sikaniyu se me mapariralemen ne me etew wey migtuman te me suhu din.
Pakannekal kew ne eggimu te meupiya wey pariralem kew,
kema ke kene kew red eglegparan nikandin
ke eggingume e ka aldew te mangune-kune ne langet din.”
Ka pegkahuhus te me inged ne marani te Israil
4 ✡ Isa 14:29-31; Hir 47:1-7; Isi 25:15-17; Huwil 3:4-8; Amu 1:6-8; Sak 9:5-7.“Eg-engkeran ka siyudad te Gasa
wey warad degma me etew ne egmangugpe te Askalun.
Ka nangugpe te Asdud, egpandeldelen ke egpekeuntud e ka aldew,
wey egpangaween e ka mahinged te Ikrun.
5 Mekeyid‑u-hid‑u kew se nangugpe te ilis te dahat,
mekeyid‑u-hid‑u kew me Kiritihanen.
Sikaniyu se me Pilistihanen ne nangugpe te Kanaan,
sikaniyu ka igkabelu te Magbebaye.
Egpangimatayan kew nikandin taman te warad egkasame kaniyu.
6 Egkeyimu e ne panabtaban te me karniru wey kulungan te me ayam
ka me inged ne diye te ilis te dahat ne in-ugpaan te me Kiritihanen.
7 Ne iyan e egpakakamuney te me inged ne diye te ilis te dahat
ka me keet-etawan te Huda ne nenasame.† Te Hibruwanen: ware migpatey te gira.
Ne diye dan e egpepanabtaba ka me karniru ran;
ne diyad e sikandan egpangirehe te me baley te Askalun ke marusilem.
Ne egbulihan sikandan te Magbebaye ne Manama ran,
wey egmatubungen din e man‑e ka peg-ugpe dan.”
8 ✡ Isa 15:1–16:14; 25:10-12; Hir 48:1-47; Isi 25:8-11; Amu 1:13-15; Hir 49:1-6; Isi 21:28-32; 25:1-7; Amu 1:13-15.Ne migkahi ka Magbebaye,
“Narineg ku ka pegbaley-baley te me matig-Muwab,
wey ka pegpanlemet te me Amunihanen te keet-etawan ku.
Migpeggasal sikandan ne egkaahew ran ka inged te keet-etawan ku.
9 ✡ Hin 19:24.Purisu, puun su ware egpatayan ku,
egdereetan ku iya ka Muwab iling te Suduma
wey ka matig-Amun iling te Gumura.
Egkeempet ka tane dan te me duhiyen ne me hilamunen wey egkengallungahan e te asin,
sikan naa ka warad karuan te tane dan.
Ne egpangahawen te keet-etawan ku ne nenasame ka me karatuan dan,
wey iyan e egkamkamuney te me inged dan.”
Sika ka ingkahi te Amana ne Maresen ne Magbebaye, ka Manama te Israil.
10 Iling due ka iglegpad kandan tenged te pegpaambug dan,
su migpandali-di ma sikandan wey migpanlemet te keet-etawan te Amana ne Maresen ne Magbebaye.
11 Ne igpakita te Magbebaye ne Manama kandan ka mangune-kune ne geem din
wey egdereetan din ka langun ne diyus-diyus te kalibutan.
Ne sikandin e ka egsimbeen te keet-etawan te langun ne nasud
diye te me inged dan.
egpeyimatayan kew red degma te Magbebaye pinaahi te kampilan.
13 ✡ Isa 10:5-34; 14:24-27; Nah 1:1–3:19.Ne egpakig-ehet§ Te Hibruwanen: Egketengen din ka belad din. ka Magbebaye diye te igkahibang ne balabahan dapit te igsile,
wey egdereetan din ka Asirya pinaahi te geem din.
Eggimuwen din ne mammara ne inged ka Ninibi
wey kenad egkeugpaan wey egkeengkeran e.
14 Ne diyad egpangugpe ka me baka wey ka me karniru
wey ka langun ne klasi te mananap,
wey diyad egpangugpe te nahuhus ne me sungkaleg ka me banug wey ka me ambew.
Diyad egmangekahi te me bintana ka me ekang.
Egkagguhus ka me gumawan
wey egkengaddeetan e ka me sidar ne alabat.
15 Iling due ka egkeyitabu te siyudad te Ninibi
ne amana migpaambug ka me mahinged ne ware egpakatalu kandan
wey migkahi, “Ware lein ne siyudad ne egpekeiling te kabantug te kanta ne siyudad.”
Piru masumpit ka egkeyitabu te sika ne siyudad su egkeyimu e sika ne ugpaanan te me mahintalunan.
Eglelemetan sika wey egdali-dian te minsan hentew ne eglihad kayi.
*2:2 Te Hibruwanen: balaud.
✡2:4 Isa 14:29-31; Hir 47:1-7; Isi 25:15-17; Huwil 3:4-8; Amu 1:6-8; Sak 9:5-7.
†2:7 Te Hibruwanen: ware migpatey te gira.
✡2:8 Isa 15:1–16:14; 25:10-12; Hir 48:1-47; Isi 25:8-11; Amu 1:13-15; Hir 49:1-6; Isi 21:28-32; 25:1-7; Amu 1:13-15.
‡2:12 Te Hibruwanen: matig-Kus.
✡2:13 Isa 10:5-34; 14:24-27; Nah 1:1–3:19.
§2:13 Te Hibruwanen: Egketengen din ka belad din.