Ka An-anayan wey ka Ikarangeb ne Baseen te Krunikas migguhud ded degma te Baseen ni Samwil wey te Baseen te Me Hari piru nahuhud te lein ne paahi. Duen de daruwa ne impurtanti amana ne tuyu ke mania te nasulat ka nabaybayaan te me matig-Israil wey ka pegmandu te me Hari:
1.) Eyew egkanengnengan te talagbasa ne minsan pad te kareetan ne nabayaan te Huda wey te Israil, intuman ded te Manama ka saad din wey ka implanu rin diye te keet-etawan. Impamalehetan seini te talagsulat pinaahi te pegpangguhud din te neneyimu ni Dabid, ni Sulumun, ni Hihusapat, ni Isikiyas, ni Husiyas, wey diye te me etew ne matinumanen te Manama.
2.) Eyew te pegpahunsiling diye te keet-etawan ke egmenuwen te egsimba ka Manama diye te timplu rin ne diye te Hirusalim labew te langun diye te me talagpanubad wey me Libita ne iyan eggimu te pegsimba. Ne migpataha man‑e seini ne si Dabid ka malehet ne pabunsuranan te timplu minsan ke si Sulumun e ka nakapasasindeg kayi.
Ka me kabuybuyahan wey ka me listaan 1:1–9:44
Ka pegkapatey ni Saul 10:1-14
Ka peghari ni Dabid 11:1–29:30
a. Ka me gubut wey ka me kapanaluwan 11:1–22:1
b. Ka pegpangandam eyew te pegpasasindeg te timplu 22:2–29:30
(Hin. 5:1-32; 10:1-32; 11:10-26)
1 1 Si Adan ka amey ni Sit, si Sit ka amey ni Inus, wey si Inus ka amey ni Kinan, 2 si Kinan ka amey ni Mahalalil, wey si Mahalalil ka amey ni Harid, 3 si Harid ka amey ni Inuk, si Inuk ka amey ni Mitusila, si Mitusila ka amey ni Lamik, wey si Lamik ka amey ni Nuwi. 4 Ne si Nuwi due tatelu ne anak ne me lukes ne iyan si Sim, si Ham, wey si Hapit.
5 Ne seini ka me lukes ne anak ni Hapit—si Gumir, si Magug, si Maday, si Haban, si Tubal, si Misik, wey si Tiras. 6 Ne seini ka me lukes ne anak degma ni Gumir—si Askinas, si Ripat, wey si Tuggarma. 7 Seini ka me lukes ne anak ni Haban—si Ilisa, si Tarsis, si Kitim, wey si Dudanim.
8 Ne seini ka me lukes ne anak ni Ham—si Kus, si Ihiptu,[fn] si Put, wey si Kanaan. 9 Seini degma ka me lukes ne anak ni Kus—si Siba, si Habila, si Sabta, si Raama, wey si Sabtika. Ne seini degma ka me lukes ne anak ni Raama—si Siyiba wey si Didan. 10 Ne duen pad man‑e anak ni Kus ne egngaranan ki Nimrud, ne iyan ka an-anayan ne bahani kayi te ampew te tane. 11 Si Ihiptu iyan ka kaapuan te me matig-Ludim, me matig-Anamim, me matig-Lihabim, me matig-Naptuhim, 12 me matig-Patrusim, me matig-Kasluhim (ne migligkatan te me Pilistihanen), wey me matig-Kapturim. 13 Ka panganey ne anak ni Kanaan iyan si Sidun, ne kaapuan te me Sidunihanen wey te me Hitihanen, 14 me Hibusihanen, me Amurihanen, me Girgasihanen, 15 me Hibihanen, me Arkihanen, me Sinihanen, 16 me Arbadihanen, me Simarihanen, wey te me Hamatihanen.
17 Ne seini ka me lukes ne anak ni Sim—si Ilam, si Asur, si Arpaksad, si Lud, wey si Aram, si Us, si Hul, si Gitir, wey si Misik. 18 Ne si Arpaksad ka amey ni Sila, wey si Sila ka amey ni Ibir. 19 Ne si Ibir due daruwa ne anak ne me lukes. Ka ngaran te sabeka, si Pilig[fn] su te timpu rin, nabaad ka keet-etawan[fn] te kalibutan. Ne ka ngaran te suled din iyan si Huktan. 20 Ne si Huktan ka amey ni Almudad, ni Silip, ni Asarmabit, ni Hira, 21 ni Aduram, ni Usal, ni Dikla, 22 ni Ibal, ni Abimail, ni Siyiba, 23 ni Upir, ni Habila, wey ni Hubab.
24 Te pantek ne peglista te me kabuhalan ni Sim: si Arpaksad, si Sila, 25 si Ibir, si Pilig, si Riyu, 26 si Sirug, si Nahur, si Tira, 27 wey si Abram ka neilaan degma ne Abraham.
28 Ne due daruwa ne anak ni Abraham ne me lukes ne iyan si Isaak wey si Ismail. 29 Seini ka me lukes ne anak ni Ismail—si Nibayut (ka kinakakayan), si Kidar, si Adbiil, si Mibsam, 30 si Misma, si Duma, si Masa, si Hadad, si Tima, 31 si Hitur, si Napis, wey si Kidima. 32 Ne ka me lukes ne anak ni Abraham ki Kitura ne duwey rin iyan si Simran, si Huksan, si Midan, si Midiyan, si Isbak, wey si Suwa. Ne ka me anak ni Huksan ne me lukes, iyan si Siyiba wey si Didan. 33 Ne ka me anak ni Midiyan ne me lukes, iyan si Ipa, si Ipir, si Hanuk, si Abida, wey si Ildiya. Me kabuhalan sikandan langun ni Kitura.
34 Ne si Abraham ka amey ni Isaak. Ne ka me anak ni Isaak ne me lukes, iyan si Isaw wey si Hakub.
35 Ne ka me anak ni Isaw ne me lukes iyan si Ilipas, si Riyuwil, si Hiyus, si Halam, wey si Kura. 36 Ne ka me anak ni Ilipas ne me lukes iyan si Timan, si Umar, si Sipi, si Gatam, si Kinas, si Timna, wey si Amalik. 37 Ne ka me anak ni Riyuwil ne me lukes iyan si Nahat, si Sira, si Sama, wey si Misa.
38 Ne seini ka me anak ni Siir[fn] ne me lukes: si Lutan, si Subal, si Sibiyun, si Ana, si Disun, si Isir, wey si Disan. 39 Ne seini ka me anak ni Lutan ne me lukes: si Huri wey si Humam. Ne due atebey ni Lutan ne egngaranan ki Timna. 40 Ne seini ka me anak ni Subal ne me lukes: si Aliyan, si Manahat, si Ibal, si Sipi, wey si Unam. Ne seini ka me anak ni Sibiyun ne me lukes: si Aya wey si Ana. 41 Ne si Ana due sabeka ne anak ne lukes ne iyan si Disun. Ne seini ka me anak ni Disun ne me lukes: si Hamran, si Isban, si Itran, wey si Siran. 42 Ne seini ka me anak ni Isir ne me lukes: si Bilhan, si Saban, wey si Hakan. Ne seini ka me anak ni Disan ne me lukes: si Us wey si Aran.
43 Seini ka me Hari te inged ne Idum te me timpu ne ware pad mighari diye te Israil: si Bila ne anak ni Biyur. Ne iyan ngaran te siyudad din ka Dinhaba. 44 Te migpatey e si Bila, iyan nakasubal kandin migmandu si Hubab ne anak ni Sira ne matig-Busra. 45 Te migpatey e degma si Hubab, iyan e degma nakasubal kandin migmandu si Husam ne matig-Timan. 46 Te migpatey e degma si Husam, iyan e degma nakasubal kandin migmandu ka anak ni Bidad ne si Hadad ne matig-Abit. Natalu ni Hadad ka me matig-Midiyan diye te napu te Muwab. 47 Te migpatey e degma si Hadad, iyan e degma nakasubal kandin migmandu si Samla ne matig-Masrika. 48 Te migpatey e degma si Samla, iyan e degma nakasubal kandin migmandu si Saul ne matig-Rihubut ne marani te Weyig ne Iyupratis. 49 Te migpatey e degma si Saul, iyan e degma nakasubal kandin migmandu si Baal-Hanan ne anak ni Akbur. 50 Te migpatey e degma si Baal-Hanan, iyan e degma nakasubal kandin migmandu si Hadad ne matig-Pau. Ne ka asawa ni Hadad iyan si Mihitabil ne anak ni Matrid wey apu ni Misaab.
51 Ne nataman migpatey e degma si Hadad.
Seini ka me pangulu te tribu te Ilam: si Timna, si Alya, si Hatit, 52 si Uhulibama, si Ila, si Pinun, 53 si Kinas, si Timan, si Mibsar, 54 si Magdiil, wey si Iram.
2 1 Ne ka me anak ni Hakub ne me lukes iyan si Rubin, si Simyun, si Libi, si Huda, si Isakar, si Sabulun, 2 si Dan, si Husi, si Binhamin, si Naptali, si Gad, wey si Asir.
3 Ne ka me anak ni Huda ne me lukes iyan si Ir, si Unan, wey si Sila. Seini se tatelu, anak dan ki Batsuwa ne Kanaanen. Si Ir ne kinakakayan ne anak ni Huda, mareet se hinimuwan diye te tangkaan te Magbebaye ne Manama, purisu innimatayan sikandin te Manama. 4 Duen pad man‑e daruwa ne anak ni Huda ne me lukes ki Tamar ne ambey rin ne iyan si Piris wey si Sira. Lalimma langun ka anak din ne me lukes.
5 Ne due daruwa ne anak ni Piris ne me lukes ne iyan si Hisrun wey si Hamul. 6 Ne ka anak ni Sira ne me lukes iyan si Simri, si Itan, si Himan, si Kalkul, wey si Dara. Lalimma langun ka anak din ne me lukes. 7 [xr]Ne sabeka te me kabuhalan ni Sira ne iyan si Karmi, due anak ne lukes ne iyan si Akan, ne nekeyimu te kahubut te Israil pinaahi te pegpanakew rin te kasangkapan ne imbehey e diye te Manama. 8 Ne ka anak ni Itan ne lukes iyan si Asariyas.
9 Ne ka anak ni Hisrun ne me lukes iyan si Hiramil, si Ram, wey si Kalib.[fn]
10 Si Ram ka amey ni Aminadab, wey si Aminadab ka amey ni Naasun, ne pangulu te keet-etawan te Huda. 11 Si Naasun ka amey ni Salmun, wey si Salmun ka amey ni Buas. 12 Si Buas ka amey ni Ubid, wey si Ubid ka amey ni Hisi. 13 Ne due pitu ne anak ni Hisi ne me lukes: si Iliyab ka kinakakayan, si Aminadab ka igkarangeb, si Simiya ka igkatelu, 14 si Nitanil ka igkeep‑at, si Raday ka igkalimma, 15 si Usim ka igkeen‑em, wey si Dabid ka igkapitu. 16 Ne due degma daruwa ne anak ni Hisi ne me malitan ne iyan si Siruya wey si Abigail. Ne si Siruya due tatelu ne anak ne me lukes ne iyan si Abisay, si Huwab, wey si Asahil. 17 Ne si Abigail due anak din ne lukes ne iyan si Amasa, si Hitir ka amey rin ne sabeka ne Ismailita.
18 Ne si Kalib ne anak ni Hisrun, migpangasawa ki Asuba ne egngaranan ded ki Hiriyut. Ne ka me anak dan ne me lukes iyan si Hisir, si Subab, wey si Ardun. 19 Te migpatey e si Asuba, mig-asawe e man‑e si Kalib ki Iprata wey nakaanak sikandan ki Hur. 20 Ne si Hur ka amey ni Uri, wey si Uri ka amey ni Bisalil.
21 Te hen‑em ne pulu (60) e ka idad ni Hisrun, impangasawa rin e ka anak ni Makir ka an-anayan ne mahinged te Gilyad. Ne nakaanak sikandan te lukes ne iyan si Sigub. 22 Ne si Sigub ka amey ni Hair. Ne si Hair ka migmandu te daruwa ne pulu wey tatelu (23) ne me siyudad ne sakup te Gilyad. 23 Piru in-ahew ni Gisur wey ni Aram ka me lungsud ne immanduan ni Hair lagkes ka Kinat, wey ka hen‑em ne pulu (60) ne me bariyu ne nakalingut kayi. Me kabuhalan langun ni Makir ne amey ni Gilyad ka nangugpe te seini ne me lungsud wey me bariyu. 24 Te migpatey e si Hisrun, si Kalib ne anak din miggilabet ki Iprata ne balu te amey rin, wey nakaanak si Iprata ki Asur ne amey ni Tikuwa.
25 Ne si Hiramil, ne kinakakayan ne anak ni Hisrun, due lalimma ne anak ne me lukes: si Ram ka kinakakayan, si Buna ka igkarangeb, si Urin ka igkatelu, si Usin ka igkeep‑at, wey si Ahiyas ka igkalimma. 26 Ne duen pad man‑e lein ne asawa ni Hiramil ne egngaranan ki Atara ne iney ni Unam. 27 Ne si Ram ne kinakakayan ne anak ni Hiramil, due anak ne me lukes ne iyan si Maas, si Hamin, wey si Ikir. 28 Ne si Unam due daruwa ne anak ne me lukes ne iyan si Samay wey si Hada. Ne si Samay due degma daruwa ne anak ne me lukes ne iyan si Nadab wey si Abisur.
29 Ne ka ngaran te asawa ni Abisur iyan si Abihail. Ne due anak dan ne me lukes ne iyan si Aban wey si Mulid. 30 Ne si Nadab due daruwa ne anak ne me lukes ne iyan si Silid wey si Apayim. Ne migpatey re due si Silid ne ware anak. 31 Ne ka anak ni Apayim ne lukes iyan si Ishi. Ne si Ishi ka amey ni Sisan wey si Sisan ka amey ni Alay.
32 Ne si Hada ne suled ni Samay due daruwa ne anak ne me lukes ne iyan si Hitir wey si Diyunatan. Ne migpatey re due si Hitir ne ware anak. 33 Ne si Diyunatan due daruwa ne anak ne me lukes ne iyan si Pilit wey si Sasa. Sikandan langun ka me kabuhalan ni Hiramil.
34 Ne si Sisan ware anak ne me lukes, su me malitan de. Piru due uripen din ne lukes ne matig-Ihiptu ne egngaranan ki Harha. 35 Purisu, impaasawa rin ki Harha ne uripen din ka sabeka te me anak din ne malitan wey nakaanak sikandan ki Atay. 36 Ne si Atay ka amey ni Natan, wey si Natan ka amey ni Sabad. 37 Ne si Sabad ka amey ni Iplal, wey si Iplal ka amey ni Ubid. 38 Ne si Ubid ka amey ni Dihu, wey si Dihu ka amey ni Asariyas. 39 Ne si Asariyas ka amey ni Hilis, wey si Hilis ka amey ni Ilasa. 40 Ne si Ilasa ka amey ni Sismay, wey si Sismay ka amey ni Salum. 41 Ne si Salum ka amey ni Hikamiyas, wey si Hikamiyas ka amey ni Ilisama.
42 Ne ka me lukes ne anak te suled ni Hiramil ne si Kalib, iyan si Misa ka panganey, ne amey ni Sip, wey si Marisa ka igkarangeb, ne amey ni Hibrun. 43 Ne ka me anak ni Hibrun ne me lukes iyan si Kura, si Tapuwa, si Rikim, wey si Sima. 44 Ne si Sima ka amey ni Raham, wey si Raham ka amey ni Hurkiyam. Ne si Rikim ka amey ni Samay, 45 si Samay ka amey ni Maun, wey si Maun ka amey ni Bitsur. 46 Ne due duwey ni Kalib ne egngaranan ki Ipa ne nakaanak engki Haran, ki Musa, wey ki Gasis. Ne si Haran due anak ne lukes ne egngaranan degma ki Gasis. 47 Ne si Haday due anak ne me lukes ne iyan si Rigim, si Hutam, si Gisan, si Pilit, si Ipa, wey si Saap.
48 Ne duen pad man‑e lein ne duwey ni Kalib ne iyan si Maaka, ne nakaanak ki Sabir wey ki Tirhana. 49 Ne nakaanak pad man‑e si Maaka te daruwa ne me lukes ne si Saap ne amey ni Madmana, wey si Siba ne amey ni Makbina wey ni Gibiya. Ne due man‑e anak ni Kalib ne malitan ne iyan si Aksa.
50 Ne seini pad man‑e ka me kabuhalan ni Kalib: si Hur ne kinakakayan ne anak ni Kalib ki Iprata, due anak ne me lukes ne iyan si Subal ne iyan migpasasindeg te siyudad ne Kiryat-Hiyarim, 51 si Salma ne iyan migpasasindeg te siyudad ne Bitlihim, wey si Harip iyan migpasasindeg te Bitgadir. 52 Ne si Subal ka migpasasindeg siyudad te Kiryat-Hiyarim. Ka me kabuhalan din iyan ka me matig-Haruwi wey ka katenge te me matig-Minuhut. 53 Ne ka me kabuhalan ne nangugpe diye te Kiryat-Hiyarim iyan ka me Itrahanen, me Puthanen, me Sumatnen, wey ka me Misrahanen—me kabuybuyahan te me Suruhanen wey me Istaulnen. 54 Ne ka me kabuhalan ni Salma iyan ka me matig-Bitlihim, me matig-Nitupa, me matig-Astrubitihuwab, wey ka katenge te me matig-Manahat wey me matig-Suri. 55 Ne ka me kabuhalan te me mangngateu ne egsulat wey eg-iling te me sinulat, diye mig-ugpe te Habis. Sikandan ka me Tiratihanen, me Simiyatihanen, wey me Sukatihanen. Sikandan ka me Kinihanen ne migpuun ki Hamat ne amey ni Rikab.
3 1 Seini ka anak ni Dabid ne me lukes ne neetew diye te Hibrun: si Amun ka kinakakayan ne iyan iney si Ahinuwam ne matig-Hisril. Si Danyil ka igkarangeb ne iyan iney si Abigail ne matig-Karmil. 2 Si Absalum ka igkatelu ne iyan iney si Maaka ne anak ni Talmay ne Hari te Gisur. Si Aduniyas ka igkeep‑at ne iyan iney si Hagit. 3 Si Sipatiyas ka igkalimma ne iyan iney si Abital. Ne si Itriyam ka igkeen‑em ne iyan iney si Igla.
4 [xr]Ne seini se hen‑em, neneetew diye te Hibrun te timpu ne mighari si Dabid diye te pitu ne leg‑un wey hen‑em ne bulan.
Ne mighari si Dabid diye te Hirusalim te tatelu ne pulu wey tatelu (33) ne leg‑un. 5 [xr]Ne seini ka me anak ni Dabid ne me lukes ne neetew diye te Hirusalim: si Simiya, si Subab, si Natan, wey si Sulumun. Seini se hep‑at, me anak dan ki Batsiba ne anak ni Amil. 6 Ne duen pad man‑e siyam ne anak ni Dabid ne me lukes ne iyan si Ibaar, si Ilisama, si Ilpilit, 7 si Nugi, si Nipig, si Hapiya, 8 si Ilisama, si Iliyada, wey si Ilipilit. 9 Sika langun ka me anak ni Dabid, ware labet te me anak din te me duwey rin. Ne due degma anak din ne malitan ne si Tamar.
10 Seini ka me kabuhalan ni Sulumun ne neyimu ne Hari: si Rihubuwam, si Abiyas, si Asa, si Hihusapat, 11 si Huram, si Ahasiyas, si Huwas, 12 si Amasiyas, si Asariyas, si Hutam, 13 si Ahas, si Isikiyas, si Manasis, 14 si Amun, wey si Husiyas. 15 Ne seini ka hep‑at ne me lukes ne anak ni Husiyas: si Diyuhanan, si Huwakim, si Sidikiyas, wey si Salum. 16 Ne seini ka me anak ni Huwakim: si Huwakin wey si Sidikiyas.
17 Ne seini ka me kabuhalan ni Hari Huwakin ne impandakep wey impanguyan te me matig-Babilunya: si Salatiil, 18 si Malkiram, si Pidayas, si Sinisar, si Hikamiyas, si Husama, wey si Nidabiyas. 19 Ne si Pidayas due daruwa ne anak ne me lukes ne iyan si Sirubabil wey si Simii. Ne si Sirubabil due degma daruwa ne anak ne me lukes ne iyan si Misulam wey si Ananiyas, wey due atebey ran ne si Silumit. 20 Ne duen pad man‑e lalimma ne anak ni Sirubabil ne me lukes ne iyan si Hasuba, si Uhil, si Birikiyas, si Hasadiyas, wey si Husabisid. 21 Ne due degma daruwa ne anak ni Ananiyas ne me lukes ne iyan si Pilatiyas wey si Hisayas. Si Hisayas ka amey ni Ripayas, si Ripayas ka amey ni Arnan, si Arnan ka amey ni Ubadiya, wey si Ubadiya ka amey ni Sikaniyas. 22 Ne si Sikaniyas due sabeka ne anak ne lukes ne iyan si Simaya. Ne si Simaya due hen‑em ne anak ne me lukes ne iyan si Hatus, si Igal, si Bariya, si Naariyas, wey si Sapat. 23 Ne si Naariyas due tatelu ne anak ne me lukes ne iyan si Iliyunay, si Iskiyas, wey si Asrikam. 24 Ne si Iliyunay due pitu ne anak ne me lukes ne iyan si Hudabiyas, si Iliyasib, si Pilayas, si Akub, si Diyuhanan, si Dilayas, wey si Anani.
4 1 Seini ka duma ne me kabuhalan ni Huda: si Piris, si Hisrun, si Karmi, si Hur, wey si Subal. 2 Ne si Subal ka amey ni Rayas, si Rayas ka amey ni Diyahat, wey si Diyahat ka amey ni Ahumay wey ni Lahad. Sikandan ka me kaap-apuan te me matig-Sura. 3-4 Ne si Hur ka kinakakayan ne anak ni Kalib te asawa rin ne si Iprata, wey ka me kabuhalan din ka migpasasindeg te Bitlihim. Ne si Hur due tatelu ne anak ne me lukes ne iyan si Itam, si Pinuwil, wey si Isir. Ne si Itam due tatelu ne anak ne me lukes ne iyan si Hisril, si Isma, wey si Hidibas, wey due atebey ran ne egngaranan ki Hasililpuni. Si Pinuwil ka amey ni Gidur, wey si Isir ka amey ni Husa. 5 Si Asur ne amey ni Tikuwa, due daruwa ne asawa ne si Hila wey si Naara. 6 Ne seini ka anak dan ki Naara: si Ahusam, si Hipir, si Tamani, wey si Ahastari. 7 Ne seini degma ka me anak dan ki Hila: si Sirit, si Isar, wey si Itnan.
8 Si Kus ka amey ni Anub wey ni Sudiba. Ne sikandin ded degma ka kaapuan te me kabuhalan ni Aharhil ne anak ni Harum.
9 Ne due etew ne egngaranan ki Habis ne subla ne talahuren, du te me suled din. Si Habis[fn] ka ingngaran kandin te iney rin, su amana ne masakit ka pegpalesut kandin. 10 Ne mig-ampu si Habis te Manama te Israil ne migkahi, “Panalangini a nikeykew Manama, wey pamaluaha nu pa ka inged ne sakup ku. Dumeyi a ubag nikeykew wey ipaalihu a te karereetan.” Ne imbehey te Manama ka imbuyu din.
11 Si Kalib ne suled ni Suwa iyan amey ni Mihir ne amey ni Istun. 12 Ne si Istun ka amey enni Bitrapa, ni Pasiya, wey ni Tihina. Ne si Tihina ka amey ni Naas. Me matig-Rika sikandan.
13 Si Kinas due daruwa ne anak ne me lukes ne si Utniil wey si Sirayas. Ne ka anak ni Utniil ne me lukes iyan si Hatat wey si Miyunati. 14 Ne si Miyunati ka amey ni Upra. Ne si Sirayas ka amey ni Huwab, ka nekeyimu te inged ne egngaranan te bangalug te me Pandey. Ingngaranan sika te bangalug te me Pandey tenged su me pandey ma ka nangugpe kayi.
15 Ne si Kalib ne anak ni Hipuni, due anak ne me lukes ne iyan si Iru, si Ila, wey si Naam. Ne si Ila ka amey ni Kinas.
16 Si Hihalilil due anak ne me lukes ne iyan si Sip, si Sipa, si Tiraya, wey si Asaril.
17-18 Si Isdras due hep‑at ne anak ne me lukes ne iyan si Hitir, si Mirid, si Ipir, wey si Halun. Ne si Mirid mig-asawa ki Bitiya ne anak te Hari te Ihiptu, wey nakaanak sikandan te malitan ne iyan si Miryam, wey daruwa ne me lukes ne si Samay wey si Hisba. Ne si Hisba ka amey ni Istimuwa. Ne mig-asawa man‑e si Mirid te malitan ne matig-Huda wey nakaanak sikandan te tatelu ne me lukes ne iyan si Harid ne amey ni Gidur, si Hibir ne amey ni Suku, wey si Hikutil ne amey ni Sanuwa.
19 Ne mig-asawa si Hudiyas te atebey ni Naham. Ne ka sabeka te me anak dan ne lukes, iyan amey ni Kila ne kaapuan te me matig-Garmi, wey ka dangeb, amey ni Istimuwa ne kaapuan te me matig-Maaka.
20 Si Simun due hep‑at ne anak ne me lukes ne iyan si Amnun, si Rina, si Binhanan, wey si Tilun.
Si Ishi due daruwa ne anak ne me lukes ne si Suwit wey Binasuwit.
21 Ne ka me kabuhalan ni Sila ne anak ni Huda, iyan si Ir ne kaapuan te me matig-Lika, si Laada ne kaapuan te me matig-Marisa, wey te me pamilya te me talaggimu te hinabel diye te Bit-Asbis, 22 ni Hukim wey te me mahinged te Kusiba, ni Huwas wey ni Sarap ne migmandu te Muwab wey te Hasubilihim. (Ka seini ne me sinulat puun pad te tapey ne timpu.) 23 Migpamakey sikandan te Hari isip me talaggimu te me kuren, wey diye sikandan mig-ugpe te Nitaim wey Gidira.
24 Ne ka me anak ni Simyun ne me lukes iyan si Nimwil, si Hamin, si Harib, si Sira, wey si Saul. 25 Ne si Saul ka amey ni Salum, si Salum ka amey ni Mabsam, wey si Mabsam ka amey ni Misma. 26 Ne si Misma ka amey ni Hamwil, si Hamwil ka amey ni Sakur, wey si Sakur ka amey ni Simii. 27 Ne si Simii due sapulu wey hen‑em (16) ne anak ne me lukes wey hen‑em ne malitan, piru pila-pila re ka anak te me suled din. Sikan naa ka kene ne iling kasulug ka tribu ran te kabuhalan ni Huda.
28 [xr]Ne diye nangugpe ka me kabuhalan ni Simyun te Birsiba, te Mulada, te Hasar-Suwal, 29 te Bilha, te Isim, te Tulad, 30 te Bituil, te Hurma, te Siklag, 31 te Bit-Markabut, te Hasar-Susim, te Bitbiri, wey te Sa-Arim. Me lungsud dan sika taman te peghari ni Dabid. 32 Nangugpe degma sikandan diye te lalimma ne me lungsud ne iyan ka Itam, ka Ayin, ka Rimun, ka Tukin, wey ka Asan. 33 Nangugpe man‑e sikandan te langun ne bariyu ne nakalingut te sika ne me lungsud taman te Baal. Sika ka nangugpaan dan, wey due listaan dan te me kabuhalan dan.
34 Ka me pangulu te me kabuhalan dan iyan si Misubab, si Hamlik, si Husa ne anak ni Amasiyas, 35 si Huwil, si Dihu ne anak ni Husabiyas, ne anak ni Sirayas ne anak ni Asiil, 36 wey si Iliyunay, si Haakuba, si Hisuhayas, si Asaya, si Adiil, si Ismil, si Binayas, 37 wey si Sisa. (Si Sisa anak ni Sipi ne anak ni Alun, wey si Alun anak ni Hidayas. Si Hidayas anak ni Simri ne anak ni Simaya.) 38 Ka seeye se nangngaranan, me pangulu te me pamilya ran. Ne migmasalig sikandan amana. 39 Ne nangendiye sikandan te inged te Gidur, diye te bangalug ne dapit te igsile eyew egpamitew te egkapanabtaban te me karniru ran. 40 Ne nakakita sikandan te dakel se hilamunen wey meupiya ne panabtaban. Luluahi seini wey malinawen, wey nangugpaan dengan te me kabuhalan ni Ham.
41 Piru te timpu te peghari ni Hisikiyas te Huda, inlusuran te narawit se me ngaran ne me kabuhalan ni Simyun ka me kabuhalan ni Ham. Inlusuran dan degma ka me Miyunihanen ne nangugpe diye, wey in-amin dan sikandan pangimatayi. Ne ka me kabuhalan e ni Simyun ka nangugpe diye kuntee, su duen ma egkapanabtaban te me karniru ran diye. 42 Me lalimma ne gatus (500) ka kabuhalan ni Simyun ne miglusud diye te Bubungan ne Siir ne impanguluwan enni Pilatiyas, ni Naariyas, ni Ripayas, wey ni Usil ne anak ni Ishi. 43 Ne impangimatayan dan ka me Amalikanen ne nakapallahuy, wey diyad e sikandan nangugpe taman kuntee.
5 1-2 [xr]Si Rubin ka kinakakayan ne anak ni Israil, piru tenged te inggilabetan din ka duwey te amey rin, sikan naa ka naawe ka katenged din isip kinakakayan wey ka katenged din nekeendiyad te me anak ni Husi ne suled din. Minsan nekeendiyad ka katenged ni Rubin ki Husi, si Huda mule ka neyimu ne mabantug te me kabuhalan din wey migpuun te kabuhalan din ka pangulu te langun ne tribu te Israil. 3 Seini ka me lukes ne anak ni Rubin ne kinakakayan ne anak ni Israil: si Hanuk, si Palu, si Hisrun, wey si Karmi.
4-6 [xr]Seini ka me kabuhalan ni Huwil: si Simaya, si Gug, si Simii, si Mika, si Riha, si Baal, wey si Biira. Si Biira ka pangulu te me kabuhalan ni Rubin te timpu ne impandakep wey impanguyan sikandan ni Tiglatpilisir ne Hari te Asirya.
7 Seini ka me karumaan ni Rubin ne nalista diye te listaan te me kabuhalan dan: si Hiil ka pangulu wey si Sakariyas, 8 wey si Bila ne anak ni Asas. Si Asas anak ni Sima wey si Sima anak ni Huwil. Mig-ugpe sikandan puun te Aruwir peendiye te Nibu taman te Baal-Miyun. 9 Ne tenged te amane e ne masulug ka me ayam dan diye te Gilyad, neempet dan te eg-ugpe ka igsile ne dapit te eletanan te disirtu wey te Weyig ne Iyupratis.
10 Te timpu ni Hari Saul, inlusuran dan ka me kabuhalan ni Hagar wey natalu ran iya sikandan. Ne sikandan e ka nangugpe te me ugpaan te me kabuhalanan ni Hagar ne diye te igsile ne dapit te Gilyad.
11 Ne diye nangugpe ka me kabuhalan ni Gad te tane te Basan ne marani te nangugpaan te kabuhalan ni Rubin taman te Salika. 12 Ne si Huwil ka pangulu ran, ne si Sapan ka igkarangeb, wey iyan nakasinundul si Hanay wey si Sapat. 13 Ka me karumaan dan ne me pangulu te pitu ne pamilya iyan si Maykil, si Misulam, si Siyiba, si Huray, si Hakan, si Siya, wey si Ibir. 14 Sikandan ka me kabuhalan ni Abihail, ne anak ni Huri, ne anak ni Haruwa, ne anak ni Gilyad, ne anak ni Maykil, ne anak ni Hisisay, ne anak ni Hadu, ne anak ni Bus. 15 Ne iyan pangulu te me pamilya ran si Ahi ne anak ni Adbiil, ne anak ni Guni. 16 Ne diye sikandan nangugpe te Gilyad, te Basan wey te me lungsud diye, wey te intiru ne panabtaban ne diye te Sarun. 17 Nenalista sikandan langun te listaan te me kabuhalan te timpu ne iyan Hari te Huda si Hutam, wey iyan Hari te Israil si Hirubuwam.
18 Due hep‑at ne pulu wey hep‑at ne libu wey pitu ne gatus wey hen‑em ne pulu (44,760) ne amana ne mabbulut ne me sundalu te kabuhalan ni Rubin, ni Gad, wey katenge te kabuhalan ni Husi ne iyan ka me kabuhalan ni Manasis. Amana sikandan nabbasbas te gira, wey mangngateu sikandan ne eggamit te me kalasag, kampilan, wey pane. 19 Migbubunu kandan ka me kabuhalan ni Hagar, ni Hitur, ni Napis, wey ni Nubab. 20 Ne ka mabbulut ne me sundalu te kabuhalan ni Rubin, ni Gad, wey te katenge te kabuhalan ni Husi ne iyan ka me kabuhalan ni Manasis, mig-ampu diye te Magbebaye ne Manama wey intabak din ka peg-ampu dan su migsalig ma sikandan kandin. Sikan naa ka natalu ran ka me kabuhalan ni Hagar wey ka me duma ran. 21 Ne naahew ran puun te me kabuhalan ni Hagar ka lalimma ne pulu ne libu (50,000) ne kamil, daruwa ne pulu ne gatus wey lalimma ne libu (250,000) ne karniru, wey daruwa ne libu (2,000) ne asnu. Ne nakarakep sikandan te sabeka ne gatus ne libu (100,000) ne me etew. 22 Masulug ka migpatey ne me kabuhalan ni Hagar te pegpakiggira dan su ka Manama ka migkuntere kandan. Ne iyan e nangugpe te tane dan ka me kabuhalan ni Rubin, ni Gad, wey ni Manasis, taman te naddakep wey nanguyan e sikandan te me matig-Asirya.
23 Ne diye nangugpe te Basan taman te Baal-Hirmun, Sinir, wey te bubungan te Hirmun ka katenge te kabuhalan ni Husi ne iyan ka me kabuhalan ni Manasis. Ne amane e migmasalig sikandan. 24 Seini ka me pangulu te tagse pamilya ran: si Ipir, si Ishi, si Iliil, si Asriil, si Hirimiyas, si Hudabiyas, wey si Hadil. Me bahani sikandan, mabbantug ne me etew, wey me pangulu te me pamilya ran.
25 Piru ware sikandan migmatinumanen te Manama te me kabuybuyahan dan, su nasi mule sikandan migsimba te me diyus-diyus te keet-etawan te seeye ne tane ne indereetan te Manama. 26 [xr]Sikan naa ka imbagget te Manama te Israil si Hari Pul (ne iyan si Tiglatpilisir ne Hari te Asirya) eyew eglusud kandan. Ne impandakep ni Pul ka me kabuhalan ni Rubin, ni Gad, wey ka katenge te kabuhalan ni Husi ne iyan ka me kabuhalan ni Manasis, wey impanguyan din e diye te Hala, Habur, Hara, wey diye te Weyig te Gusan, wey diye ded sikandan taman kuntee.
6 1 Ne ka me anak ni Libi ne me lukes iyan si Girsum, si Kuhat, wey si Mirari.
2 Si Kuhat due anak ne me lukes ne iyan si Amram, si Isar, si Hibrun, wey si Usil.
3 Ne si Amram due me anak ne iyan si Aarun, si Muwisis, wey si Miryam.
Ne si Aarun due anak ne me lukes ne iyan si Nadad, si Abihu, si Iliyasar, wey si Itamar.
4 Ne si Iliyasar ka amey ni Pinihas, wey si Pinihas ka amey ni Abisuwa. 5 Ne si Abisuwa ka amey ni Buki, wey si Buki ka amey ni Usi. 6 Ne si Usi ka amey ni Sirayas, wey si Sirayas ka amey ni Mirayut. 7 Ne si Mirayut ka amey ni Amariyas, wey si Amariyas ka amey ni Ahitub. 8 Ne si Ahitub ka amey ni Saduk, wey si Saduk ka amey ni Ahimaas. 9 Ne si Ahimaas ka amey ni Asariyas, wey si Asariyas ka amey ni Diyuhanan. 10 Ne si Diyuhanan ka amey ni Asariyas. Ne si Asariyas iyan migpamakey isip talagpanubad diye te timplu ne inggimu ni Sulumun diye te Hirusalim. 11 Ne si Asariyas ka amey ni Amariyas, wey si Amariyas ka amey ni Ahitub. 12 Ne si Ahitub ka amey ni Saduk, wey si Saduk ka amey ni Siyalum. 13 Ne si Siyalum ka amey ni Hilkiyas, wey si Hilkiyas ka amey ni Asariyas. 14 Ne si Asariyas ka amey ni Sirayas, wey si Sirayas ka amey ni Husadak.
15 Ne si Husadak, nakalagkes te imparakep te Magbebaye ne Manama ki Nibukadnisar ka keet-etawan te Huda wey te Hirusalim.
16 [xr]Ne ka me anak ni Libi ne me lukes iyan si Girsum, si Kuhat, wey si Mirari. 17 Ne ka me anak ni Girsum ne me lukes iyan si Libni wey si Simii. 18 Ne ka anak ni Kuhat ne me lukes iyan si Amram, si Isar, si Hibrun, wey si Usil. 19 Ne ka anak ni Mirari ne me lukes iyan si Mali wey si Musi.
Seini ka me kabuhalan te me Libita ne nenalista sumale te me kaap-apuan dan:
20 Te me kabuhalan ni Girsun iyan si Libni, si Huhat, si Sima, 21 si Huwa, si Idu, si Sira, wey si Hiatiray.
22 Te me kabuhalan ni Kuhat iyan si Aminadab, si Kura, si Asir, 23 si Ilkana, si Ibiyasap, si Asir, 24 si Tahat, si Uril, wey si Siyaul.
25 Te me kabuhalan ni Ikana iyan si Amasay, si Ahimut, 26 si Ilkana, si Supay, si Nahat, 27 si Iliyab, si Hiruham, si Ilkana, wey si Samwil.
28 Ne ka anak ni Samwil ne me lukes iyan si Huwil ka panganey, wey si Abiyas ka hari.
29 Te me kabuhalan ni Mirari iyan si Mali, si Libni, si Simii, si Usa, 30 si Simiya, si Hagiya, wey si Asaya.
31 Ne seini ka me etew ne impiyalan ni Dabid te peg-ulahing diye te ugpaan te Magbebaye ne Manama te nakatahu e diye nakaayad-ayad ka Tahuanan te Kasabutan. 32 Ne migpamakey sikandan pinaahi te me ulahingen diye te tangkaan te Matulus ne Balungbalung ne In-alad, taman te duen e timplu te Magbebaye ne Manama ne inggimu ni Sulumun diye te Hirusalim. Inggimu ran ka me katungdanan dan sumale te nabatasan dan.
33 Seini ka me etew ne migpamakey duma te me anak dan ne me lukes: Ka egpuun te kabuhalan ni Kuhat iyan: si Himan ne mangngulahing ne anak ni Huwil.Si Huwil ne anak ni Samwil,si Samwil ne anak ni Ilkana, 34 si Ilkana ne anak ni Hiruham,si Hiruham ne anak ni Tuwa,si Tuwa ne anak ni Sup, 35 si Sup ne anak ni Ilkana,si Ilkana ne anak ni Mahat,si Mahat ne anak ni Amasay,si Amasay ne anak ni Ilkana, 36 si Ilkana ne anak ni Huwil,si Huwil ne anak ni Asariyas,si Asariyas ne anak ni Supuniyas,si Supuniyas ne anak ni Tahat, 37 si Tahat ne anak ni Asir,si Asir ne anak ni Ibiyasap,si Ibiyasap ne anak ni Kura,si Kura anak ni Isar, 38 si Isar ne anak ni Kuhat,si Kuhat ne anak ni Libi,si Libi ne anak ni Israil.
39 Ne ka an-anayan ne talagbulig ni Himan iyan si Asap ne karumaan din. Si Asap anak ni Birikiyas, wey si Birikiyas anak ni Simiya. 40 Ne si Simiya anak ni Maykil, wey si Maykil anak ni Baasiyas, wey si Baasiyas anak ni Malkiyas. 41 Ne si Malkiyas anak ni Itni, wey si Itni anak ni Sira, wey si Sira anak ni Adayas. 42 Ne si Adayas anak ni Itan, wey si Itan anak ni Sima, wey si Sima anak ni Simii. 43 Ne si Simii anak ni Diyahat, wey si Diyahat anak ni Girsun, wey si Girsun anak ni Libi.
44 Ka igkarangeb ne talagbulig ni Himan iyan si Itan ne migpuun te karumaan ni Mirari: si Itan anak ni Kisi, wey si Kisi anak ni Abdi, wey si Abdi anak ni Maluk. 45 Ne si Maluk anak ni Hasabiyas, wey si Hasabiyas anak ni Amasiyas, wey si Amasiyas anak ni Hilkiyas. 46 Ne si Hilkiyas anak ni Amsi, wey si Amsi anak ni Bani, wey si Bani anak ni Simir. 47 Ne si Simir anak ni Mali, wey si Mali anak ni Musi, wey si Musi anak ni Mirari, wey si Mirari anak ni Libi.
48 Ne impiyal diye te karumaan te me Libita ka duma pad ne me himu diye te ugpaan te Manama ne iyan ka Matulus ne Balungbalung ne In-alad. 49 Piru si Aarun wey ka me kabuhalan din ka egpanubad te igpanubad ne egtutungen wey te insinsu. Sikandan man‑e ka eggimu te langun ne eggimuwen diye te Subla ne Matulus ne Sinabeng wey ka egpalangesa eyew iglinis te sale te Israil. Inggimu ran seeye sumale te langun ne insuhu ni Muwisis ne suluhuanen te Manama. 50 Seini ka me kabuhalan ni Aarun: si Ilisar, si Pinihas, si Abisuwa, 51 si Buki, si Usi, si Sarayas, 52 si Mirayut, si Amariyas, si Ahitub, 53 si Saduk, wey si Ahimaas.
54 Seini ka me inged ne imbehey te pamilya ni Kuhat diye te me kabuhalan ni Aarun. Sikandan ka an-anayan ne nabehayan te tane pinaahi te pegpintut-pintut. 55 Iyan imbehey kandan ka Hibrun ne sakup te Huda wey ka nakalingut ne me panabtaban kayi. 56 Piru imbehey ki Kalib ne anak ni Hipuni ka me kamet wey ka me bariyu ne sakup te siyudad. 57 Ne iyan dan imbehey te me kabuhalan ni Aarun ka me siyudad ne aputanan[fn] ne iyan ka Hibrun, ka Libna, wey ka me panabtaban kayi, ka Hatir, ka Istimuwa, wey ka me panabtaban kayi, 58 ka Hilis wey ka me panabtaban kayi, ka Dibir wey ka me panabtaban kayi, 59 ka Asan wey ka me panabtaban kayi, ka Bit-Simis wey ka me panabtaban kayi. 60 Ne puun te tane te kabuhalan ni Binhamin, imbehey kandan ka Gibyun, ka Alamit wey ka Anatut, wey ka me panabtaban kayi. Nabehayan te sapulu wey tatelu (13) ne me siyudad ka me kabuhalan ni Kuhat. 61 Ne nabehayan ka duma ne kabuhalan ni Kuhat te sapulu ne me lungsud ne naalam pinaahi te pegpintut-pintut puun te katenge te kabuhalan ni Husi ne iyan ka me kabuhalan ni Manasis.
62 Ne nabehayan ka me kabuhalan ni Girsun te sapulu wey tatelu (13) ne me lungsud ne naalam pinaahi te pegpintut-pintut puun te me kabuhalan ni Isakar, ni Asir, ni Naptali, wey ni Manasis. 63 Ne nabehayan ka me kabuhalan ni Mirari te sapulu wey daruwa (12) ne me lungsud puun te me kabuhalan ni Rubin, ni Gad, wey ni Sabulun. 64 Purisu imbehey te keet-etawan te Israil diye te me Libita ka sika ne me lungsud wey ka me panabtaban kayi. 65 Imbehey te me matig-Israil diye te me Libita, pinaahi te pegpintut-pintut, ka nangaranan ne me lungsud puun te kabuhalan ni Huda, ni Simyun, wey ni Binhamin. 66 Ne ka duma ne pamilya te me kabuhalan ni Kuhat, impamehayan degma te me lungsud puun te kabuhalan ni Ipraim. 67 Imbehey kandan seini ne me inged lagkes ka nakalingut ne me panabtaban kayi, ka Sikim ne aputanan ne siyudad ne diye te me bubungan te Ipraim, ka Gisir, 68 ka Hukmi-Am, ka Bit-Hurun wey ka me panabtaban kayi, 69 ka Ayalun wey ka me panabtaban kayi, ka Gat-Rimun wey ka me panabtaban kayi. 70 Ka duma pad ne pamilya ni Kuhat imbehayan te duma ran ne me matig-Israil te me lungsud puun te katenge ne kabuhalan ni Manasis. Ka imbehey kandan iyan ka Anir wey ka Bilim, lagkes e ka me panabtaban kayi.
71 Ne ka me kabuhalan ni Hirsun, imbehayan te katenge te kabuhalan ni Manasis te seini ne me lungsud: ka Gulan ne sakup te Basan wey ka me panabtaban kayi, wey ka Astarut wey ka me panabtaban kayi.
72 Ne imbehayan degma sikandan te me kabuhalan ni Isakar te seini ne me lungsud: ka Kadis lagkes ka me panabtaban kayi, ka Dibarat lagkes ka me panabtaban kayi, 73 ka Ramut lagkes ka me panabtaban kayi, wey ka Anim lagkes ka me panabtaban kayi. 74 Ne imbehayan degma sikandan te me kabuhalan ni Asir te seini ne me lungsud: ka Masal wey ka me panabtaban kayi, ka Abdun wey ka intiru ne panabtaban kayi, 75 ka Hukuk, wey ka me panabtaban kayi, ka Rihub wey ka me panabtaban kayi.
76 Ne imbehayan degma sikandan te me kabuhalan ni Naptali te seini ne me lungsud: ka Kadis ne sakup te Galiliya wey me panabtaban kayi, ka Hamun wey ka Kiryatayim wey me panabtaban kayi.
77 Ne imbehayan degma te me kabuhalan ni Sabulun ka nasame ne me kabuhalan ni Mirari te seini ne me lungsud: ka Rimunu wey me panabtaban kayi, ka Tabur wey me panabtaban kayi.
78 Ne imbehayan degma sikandan te me kabuhalan ni Rubin te seini ne me lungsud: ka tane te Hurdan dapit te igsile, wey ka Bisir ne diye te disirtu ne talipag te Hiriku wey me panabtaban kayi, ka Hasa wey me panabtaban kayi, 79 ka Kidimut wey me panabtaban kayi, ka Mipaat wey me panabtaban kayi.
80 Ne imbehayan sikandan te me kabuhalan ni Gad te seini ne me lungsud: ka Ramut ne sakup te Gilyad wey ka me panabtaban kayi, Mahanaim wey ka me panabtaban kayi, 81 ka Hisbun wey ka me panabtaban kayi, wey ka Hasir wey ka me panabtaban kayi.
7 1 Ne si Isakar due hep‑at ne anak ne me lukes ne iyan si Tula, si Puwa, si Hasub, wey si Simrun. 2 Ne si Tula due hen‑em ne anak ne me lukes ne iyan si Usi, si Rapayas, si Hiril, si Hamay, si Ibsam, wey si Simwil; me pangulu sikandan te me pamilya ran. Ne migginguma te daruwa ne pulu wey daruwa ne libu, wey hen‑em ne gatus (22,600) ka kabuhalan ni Tula ne me bahani te timpu te peghari ni Dabid.
3 Ne si Usi due sabeka ne anak ne lukes ne iyan si Israhiyas. Ne si Israhiyas due hep‑at ne anak ne me lukes ne iyan si Maykil, si Ubadiya, si Huwil, wey si Isiyas; pangulu sikandan langun se lalimma te me pamilya ran. 4 Ne migginguma te tatelu ne pulu wey hen‑em ne libu (36,000) ka kabuhalan dan ne me sundalu su masulug ma ka me asawa ran wey me anak dan ne me lukes.
5 Ne walu ne pulu wey pitu ne libu (87,000) ka kasuluhan te me bahani ne egpuun te langun ne kabuhalan ni Isakar wey nallista sikandan langun te listaan te me kabuhalan dan.
6 Ne si Binhamin due tatelu ne anak ne me lukes ne iyan si Bila, si Bikur, wey si Hidiyail. 7 Ne si Bila due lalimma ne anak ne me lukes ne iyan si Isbun, si Usi, si Usil, si Hirimut, wey si Iri; me pangulu sikandan te me pamilya ran. Ne migginguma te daruwa ne pulu wey daruwa ne libu wey tatelu ne pulu wey hep‑at (22,034) ka me kabuhalan dan ne me bahani.
8 Ne si Bikur due siyam ne anak ne me lukes ne iyan si Samira, si Huwas, si Ilisir, si Iliyunay, si Umri, si Hirimut, si Abiyas, si Anatut, wey si Almat. 9 Seeye ka me pangulu te pamilya ran wey me bahani ne nalista te listaan te me kabuhalan dan. Migginguma sikandan te daruwa ne pulu ne libu wey daruwa ne gatus (20,200).
10 Ne si Hidiyail due sabeka ne anak ne lukes ne iyan si Bilhan. Ne si Bilhan due pitu ne anak ne me lukes ne iyan si Hiyus, si Binhamin, si Ihud, si Kanana, si Sitan, si Tarsis, wey si Ahisahar. 11 Me anak sikandan langun ni Hadil. Ne ka nalista te listaan te me kabuhalan dan, migginguma te sapulu wey pitu ne libu wey daruwa ne gatus (17,200) ne me pangulu te me kabuhalan dan wey me bahani ne eleg e ne egmambubunu. 12 Ne ka me anak ni Ir ne me lukes iyan si Supim wey si Hupim. Ne ka anak ni Ahir iyan si Husim.
13 Ne si Naptali due hep‑at ne anak ne me lukes ne iyan si Hasil, si Guni, si Hisir, wey si Siyalum. Me kabuhalan sikandan langun ni Bilha ne duwey ni Hakub.
14 Ne si Manasis due me lukes ne anak din te duwey rin ne matig-Aramiya ne ensi Asril wey si Makir. Ne si Makir iyan amey ni Gilyad. 15 Ne migpangasawa si Makir te atebey enni Hupim wey ni Supim ne egngaranan ki Maaka. Ne ka ngaran te lein ne anak ni Manasis iyan si Silupihad ne due me anak ne me malitan. 16 Ne si Maaka ne asawa ni Makir nakaanak ki Piris wey ki Siris. Ne si Piris due daruwa ne anak ne me lukes ne iyan si Ulam wey si Rakim. 17 Ne si Ulam due anak ne lukes ne iyan si Bidan. Me kabuhalan sikandan langun ni Gilyad ne anak ni Makir ne anak ni Manasis.
18 Ne si Hamulikit ne atebey ni Gilyad, due tatelu ne anak ne me lukes ne iyan si Isud, si Abisir, wey si Mala.
19 Ne si Simida, ka lein pad man‑e ne kabuhalan ni Manasis, due anak ne me lukes ne iyan si Ahiyan, si Siki, si Liki, wey si Aniyam.
20 Seini ka me ngaran te me kabuhalan ni Ipraim:
Si Ipraim due anak ne si Sutala, ne si Sutala due anak ne si Barid, ne si Barid due anak ne si Tahat, ne si Tahat due anak ne si Iliyada, ne si Iliyada due anak ne si Tahat, 21 ne si Tahat due anak ne si Sabad, si Sutala, si Isir, wey si Iliyad ne impangimatayan te mahinged te Gat su egpanakew perem te baka. 22 Ne naluhey ne miglungku si Ipraim tenged te pegpatey ran wey migleuy kandin ka me karumaan din eyew egliwang kandin. 23 Ne miggulid e man‑e sikandin te asawa rin. Ne nataman, naberes e ka asawa rin wey mig-anak e man‑e te lukes. Ne ingngaranan ni Ipraim ki Biriyas[fn] ka bate tenged te karereetan ne neyitabu te pamilya rin.
24 Ne due anak din ne malitan ne egngaranan ki Siira ne iyan migpasasindeg te diralem wey dibabew ne me lungsud te Bit-Hurun wey Usin-Sira.
25 Ne duen pad man‑e lein ne anak ni Ipraim ne egngaranan ki Rapa. Ne si Rapa ka amey ni Risip, wey si Risip ka amey ni Tila, wey si Tila ka amey ni Tahan. 26 Ne si Tahan ka amey ni Ladan, wey si Ladan ka amey ni Amihud, wey si Amihud ka amey ni Ilisama. 27 Ne si Ilisama ka amey ni Nun, wey si Nun ka amey ni Huswi.
28 Ne ka tane wey ugpaanan dan iyan ka Bitil wey ka me bariyu ne nakalingut kayi; ka Naaran peendiye te igsile, ka Gisir wey ka me bariyu kayi peendiye te iglineb, ka Sikim wey ka me lungsud kayi taman diye te Aya wey te me lungsud kayi.
29 Ne ka me kabuhalan ni Manasis iyan ka nakakamuney te Bitsan, te Tanak, te Migidu, te Dur, wey te me bariyu ne nakalingut kayi.
Ne nangugpe te seini ne me lungsud ka me kabuhalan ni Husi ne anak ni Hakub.[fn]
30 Ne si Asir due hep‑at ne anak ne me lukes ne iyan si Imna, si Isba, si Isbi, wey si Biriyas. Ne due atebey ran ne egngaranan ki Sira.
31 Ne si Biriyas due daruwa ne anak ne me lukes ne iyan si Hibir wey si Malkil. Ne si Malkil ka amey ni Barsahit.
32 Ne si Hibir ka amey ni Haplit, ni Sumir, wey ni Hutam. Ne due atebey ran ne egngaranan ki Suwa. 33 Ne si Haplit due anak ne me lukes ne iyan si Pasak, si Bimhal, wey si Asbat.
34 Ne si Sumir ne suled ni Haplit, due anak ne me lukes ne iyan si Ruga, si Dihuba, wey si Aram.
35 Ne si Hutam[fn] ne suled ni Sumir, due anak ne me lukes ne iyan si Supa, si Imna, si Silis, wey si Amal.
36 Ne si Supa due me anak ne lukes ne iyan si Suwa, si Harnapir, si Suwal, si Biri, si Imra, 37 si Bisir, si Hud, si Sama, si Silsa, si Itran, wey si Biira.
38 Ne si Hitir due me anak ne lukes ne iyan si Hipuni, si Pispa, wey si Ara. 39 Ne si Ula due me anak ne lukes ne iyan si Ara, si Hanil, wey si Risya.
40 Me kabuhalan sikandan langun ni Asir wey me pangulu te me pamilya ran. Me bahani sikandan wey inila ne me pangulu. Ne due daruwa ne pulu wey hen‑em ne libu (26,000) ne me sundalu ran ne nalista te listaan te me kabuhalan dan.
8 1 Seini ka anak ni Binhamin ne me lukes puun te panganey taman te kinaariyan: si Bila, si Asbil, si Ahara, 2 si Nuha, wey si Rapa.
3 Ne ka anak ni Bila ne me lukes iyan si Adar, si Gira, si Abihud, 4 si Abisuwa, si Naaman, si Ahuwa, 5 si Gira, si Sipupan, wey si Huram.
6 Ne seini ka me anak ni Ihud ne me lukes wey me pangulu te me pamilya ne nangugpe diye te Giba ne naddakep wey nanguyan e diye te Manahat: 7 si Naaman, si Ahiyas, wey si Higlam ne egngaranan ded ki Gira. Ne iyan dan pangulu si Gira ne amey ni Usa wey ni Ahihud.
8 Ne in-engkeran e ni Saharayim ka daruwa ne asawa rin ne si Husim wey si Bara. Ne nataman te diyad e sikandin mig-ugpe te nasud te Muwab, 9 nakaasawe e man‑e sikandin ki Hudis wey nakaanak sikandan te pitu ne me lukes ne iyan si Hubab, si Sibiya, si Misa, si Malkam, 10 si Hiyus, si Sikiya, wey si Marma. Neneyimu sikandan ne me pangulu te me pamilya ran.
11 Ne due man‑e daruwa ne anak din ne me lukes ki Husim ne iyan si Abitub wey si Ilpaal.
12 Ne si Ilpaal due tatelu ne anak ne me lukes ne iyan si Ibir, si Misaam, wey si Simid. Ne si Simid ka migpasasindeg te me lungsud te Unu wey Lud wey te me bariyu[fn] ne nakalingut kayi.
13 Si Biriyas wey si Sima ka me pangulu te me pamilya diye te Ayalun wey immandeldel ran ka me matig-Gat. 14 Ne ka me kabuhalan ni Biriyas iyan si Ahiyu, si Siyasak, si Hirimut, 15 si Sibadiyas, si Arad, si Idir, 16 si Maykil, si Ispa, wey si Huha.
17 Ka me kabuhalan ni Ilpaal iyan si Sibadiyas, si Misulam, si Hiski, si Hibir, 18 si Ismiray, si Isliya, wey si Hubab.
19-21 Ne ka me anak ni Simii ne me lukes iyan si Hakim, si Sikri, si Sabdi, si Ilinay, si Silitay, si Ilil, si Adayas, si Biriyas, wey si Simrat.
22-25 Ne ka me anak ni Siyasak ne me lukes iyan si Ispan, si Ibir, si Ilil, si Abdun, si Sikri, si Hanan, si Hananiyas, si Ilam, si Anatutiya, si Ipdiya, wey si Pinuwil.
26-27 Ne ka me anak ni Hiruham ne me lukes iyan si Samri, si Sihariyas, si Ataliya, si Haarisyas, si Iliyas, wey si Sikri.
28 Sikandan ka me pangulu te pamilya ran ne nalista te listaan te me kabuhalan dan wey diye sikandan nangugpe te Hirusalim.
29 Si Hiil ka migpasasindeg te siyudad te Gibyun wey diye sikandin mig-ugpe. Ne iyan ngaran te asawa rin si Maaka. 30 Ne ka panganey ne anak din ne lukes iyan si Abdun, ne ka me hari ni Abdun iyan si Sur, si Kis, si Baal, si Nadab, 31 si Gidur, si Ahiyu, si Sikir, 32 wey si Miklut. Ne si Miklut ka amey ni Simiya. Ne diye degma mig-ugpe te Hirusalim ne marani te me karumaan dan.
33 Si Nir ka amey ni Kis, wey si Kis ka amey ni Saul. Ne si Saul ka amey ni Diyunatan, ni Malkisuwa, ni Abinadab, wey ni Isbaal. 34 Ne ka anak ni Diyunatan ne lukes iyan si Mirib-Baal, ne amey ni Mika.
35 Ne si Mika ka amey ni Pitun, ni Milik, ni Tariya, wey ni Ahas. 36 Ne si Ahas ka amey ni Huwada, wey si Huwada ka amey ni Alimit, ni Asmabit, wey ni Simri. Ne si Simri ka amey ni Musa. 37 Ne si Musa ka amey ni Binayas, wey si Binayas ka amey ni Rapa, wey si Rapa ka amey ni Ilasa, wey si Ilasa ka amey ni Asil.
38 Ne si Asil due hen‑em ne anak ne me lukes ne iyan si Asrikam, si Bukiru, si Ismail, si Sirayas, si Ubadiya, wey si Hanan. 39 Ne si Isik ne suled ni Asil, due tatelu ne anak ne me lukes ne iyan si Ulam ka kinakakayan, si Hiyus ka igkarangeb, wey si Ilipilit ka igkatatelu.
40 Ne ka me anak ni Ulam, me bahani wey me tummawan ne egpane. Masulug ka anak dan ne me lukes wey me apu—ne migginguma langun te sabeka ne gatus wey lalimma ne pulu (150).
Me kabuhalan sikandan langun ni Binhamin.
9 1 Nenalista ka langun ne keet-etawan te Israil diye te listaan te me kaligkatan dan, wey nasulat seini diye te baseen te me Hari te Israil.
Nenarakep ka keet-etawan te Huda wey impanguyan diye te Babilunya tenged te me sale dan. 2 [xr]Ne ka keet-etawan ne hun‑a ne nekeuli diye te me lungsud dan iyan ka me matig-Israil, me talagpanubad, me Libita, wey ka me suluhuanen diye te timplu. 3 Ne diye nangugpe te Hirusalim ka duma ne me sakup te kabuhalan ni Huda, ni Binhamin, ni Ipraim, wey ni Manasis.
4 Ne ka sabeka ne pamilya ne nekeuli iyan ka pamilya ni Utay ne anak ni Amihud. Ne si Amihud anak ni Umri, wey si Umri anak ni Bani ne kabuhalan ni Piris ne anak ni Huda. 5 Ne ka duma pad ne nekeuli duma te me kabuhalan din, iyan si Asayas ne panganey ne anak ni Sila ne anak ni Huda. 6 Ne ka duma pad man‑e, iyan ka me pamilya ni Hiyuwil wey ka me karumaan din, ne me kabuhalan ni Sira. Ne ka nenekeuli ne egpuun te kabuhalan ni Huda, migginguma te 690 ne me pamilya.
7 Ne ka egpuun te kabuhalan ni Binhamin iyan si Salu ne anak ni Misulam ne anak ni Hudabiyas ne anak ni Hasinuwa, 8 si Ibniyas ne anak ni Dihuram, si Ila ne anak ni Usi ne anak ni Mikri, wey si Misulam ne anak ni Sipatiyas ne anak ni Riyuwil ne anak ni Ibniyas.
9 Seeye ka me karumaan dan ne nalista te listaan te me kabuhalan dan. Migginguma sikandan langun te 956—me pangulu sikandan langun te me pamilya ran.
10 Ne ka me talagpanubad ne nekeuli iyan si Hidayas, si Huwiyarib, wey si Hakin. 11 Ne ka pangulu te me upisyal diye te timplu te Manama iyan si Asariyas ne anak ni Hilkiyas. Si Hilkiyas anak ni Misulam, ne si Misulam anak ni Saduk, ne si Saduk anak ni Mirayut, ne si Mirayut anak ni Ahitub. 12 Ne ka lein pad man‑e ne talagpanubad ne nekeuli iyan si Adayas ne anak ni Dihuram. Si Dihuram anak ni Pasur, ne si Pasur anak ni Malkiyas, wey si Maasiyas ne anak ni Adiil. Si Adiil anak ni Hasira, ne si Hasira anak ni Misulam, ne si Misulam anak ni Misilimut, ne si Misilimut anak ni Imir.
13 Ne migginguma te sabeka ne libu wey pitu ne gatus wey hen‑em ne pulu (1,760) ka me talagpanubad ne pangulu te me pamilya. Mangngateu sikandan te langun ne eggimuwen diye te timplu te Manama.
14 Ne ka me Libita ne nekeuli iyan si Simaya ne anak ni Hasub. Si Hasub anak ni Asrikam, ne si Asrikam anak ni Hasabiyas ne kabuhalan ni Mirari, 15 wey si Bakbakar, si Hiris, si Galal, wey si Mataniyas ne anak ni Mika, ne anak ni Sikri, ne anak ni Asap, 16 wey si Ubadiya ne anak ni Simaya, ne anak ni Galal, ne anak ni Hidutun, wey si Birikiyas ne anak ni Asa, ne anak ni Ilkana. Diye sikandan mig-ugpe te me bariyu te me matig-Nitupa.
17 Ne ka nenekeuli ne me talagtameng te gumawan te timplu iyan si Siyalum, si Akub, si Talmun, si Ahiman, wey ka me karumaan dan. Ne si Siyalum ka pangulu ran. 18 Diye sikandan migtameng te gumawan te Hari ne diye te dapit te igsile. Me talagtameng dengan sikandan te kampu te me Libita.
19 Ne iyan impabantey te gumawan te timplu te Manama si Siyalum ne anak ni Kuri ne anak ni Abiyasap, ne anak ni Kura wey ka duma rin ne me talagbantey ne puun te pamilya rin ne me Kurahanen. Su ka me kaap-apuan dan ma dengan ka me talagbantey te gumawan te kampu te Magbebaye ne Manama. 20 Ne iyan dan dengan pangulu si Pinihas ne anak ni Iliyasar wey indumaan sikandin te Magbebaye ne Manama.
21 Ne si Sakariyas ne anak ni Misilamiya iyan talagbantey te gumawan te Balungbalung ne Temuwanan. 22 Ne ka langun ne naalam ne talagbantey te gumawan, migginguma te 212. Nallista ka ngaran dan te listaan te kabuhalan diye te me bariyu ran. Ne si Dabid wey si Samwil ne prupita ka migbehey kandan te katenged. 23 Purisu sikandan wey ka me kabuhalan dan ka impatameng te gumawan te baley te Magbebaye ne Manama ne iyan ka Matulus ne Balungbalung. 24 Ne diye sikandan pabantaya te hep‑at ne pikungan—igsile, iglineb, igkahibang ne balabahan, wey igkakawanan ne balabahan. 25 Ne ka me karumaan dan diye te bariyu, layun eggendiye eyew egbulig kandan seled te pitu ne aldew. 26 Ne ka hep‑at ne pangulu ne me Libita ne me talagbantey te gumawan, iyan impiyalan te me sinabeng ne tinesanan, wey te karatuan diye te timplu te Manama. 27 Ne diyad sikandan egpanlipereng te timplu te Manama, su katungdanan dan ma ka pegbebantey kayi wey peglulukat te me gumawan tagse maselem.
28 Ne ka duma kandan, iyan impiyalan te me kasangkapan para te pegsimba. Su keilangan ne egseelen dan seini ke igpaseled wey ke igpalihawang naa. 29 Ne ka duma kandan, in-alam ne talag-ayad-ayad te duma ne me kasangkapan wey te langun ne matulus ne kasangkapan, lagkes degma ka me harina, binu, lana, insinsu, wey me peemut. 30 Piru ka duma ne me talagpanubad, iyan impiyalan ne egpeg-amut te me peemut.
31 Ne si Matatiyas ne sabeka ne Libita wey panganey ne anak ni Siyalum ne Kurahanen, iyan insalihan te pegpangilutu te mannipis ne paan. 32 Ne ka me duma ran degma ne me Kurahanen, iyan insalihan te peg-andam te paan ne igtahu diye te lamisa te tagse Aldew te Peggimeley.
33 Ne ka me mangngulahing wey ka me pangulu te pamilya te me Libita, diye peugpaa te sinabeng te timplu, wey ware duma ne eggimuwen dan su aldew wey marusilem ne eggimu ma sikandan te himu ran. 34 Seeye ka me pangulu te pamilya te me Libita ne nalista te listaan te kabuhalan dan. Diye sikandan mig-ugpe te Hirusalim.
35 Ne diye mig-ugpe si Hiil te impasasindeg din ne siyudad ne iyan ka Gibyun. Iyan din asawa si Maaka. 36 Ne ka anak din ne me lukes ne puun te panganey taman te igkalitan, iyan si Abdun, si Sur, si Kis, si Baal, si Nir, si Nadab, 37 si Gidur, si Ahiyu, si Sakariyas, wey si Miklut. 38 Ne si Miklut ka amey ni Simiya. Ne diye degma sikandan mig-ugpe te Hirusalim ne marani te me karumaan dan.
39 Ne si Nir ka amey ni Kis, wey si Kis ka amey ni Saul. Ne si Saul ka amey ni Diyunatan, ni Malkisuwa, ni Abinadab, wey ni Isbaal. 40 Ne ka anak ni Diyunatan ne lukes iyan si Mirib-Baal, ne amey ni Mikiyas. 41 Ne ka anak ni Mika ne me lukes iyan si Pitun, si Milik, si Tariya, wey si Ahas. 42 Ne si Ahas ka amey ni Hara, wey si Hara ka amey ni Alimit, ni Asmabit, wey ni Simri. Ne si Simri ka amey ni Musa. 43 Ne si Musa ka amey ni Binayas, wey si Binayas ka amey ni Ripayas, wey si Ripayas ka amey ni Ilisa, wey si Ilisa ka amey ni Asil.
44 Ne si Asil due hen‑em ne anak ne me lukes ne iyan si Asrikam, si Bukiru, si Ismail, si Sariyas, si Ubadiya, wey si Hanan. Seeye ka anak ni Asil ne me lukes.
10 1 Ne migpahiggireey ka me Pilistihanen wey me matig-Israil diye te bubungan te Gilbuwa. Ne masulug ka migpatey ne me matig-Israil diye wey nenakapallahuy ka duma kandan. 2 Impatamtamanan lupuha te me Pilistihanen si Saul wey ka anak din ne me lukes wey neyimatayan dan ka anak din ne si Diyunatan, si Abinadab, wey si Malkisuwa. 3 Masumpit ka gira enni Saul wey nakita sikandin te me talagpane. Ne dutu, impepane dan e sikandin wey napalian sikandin. 4 Ingkahiyan ni Saul ka talag-uyan te panganiban din, “Hulabuta nu ka kampilan nu wey himatayi a nikeykew, su kema ke iyan egpekeyimatey keddi sika se me etew ne malindit.[fn] Ne puun due, egngingisiyan ad nikandan.” Piru naaldek ka talag-uyan te panganiban din wey ware din seeye himuwa, sikan naa ka ingkuwe e ni Saul ka kampilan din wey inteen din e diye te tane, wey migpahumpepeled e sikandin dutu. 5 Te pegkakita te talag-uyan te panganiban te migpatey e si Saul, inteen din e degma diye te tane ka kampilan din wey migpahumpepeled e degma sikandin, wey migpatey e degma. 6 Purisu migpatey si Saul wey ka tatelu ne anak din ne me lukes ne iyan egpuunan ne nataman ka kabuhalan din. 7 Te pegkarineg te seeye se me matig-Israil ne diye te bangalug ne namallahuy e ka sundalu wey napatey e si Saul wey ka me anak din, in-engkeran dan e ka me lungsud dan, wey migpamallahuy e degma sikandan. Ne migmanlepew e ka me Pilistihanen wey iyan e mig-ugpe diye.
8 Te seup ne aldew, te peggendiye te me Pilistihanen te bubungan te Gilbuwa eyew te pegpanguwa te me kasangkapan te nenapatey, nakita ran diye si Saul wey ka me anak din ne me lukes ne migpatey e. 9 Ne inluungan dan e si Saul wey intempug dan e ka ulu rin wey impanguwa ran e ka me panganiban din. Ne migsuhu sikandan te me etew diye te intiru ne tane te me Pilistihanen eyew te pegpanengneng te meupiya ne panugtulen diye te timplu te me diyus-diyus dan wey diye te me etew. 10 Ne intahu dan ka panganiban din diye te timplu te me manama ran wey insanggat dan ka ulu rin diye te timplu ni Dagun. 11 Te pegkarineg te me matig-Habis-Gilyad te langun ne inggimu te me Pilistihanen ki Saul, 12 nangipanew e ka langun ne bahani wey ingkuwa ran e ka lawa ni Saul wey lawa te me anak din wey in-uyan dan e diye te Habis. Ne inlebeng dan e ka me tul‑an[fn] diye te lebut te dakel ne kayu wey ware migkeen sikandan taman te pitu ne aldew. 13 [xr]Migpatey si Saul tenged te pegkamasinupaken din. Ware sikandin migtuman te me paney-paney te Magbebaye ne Manama. Nasi sikandin migpanginginse te manenagne, 14 wey ware diye te Magbebaye ne Manama. Purisu impeyimatayan sikandin te Magbebaye ne Manama wey imbehey e ka migharian din diye te ki Dabid ne anak ni Hisi.
11 1 Ne miggendiye ki Dabid diye te Hibrun ka langun ne matig-Israil wey migkahi, “Amana key pad iya nikeykew ne karumaan. 2 Te miglihad ne me timpu, minsan te si Saul pad ka Hari, sikeykew e ka migpangulu te Israil te pegpakiggira. Ne ingkahiyan ka te Magbebaye ne Manama nu, ‘Sikeykew ka egtanggu[fn] te keet-etawan ku ne me Israilita wey egkeyimu ka ne pangulu ran.’ ” 3 Purisu te pegginguma te langun ne igbuyag te Israil diye te Hibrun, miggimu e si Dabid te kasabutan duma kandan, diye te tangkaan te Magbebaye ne Manama. Ne in-alam dan si Dabid isip Hari te Israil, sumale te insaad te Magbebaye ne Manama pinaahi ki Samwil.
4 [xr]Ne inlusuran ni Dabid duma te langun ne sundalu te Israil, ka Hirusalim ne egngaranan pad te Hibus, wey me Hibusihanen pad ka nangugpe. 5-6 Ne migkahiyan si Dabid te me Hibusihanen, “Kene kew egpakaseled kayi.” Ne ingkahiyan ni Dabid ka me etew rin, “Hentew seeye se hun‑a ne egpakalusud te me Hibusihanen, eggimuwen ku ne pangulu te me sundalu.” Ne si Huwab ne anak ni Siruya ka hun‑a ne miglusud, ne neyimu iya sikandin ne pangulu. Purisu naahew iya enni Dabid ka malig‑en ne inged ne Hirusalim,[fn] ne nataman ingngaranan e seini te Siyudad ni Dabid 7 su diye mig-ugpe si Dabid te sika ne inged ne malig‑en. 8 Ne imparakelan din pad ka siyudad puun diye te imbunelan te tane[fn] taman te nakalingut ne me inged, wey si Huwab degma ka mig-ayad-ayad te duma ne baad te siyudad. 9 Ne nanasnasian pad ka karesen ni Dabid su migduma ma kandin ka Amana ne Maresen ne Magbebaye.
10 Seini ka me pangulu te me bahani ni Dabid. Sikandan wey ka langun ne matig-Israil ka migbulig kandin ne egkeyimu ne Hari sumale te insaad te Magbebaye ne Manama.
11 Seini ka listaan te me bahani: si Hisbaam ne Hakmunihanen iyan ka pangulu te tatelu ne me bahani. Nakapatey sikandin te tatelu ne gatus (300) ne me bahani pinaahi te deldeg te sabeka re ne gira. 12 Ne iyan igkarangeb si Iliyasar ne anak ni Dudu ne Ahuwahanen. Sabeka si Iliyasar te tatelu ne me bahani. 13 Migduma sikandin ki Dabid diye te Pisdumin taheed te miglibulung diye ka me Pilistihanen eyew te pegpakiggira. Ne diye sikandan migpahiggireey te due kamet ne neempet te sibada. Ne nenakapallahuy ka me matig-Israil, 14 piru ware mule mig-awe si Iliyasar wey si Dabid diye te taliware te kamet wey natalu ran iya ka me Pilistihanen. Impepanalu sikandan te Magbebaye ne Manama.
15 Sabeka ne aldew, miggendiye ki Dabid diye te sulung te Adulam ka tatelu ne sundalu rin. Seini se tatelu nalagkes te Tatelu ne Pulu ne me mabbulut ne sundalu rin. Te seeye ne timpu migkekampu ka me sundalu te me Pilistihanen diye te Bangalug te Ripaim, 16 wey te Bitlihim. Ne si Dabid diye te malig‑en ne inged din. 17 Ne nammaraan si Dabid wey migkahi, “Meupiya ubag perem ke due sabeka ne egsakug te weyig diye te belun ne marani te gumawan te Bitlihim, eyew eg-inumen ku!” 18 Sikan naa ka miggeles-heles miggendiye ka tatelu ne bahani te kampu te Pilistihanen wey migsakug te weyig diye te belun ne marani te gumawan te Bitlihim. Ne in-uyan dan e ka weyig diye ki Dabid piru ware din seini inuma. Nasi din seini itisa diye te tangkaan te Magbebaye ne Manama isip halad. 19 Ne migkahi sikandin, “Manama, kene ku iya seini eg-inumen. Su ke eg-inumen ku seini, iling de te in-inum ku ka langesa te me etew ne ware mig-ulung-ulung ne migsakug te weyig.” Purisu, ware din seeye inuma. Seeye ka inggimu te tatelu ne bahani.
20 Ne si Abisay ne suled ni Huwab ka pangulu te Tatelu ne Pulu ne me bahani. Nakapatey sikandin te tatelu ne gatus (300) ne etew ne iyan din inggamit ka deldeg din, wey migbantug degma sikandin iling te tatelu ne me bahani. 21 Sikandin ka amana ne mabantug te Tatelu ne Pulu wey neyimu sikandin ne pangulu ran, piru ware sikandin nakalagkes te seeye se tatelu.
22 Ne duen pad man‑e mabulut ne etew ne si Binayas ne matig-Kabsiil ne anak ni Huyada. Masulug ka neyimu rin ne mabantug ne himu. Nakapatey sikandin te daruwa ne mabbantug ne me bahani ne matig-Muwab. Te timpu te tingmaagsil, migseled sikandin diye te lungag wey nekeyimatey man‑e sikandin te liyun. 23 Ne nakapatey pad man‑e sikandin te Ihiptuhanen ne pitu wey tenge ne palapala se kalayat. Miggehen-gen ka Ihiptuhanen te kalawit ne mabehat wey makepal. Piru migparani mule si Binayas ne mig-uyan de te tuked, wey in-ahew rin e ka kalawit te Ihiptuhanen, wey in-uney rin himatayi te kalawit din ded. 24 Seeye ka inggimu ni Binayas ne anak ni Huyada. Ne neyimu e sikandin ne iling kabantug te tatelu ne me bahani. 25 Sikandin ka subla ne mabantug du te Tatelu ne Pulu ne me duma rin, piru ware sikandin nakalagkes kandan. Ne inggimu sikandin ni Dabid ne pangulu te me talagbantey rin.
26 Ne seini ka duma ne me bahani: si Asahil ne suled ni Huwab,si Ilhanan ne anak ni Dudu ne matig-Bitlihim, 27 si Samut ne matig-Harud,si Hilis ne matig-Pilun, 28 si Ira ne anak ni Ikkis ne matig-Tikuwa,si Abisir ne matig-Anatut, 29 si Sibikay ne matig-Husa,si Ilay ne matig-Ahu, 30 si Maharay ne matig-Nitupa,si Hilid ne anak ni Baana ne matig-Nitupa, 31 si Itay ne anak ni Ribay ne matig-Gibiya, ne sakup te kabuhalan ni Binhamin,si Binayas ne matig-Piratun, 32 si Huray ne mig-ugpe diye te marani te me bangalug te Gaas,si Abil ne matig-Arba, 33 si Asmabit ne matig-Baharum,si Iliyaba ne matig-Saalbun, 34 si Hasim ne matig-Gisun,si Diyunatan ne anak ni Sagi ne matig-Harar, 35 si Ahiyam ne anak ni Sakar ne matig-Harar,si Ilipal ne anak ni Ur, 36 si Hipir ne matig-Misira,si Ahiyas ne matig-Pilun, 37 si Hisru ne matig-Karmil,si Naaray ne anak ni Isbay, 38 si Huwil ne suled ni Natan,si Mibhar ne anak ni Hagri, 39 si Silik ne matig-Amun,si Naaray ne matig-Biirut ne talag-uyan te panganiban ni Huwab ne anak ni Siruya, 40 si Ira wey si Garib ne matig-Hatir, 41 si Uriyas ne Hitihanen,si Sabad ne anak ni Alay, 42 si Adina ne anak ni Sisa ne pangulu te kabuhalan ni Rubin ne due Tatelu ne Pulu ne me sakup, 43 si Hanan ne anak ni Maaka,si Husapat ne matig-Mitan, 44 si Usiyas ne matig-Astarut,si Sama wey si Hiil ne me anak ni Hutam ne matig-Aruwir, 45 si Hidiyail wey si Huha ne me anak ni Simri ne matig-Tis, 46 si Iliil ne matig-Mahaba,si Hiribay wey si Husabiyas ne me anak ni Ilnaim,si Itma ne matig-Muwab, 47 si Iliil,si Ubid wey si Hasil ne matig-Masuba.
12 1 Ne seini ka me etew ne miggendiye ki Dabid diye te Siklag te timpu ne miggeles-heles sikandin ki Saul ne anak ni Kis. Sikandan ka duma te me bahani ne migbulig ki Dabid te pegpakiggira. 2 Neelin sikandan ne due me pane wey mangngateu sikandan ne egpane te kawanan wey ke gibang naa ne belad. Me karumaan sikandan ni Saul ne me kabuhalan ni Binhamin. 3 Ne iyan dan me pangulu si Ahisir wey si Huwas, ne me anak ni Sama ne matig-Gibiya.
Ne seini ka me sundalu: si Hisil wey si Pilit ne me anak ni Asmabit,si Biraka, si Dihu ne me matig-Anatut, 4 si Ismayas ne matig-Gibyun ne mabantug ne bahani wey pangulu te Tatelu ne Pulu,si Hirimiyas, si Diyahasil, si Diyuhanan, wey si Husabad ne matig-Gidira, 5 si Ilusay, si Hirimut, si Biyaliya, si Simariyas, wey si Sapatiyas ne matig-Harup, 6 si Ilkana, si Isiyas, si Asaril, si Huwisir, wey si Hisbaam ne me kabuhalan ni Kura, 7 si Huwila wey si Sibadiyas ne me anak ni Hiruham ne matig-Gidur.
8 Ne ka duma ne me kabuhalan ni Gad, migduma degma ki Dabid diye te malig‑en ne inged ne helesanan din diye te disirtu. Me bahani sikandan wey nenabbasbas te pegpakiggira wey egkengateu sikandan ne eggamit te kalasag wey deldeg. Me mabbulut sikandan iling te liyun, wey iling kaagsik-agsik te usa diye te me bubungan. 9 Si Isir ka pangulu ran, si Ubadiya ka ikarangeb, wey si Iliyab ka igkatatelu, 10 si Mismana ka igkeep‑at, wey si Hirimiyas ka igkalalimma, 11 si Atay ka igkeen‑em, si Iliil ka igkapitu, 12 si Diyuhanan ka igkawalu, si Ilsabad ka igkasiyam, 13 si Hirimiyas ka igkasapulu, wey si Makbanay ka igkasapulu wey sabeka.
14 Sikandan ka me kabuhalan ni Gad ne me upisyal te me sundalu. Sabeka ne gatus (100) de ne sundalu ka egkapanguluwan te kene amana ne mabantug wey sabeka ne libu (1,000) ka egkapanguluwan te amana ne mabantug. 15 Sikandan ka miglapas te Hurdan te an-anayan ne bulan te migbaggiyu seini, wey impandeldel ran ka nangugpe diye te me bangalug ne diye te igsile wey diye te iglineb.
16 Ne due duma ne me kabuhalan ni Binhamin wey ni Huda ne miggendiye ki Dabid diye te malig‑en ne inged din. 17 Ne miglihawang si Dabid ka egsinug-ung kandan wey ingkahiyan din sikandan, “Ke miggendini kew eyew egbulig keddi isip alukuy, andam a ne egpakigsabeka kaniyu. Piru ke miggendini kew eyew te peg-akal, minsan ke ware sale ku, ka Manama te kaap-apuan ta ka nakakita kayi wey eggukum kaniyu.”
18 Piru in-umaan te Panisingan te Manama si Amasay ne pangulu te Tatelu ne Pulu ne me bahani, wey migkahi,
“Sikeykew ka kamuney kanami,
He Dabid!
Lapig key nikeykew,
He anak ni Hisi!
Eglampus ka perem!
Eglampus perem ka migbulig keykew!
Su egbulig ma keykew ka Manama nu!”
Purisu indawat sikandan ni Dabid wey inggimu rin e ne me upisyal te me sundalu rin.
19 Due degma duma ne me etew ne egpuun te kabuhalan ni Manasis ne migduma ki Dabid te pegduma rin te me Pilistihanen eyew egpakiggira ki Saul. Piru ware nakapabulus si Dabid ne egduma kandan su ware ma migsuhut ka me Pilistihanen ne egduma sikandin kandan wey ka me etew rin, su naaldek sikandan ne ke ma ke eglapig ded si Dabid te ahalen din ne si Saul. Purisu pegkapenga te Pilistihanen te pegpasabutey, impeuli dan e si Dabid diye te Siklag. 20 Ne seini ka me etew ne egpuun te kabuhalan ni Manasis ne miglapig ki Dabid te peggendiye din te Siklag: si Adna, si Husabad, si Hidiyail, si Maykil, si Husabad, si Ilihu, wey si Silitay. Ne ka tagse sabeka kandan migpangulu te tigsenge-libu ne me sundalu te kabuhalan ni Manasis. 21 Migbulig sikandan ki Dabid te egsukul te me kuntere ne egmanlusud, su me bahani ma sikandan wey me pangulu te me sundalu. 22 Ne aldew-aldew ka me etew ne egmangendiye ki Dabid eyew eglapig kandin, taman te migmasalig e amana ka me sundalu rin.
23 Seini ka kasuluhan te me sundalu ne miggendiye ki Dabid diye te Hibrun eyew igbehey kandin ka migharian ni Saul sumale te insaad te Magbebaye ne Manama: 24 Puun te kabuhalan ni Huda: due hen‑em ne libu wey walu ne gatus (6,800) ne me sundalu ne nasangkap te me kalasag wey me deldeg. 25 Puun te kabuhalan ni Simyun: due pitu ne libu wey sabeka ne gatus (7,100) ne me sundalu. 26 Puun te kabuhalan ni Libi: due hep‑at ne libu wey hen‑em ne gatus (4,600) ne me sundalu, 27 lagkes e kayi ka pangulu te pamilya ni Aarun ne si Hihuyada ne due tatelu ne libu wey pitu ne gatus (3,700) ne sakup, 28 wey si Saduk ne sabeka ne kanakan ne bahani, duma te daruwa ne pulu wey daruwa (22) ne me upisyal ne egpuun te pamilya rin. 29 Puun te kabuhalan ni Binhamin ne me karumaan ni Saul: due tatelu ne libu (3,000) ne me bahani. Ne ka kasuluhan kandan ware mig-engked ki Saul taman te seeye ne timpu. 30 Puun te kabuhalan ni Ipraim: due daruwa ne pulu ne libu wey walu ne gatus (20,800) ne me sundalu ne me talahuren amana te pamilya ran. 31 Puun te katenge te kabuhalan ni Husi ne iyan ka me kabuhalan ni Manasis: due sapulu wey walu ne libu (18,000) ne me sundalu ne naalam ne eggendiye ki Dabid eyew eggimu kandin ne Hari. 32 Puun te kabuhalan ni Isakar: due daruwa ne gatus (200) ne me pangulu ne egpakasabut te me palinneu te timpu wey ke nekey ka eleg ne eggimuwen te Israil. Sikandan ka migmandu te me karumaan dan. 33 Puun te kabuhalan ni Sabulun: due lalimma ne pulu ne libu (50,000) ne me bahani ne andam ne egmambubunu, ne nasangkap te langun ne klasi te me panganiban wey andam ne eg-unung ki Dabid. 34 Puun te kabuhalan ni Naptali: due sabeka ne libu (1,000) ne upisyal wey tatelu ne pulu wey pitu ne libu (37,000) ne me sundalu ne nasangkap te me kalasag wey me deldeg. 35 Puun te kabuhalan ni Dan: due daruwa ne pulu wey walu ne libu wey hen‑em ne gatus (28,600) ne me bahani ne andam ne egmambubunu. 36 Puun te kabuhalan ni Asir: due hep‑at ne pulu ne libu (40,000) ne nenabbasbas ne me sundalu ne andam ne egmambubunu. 37 Puun te talipag te Hurdan, te me kabuhalan ni Rubin, ni Gad, wey te katenge te kabuhalan ni Manasis: due sabeka ne gatus wey daruwa ne pulu ne libu (120,000) ne etew ne nasangkap te langun ne klasi te me panganiban.
38 Ka sika langun ne sundalu ne andam ne egpakiggira, nangendiye ki Dabid diye te Hibrun eyew eggimu kandin ne Hari te intiru ne Israil. Ne migsabeka degma ka duma ne keet-etawan te Israil eyew eggimuwen dan si Dabid ne Hari. 39 Ne seled te tatelu ne aldew duma ran si Dabid te nangekeen wey nangiinum su in-andaman ma sikandan te me karumaan dan. 40 Ne ka me karumaan dan degma diye te maddiyu ne inged te Isakar, te Sabulun, wey te Naptali, nanginguma ne nanguyan te egkengakeen ne immandulan te me asnu, kamil, me mula,[fn] wey baka. Dakel amana ka impamehey ne harina, egkengakeen ne inggimu puun te behas te iggira ne indampil, binu, mentika, me baka, wey karniru. Nahale amana ka langun ne matig-Israil.
13 1 Ne migpanginginse si Dabid diye te me kumandir te linibu wey te ginatus ne me sundalu rin, wey te langun ne pangulu te Israil. 2 Ne ingkahiyan ni Dabid ka langun ne keet-etawan te Israil ne nalibulung, “Ke eg-uyun kew wey ke igkeupii te Magbebaye ne Manama ta, egpeendiniyen ka me karumaan ta ne me matig-Israil ne diye te intiru ne tane te Israil duma te me talagpanubad wey te me Libita ne duma ran te nangugpe diye te me lungsud dan ne due me panabtaban. 3 Ne igpalibed ta kayi ka Tahuanan te Kasabutan te Manama su ware ma seini nasagman te timpu ni Saul.” 4 Ne mig-uyun ka langun te seini ne eggimuwen tenged su nakamaan-maan sikandan ne eleg seeye.
5 [xr]Sikan naa, inlibulung ni Dabid ka langun ne me matig-Israil, puun te weyig te Sihur ne diye te marani te Ihiptu taman te Bayaanan te Hamat eyew eg-angey te Tahuanan te Kasabutan te Manama ne diye te lungsud te Kiryat-Hiyarim. 6 [xr]Ne si Dabid wey ka masulug ne me matig-Israil, miggendiye te Baala ne egngaranan ded te Kiryat-Hiyarim ne sakup te Huda eyew eg-angey te Tahuanan te Kasabutan te Manama ne ingngaranan te ngaran te Magbebaye ne Manama ne migpinnuu diye te elat-elat te me kirubin.[fn] 7 Indulan dan te iyam ne kerumata ka Tahuanan te Kasabutan te Manama puun te baley ni Abinadab. Ne si Usa wey Ahiyu ka mig-inahak te kerumata ne impahanuy te me baka. 8 Ne miggale-gale diye te tangkaan te Magbebaye ne Manama si Dabid wey ka langun ne matig-Israil taman te egkeyimu ran pinaahi te me ulahingen, me lira, me alpa, me tambur, me kastanyita, wey me putew ne basalan.
9 Te pegginguma ran diye te inged ne diekanan ni Kidun, inggen-genan ni Usa ka Tahuanan te Kasabutan tenged su nasaligkat ka me baka. 10 Tenged dutu, nabelu amana ki Usa ka Magbebaye ne Manama tenged su inggen-genan din ka Tahuanan te Kasabutan, purisu inggimatayan e sikandin te Manama. 11 Ne nabelu si Dabid te inlegparan te Magbebaye ne Manama si Usa. Sikan naa ka ingngaranan ka seeye ne inged te Piris-Usa[fn] taman kuntee.
12 Ne naaldek si Dabid te Magbebaye ne Manama te seeye ne aldew wey migkahi sikandin, “Egmenuwen ku naan e te eg-uyan diye te siyudad ku ka Tahuanan te Kasabutan te Manama?” 13 Purisu warad uyana ni Dabid ka Tahuanan te Kasabutan diye te siyudad din. Sikan naa ka diyad e seini uyana te baley ni Ubid-Idum ne matig-Gat. 14 [xr]Ne diye nakatetahu te baley ni Ubid-Idum ka Tahuanan te Kasabutan te Manama te tatelu ne bulan. Ne impanalanginan te Magbebaye ne Manama ka pamilya ni Ubid-Idum wey ka langun ne kandin.
14 1 Ne migsuhu ka Hari te Tiru ne si Hiram te me suluhuanen peendiye ki Dabid, wey migpeuyan te me kayu ne sidar, me talagperi te batu, wey me talagbebaley eyew eggimu te palasyu ni Dabid. 2 Ne nanengnengan ni Dabid ne ka Magbebaye ne Manama ka miggimu kandin ne Hari te Israil wey ka amana migpanalangin te migharian din para te keupianan te keet-etawan din ne me matig-Israil.
3 Ne migpangasawa pad si Dabid te masulug ne me malitan diye te Hirusalim, wey migmasalig pad ka me lukes wey me malitan ne me anak din. 4 Seini ka me ngaran te me anak ni Dabid ne neetew diye te Hirusalim: si Samuwa, si Subab, si Natan, si Sulumun, 5 si Ibhar, si Ilisuwa, si Ilpilit, 6 si Nuga, si Nipig, si Hapiya, 7 si Ilisama, si Biilyada, wey ka lein ne Ilipilit.
8 Te pegkanengnengi te me Pilistihanen ne si Dabid e ka naalam ne Hari te Israil, nanakereg e sikandan langun eyew egdakep kandin. Piru nanengnengan seeye ni Dabid, wey insinug-ung din sikandan te egpakiggira. 9 Ne miggingume e ka me Pilistihanen wey miglusuran dan e ka Bangalug te Ripaim. 10 Purisu mig-inse si Dabid te Magbebaye ne Manama, “Eglusuran ku naa ka me Pilistihanen? Igpareeg nu naa sikandan keddi?”
Ne migtabak ka Magbebaye ne Manama, “Uya, hipanew kad su igpareeg ku iya sikandan keykew.”
11 Purisu miggendiyaan e enni Dabid ka me Pilistihanen diye te Baal-Pirasim[fn] wey natalu ran sikandan diye. Ne migkahi si Dabid, “Imparereetan keddi te Magbebaye ne Manama ka me kuntere ku iling te nabusaye ne weyig.” Sikan naa ka ingngaranan seeye ne inged te Baal-Pirasim. 12 Ne neengkeran e te me Pilistihanen ka me diyus-diyus dan diye wey impepanilaban e seeye ni Dabid.
13 Ne nataman, miglusud e man‑e mig-abey ka me Pilistihanen, diye te Bangalug te Ripaim. 14 Ne mig-abey e man‑e mig-inse si Dabid te Manama wey migtabak ka Manama, “Kene niyu sikandan sinug-unga te eglusud, ke kene, linguti niyu sikandan wey diye niyu sikandan lusuri te egkatangkaan te me kayu ne balsamu. 15 Emun ke egkarineg niyu ka egwekes-wekes diye te uud te me kayu ne balsamu, lusud kew naan e su sika ka ilaan ne miggun‑a a kaniyu ka egdereet te me Pilistihanen.” 16 Purisu intuman ni Dabid ka insuhu te Manama kandin wey impangimatayan dan ka me Pilistihanen puun te Giba taman te Gisir. 17 Purisu nekeempet te minsan hendei ne inged ka kabantug ni Dabid, wey inggimu te Magbebaye ne Manama ne egkaaldek kandin ka langun ne nasud.
15 1 Ne migpabebaley si Dabid te masulug diye te siyudad din. Ne mig-andam sikandin te egtahuan te Tahuanan te Kasabutan te Manama, wey inggimuwan din seini te balungbalung. 2 [xr]Ne migsuhu sikandin ne keilangan ne ka me Libita re ka eg-uyan te Tahuanan te Kasabutan te Manama, su sikandan ma ka in-alam te Magbebaye ne Manama ne eg-uyan kayi, wey ka egpamakey kandin te ware egtamanan. 3 Ne impalibulung ni Dabid diye te Hirusalim ka langun ne keet-etawan te Israil eyew eg-uyan te Tahuanan te Kasabutan te Manama diye te in-andam din ne egtahuan kayi. 4 Ne impeumew degma ni Dabid ka me talagpanubad wey ka me Libita. 5 Ne due 120 ne etew ne egpuun te karumaan ni Kuhat ne impanguluwan ni Uril. 6 Ne due 220 ne etew ne egpuun te karumaan ni Mirari ne impanguluwan ni Asayas. 7 Ne due 130 ne etew ne egpuun te karumaan ni Girsum ne impanguluwan ni Huwil. 8 Ne due daruwa ne gatus (200) ne etew ne egpuun te karumaan ni Ilisapan ne impanguluwan ni Simaya. 9 Ne due walu ne pulu (80) ne etew ne egpuun te karumaan ni Hibrun ne impanguluwan ni Ilil. 10 Ne due 112 ne etew ne egpuun te karumaan ni Usil ne impanguluwan ni Aminadab. 11 Ne impeumew ni Dabid ka me talagpanubad ne si Saduk, si Abiyatar, wey ka me Libita ne si Uril, si Asiyas, si Huwil, si Simaya, si Ilil, wey si Aminadab. 12 Ne ingkahiyan din sikandan, “Me pangulu te me pamilya te me Libita, keilangan ne egmatulus kew te pegkeetew niyu wey ka langun ne duma niyu ne me Libita, eyew eg-uyan te Tahuanan te Kasabutan te Magbebaye, ka Manama te Israil, diye te in-andam ku ne egtahuan kayi. 13 Te an-anayan ne timpu kene ne sikaniyu ka mig-uyan te Tahuanan te Kasabutan, sikan naa ka inlegparan ki te Magbebaye ne Manama ta su ware ki ma mig-inse kandin te eleg ne paahi te peg-uyan kayi.”
14 Purisu immatulus te me talagpanubad wey te me Libita ka pegkeetew ran eyew egkeuyan dan ka Tahuanan te Kasabutan te Manama te Israil. 15 [xr]Ne inyayungan te me Libita ka Tahuanan te Kasabutan te Manama, sumale te insuhu te Magbebaye ki Muwisis.
16 Ne imbanasalan ni Dabid ka me pangulu te me Libita ne eg-alam te me karumaan dan isip me talag-ulahing ne egbalesan te me lira, me alpa, wey me putew ne basalan. 17 Purisu in-alam te me Libita si Himan ne anak ni Huwil wey ka karumaan din ne me Libita ne si Asap ne anak ni Birikiyas, wey si Itan ne anak ni Kusiyas ne egpuun te me kabuhalan ni Mirari. 18 Ne ka naalam ne egbulig kandan iyan ka me karumaan dan ne si Sakariyas, si Hasiil, si Simiramut, si Hihiil, si Uni, si Iliyab, si Binayas, si Maasiyas, si Matatiyas, si Ilipilihu, si Makiniyas, wey ka me talagtameng te gumawan ne si Ubid-Idum wey si Hiil. 19 Ne ka me mangngulahing ne si Himan, si Asap, wey si Itan ka nenaalam ne talagparahing te putew ne basalan. 20 Ne si Sakariyas, si Asiil, si Simiramut, si Hihiil, si Uni, si Iliyab, si Maasiyas, wey si Binayas ka nenaalam ne egparahing te me alpa ne mematikang se dahing. 21 Ne si Matatiyas, si Ilipilihu, si Makiniyas, si Ubid-Idum, si Hiil, wey si Asasiyas ka nenaalam ne egparahing te me lira ne mallepet se dahing.
22 Ne si Kininiyas ne pangulu te me Libita, iyan talagpanulu ke egmenuwen te eg-ulahing su amana ma sikandin ne egkateu ne eg-ulahing. 23 Ne si Birikiyas wey si Ilkana, iyan me talagbantey te gumawan te intahuan te Tahuanan te Kasabutan te Manama. 24 Ne ka me talagpanubad ne si Sibaniyas, si Husapat, si Natanail, si Amasay, si Sakariyas, si Binayas, wey si Ilisir, iyan me talaggiyup te me trumpita diye te tangkaan te Tahuanan te Kasabutan te Manama. Ne si Ubid-Idum wey si Hihiyas pad man‑e ka me talagbantey te gumawan te intahuan te Tahuanan te Kasabutan te Manama.
25 Purisu si Dabid wey ka me pangulu te Israil wey ka me upisyal te me sundalu, nangendiyad e te baley ni Ubid-Idum ka naggale-gale ne eg-angey te Tahuanan te Kasabutan te Magbebaye. 26 Ne tenged te imbulihan te Magbebaye ne Manama ka me Libita ne mig-uyan te Tahuanan te Kasabutan te Magbebaye, migpanubad sikandan te pitu ne turu ne baka wey pitu ne lukesan ne karniru. 27 Ne migsaluub si Dabid te mahal ne hinabel wey iling ded degma ka langun ne Libita ne mig-uyan te Tahuanan te Kasabutan te Manama, ka me mangngulahing, wey si Kininiyas ne pangulu te masulug ne eg-ulahing. Migsaluub man‑e si Dabid te mateles ne kumbale ne egngaranan te ipud.[fn] 28 Ne in-uyan te langun ne me matig-Israil ka Tahuanan te Kasabutan te Magbebaye wey migmanguleyi sikandan tenged te kahale, migparahing te eggiyupen ne me sungey, me trumpita, putew ne basalan, wey te meemen ne pegparahing te alpa wey te me lira.
29 Piru te nekeume e ka Tahuanan te Kasabutan te Magbebaye diye te Siyudad ni Dabid, migpantew te bintana si Mikal ne anak ni Saul ne malitan, wey nakita rin si Hari Dabid ka migsayew-sayew ne nahale-gale, wey inlemetan din te heles de.
16 1 Ne in-uyan dan ka Tahuanan te Kasabutan te Manama wey intahu dan seini diye te balungbalung ne inggimu ni Dabid para kayi. Ne migpanubad sikandan diye te Manama te egtutungen ne igpanubad, wey te igpanubad para te keupianan. 2 Te nekeimpus e si Dabid ka migpanubad te egtutungen, wey te igpanubad para te keupianan, impanalanginan din e ka me etew pinaahi te ngaran te Magbebaye ne Manama. 3 Ne impamehayan din sikandan langun te tigsalimbeka ne paan, ngalap, wey me behas te paras ne indampil.
4 Ne mig-alam si Dabid te me Libita ne iyan egpamakey diye te tangkaan te Tahuanan te Kasabutan te Manama, eyew egpangananey, egpasalamat, wey egdayan te Magbebaye ne Manama te Israil. 5 Ne si Asap ka pangulu, wey iyan din talagbulig si Sakariyas. Ne si Hiil, si Simiramut, si Hihiil, si Matatiyas, si Iliyab, si Binayas, si Ubid-Idum, wey si Hiil, iyan me talagparahing te me lira wey me alpa. Si Asap ka talagparahing te putew ne basalan. 6 Ne ka me talagpanubad ne si Binayas wey si Diyahasil iyan egparahing te me trumpita tagse aldew diye te tangkaan te Tahuanan te Kasabutan te Manama.
(Salmu 105:1-15; 96:1-3; 106:1,47-48)
7 Te seeye ne aldew, imbehey ni Dabid ki Asap wey te me duma rin ne me Libita seini se ulahingen te pegpasalamat te Magbebaye ne Manama:
8 Pasalamati niyu ka Magbebaye ne Manama;
dawita niyu ka ngaran din!
Ipanengneng niyu
ka neneyimu rin diye te langun ne keet-etawan.
9 Ulahingi niyu sikandin!
Deyraya niyu sikandin!
Ipanengneng niyu ka me kein-inuwan ne me himu rin.
10 Ipeggasal niyu ka matulus ne ngaran din;
egkahale ka pusung te seeye se egparani te Magbebaye ne Manama.
11 Salig kew te Magbebaye ne Manama
wey te keseg din.
Layun kew parani kandin.
12 Sumsumana niyu ka me mateles ne inggimu rin;
ka me kein-inuwan,
wey ka me peggukum ne inlalag din.
13 He me anak ni Israil ne suluhuanen te Manama;
He kabuhalan ni Hakub ne in-alam te Manama.
14 Sikandin ka Magbebaye ne Manama ta;
eggukuman din ka intiru ne kalibutan.
15 Kene sikandin egkalingew te kasabutan din
te ware egtamanan
wey te saad din minsan te linibu pad ne kabuhalan.
16 [xr]Ka sika ne kasabutan, inggimu rin duma ki Abraham
wey impahunlibetan din man‑e diye ki Isaak.
17 [xr]Impamalehetan din seini diye ki Hakub isip balaud,
wey isip kasabutan ne ware egtamanan diye te me matig-Israil.
18 Ingkahiyan din sikandan, “Igbehey ku kaniyu ka tane te Kanaan
isip karatuan ne inggaat ne egkaangken niyu.”
19 Te pila-pila pad ka keet-etawan te Manama,
wey te kene pad amana sikandan ne masulug,
wey te kene pad sikandan ne mahinged te Kanaan,
20 nalaag-laag sikandan diye te nalein-lein ne me nasud wey te migharian.
21 [xr]Ware din tuhuti ne egde-deehen sikandan te minsan hentew.
Insaparan din ka me Hari te migkahi,
22 “Kene niyu hilabeti ka in-alam ku,
wey kene niyu pasakiti ka me prupita ku!”
23 He intiru ne kalibutan, ulahingi niyu ka Magbebaye ne Manama.
Ipangguhud niyu te langun ne aldew ka pegluwas din kaniyu.
24 Ipanengneng niyu diye te me nasud ka katelesan din,
wey ka me kein-inuwan ne himu rin diye te langun ne me etew!
25 Su mabantug ka Magbebaye ne Manama
wey likes ne egdeyrayen.
Egkaaldekan sikandin te langun ne me manama.
26 Su me diyus-diyus de ka langun ne manama te me nasud
piru ka Magbebaye ne Manama mule ka miggimu te me langit.
27 Diye te kandin ka kabantug wey ka karesen;
diye te ugpaan din ka kanekal wey ka kahale.
28 Deyraya niyu ka Magbebaye ne Manama,
he keet-etawan te me nasud.
Deyraya niyu ka katelesan din
wey ka karesen din.
29 Ibehey niyu diye te Magbebaye ne Manama
ka kabantug ne eleg te ngaran din.
Uyan kew te halad
wey parani kew diye te tangkaan din,
wey simbaa niyu ka Magbebaye ne Manama te pegkamatulus din.
30 Kaaldeki niyu sikandin, he intiru ne kalibutan!
Immalig‑en din te eggimu ka kalibutan, wey kene seini egkaweil.
31 Gale-gale kew se me langit,
wey kalibutan!
Kahii niyu ka me nasud,
“Mighari e ka Magbebaye ne Manama!”
32 Deyrey kew se karagdahatan,
wey sikaniyu se langun ne nakatahu kayi!
Gale-gale kew se me kamet,
wey sikaniyu se langun ne nakatahu kayi!
33 Ne ka me kayu diye te puwalas
egpanguleyi te kahale diye te tangkaan te Magbebaye ne Manama,
su eggendini sikandin eyew eggukum te kalibutan!
34 [xr]Pasalamati niyu ka Magbebaye ne Manama,
su meupiya sikandin;
kene egkabalbalawan ka geyinawa rin.
35 Kahii niyu sikandin,
“Pangabangi key, he Manama ne manluluwas ney;
libulunga key wey luwasa key puun te me nasud
eyew egpakapasalamat key
wey egpakareyrey te matulus ne ngaran nu.
36 Egdayanen ka Magbebaye ne Manama;
ka Manama te Israil, te ware egtamanan!”
Ne migkahi ka langun ne keet-etawan, “Malehet iya!”
wey indayan dan ka Magbebaye ne Manama.
37 Ne impiyal ni Dabid ki Asap wey te me duma rin ne me Libita ka peggimu te eggimuwen ne ingkeilangan te tagse aldew diye te tangkaan te Tahuanan te Kasabutan te Magbebaye. 38 Nalagkes te seini ne punduk si Ubid-Idum wey ka hen‑em ne pulu wey walu (68) ne karumaan din. Ne si Ubid-Idum ne anak ni Hidutun, wey si Husa ka me talagtameng te gumawan.
39 Ne si Saduk ne talagpanubad wey ka me duma rin ne me talagpanubad, iyan impiyalan te me himu diye te tangkaan te Matulus ne Balungbalung te Magbebaye ne Manama, diye te bubungan te Gibyun. 40 Sikandan layun ka egpanubad te igmanubad ne egtutungen diye te altar, maaldew wey marusilem, sumale te langun ne nasulat te Balaud te Magbebaye ne Manama ne imbehey rin te me matig-Israil. 41 Iyan dan duma si Himan, wey si Hidutun, wey ka duma pad ne naalam te pegpasalamat te Magbebaye ne Manama tenged te geyinawa rin ne kene egkabalbalawan. 42 Ne katungdanan degma ni Himan wey ni Hidutun ka egparahing te me trumpita wey te putew ne basalanan wey ka egparahing te duma ne me instrumintu para te peg-ulahing te pegdayan. Ne iyan impatameng te gumawan ka me anak ni Hidutun.
43 [xr]Ne nataman, nanguli e ka langun ne keet-etawan diye te me baley ran, wey mig-uli e degma si Dabid diye te baley rin eyew egpanalangin te pamilya rin.
17 1 Te nakaalin e si Dabid diye te impeyimu rin ne palasyu, ingkahiyan din si Natan ne prupita, “Kayi ad kuntee mig-ugpe te palasyu ne inggimu puun te kayu ne sidar, piru diye de mule nakatahu ka Tahuanan te Kasabutan te Magbebaye te balungbalung.” 2 Ne migtabak si Natan ki Dabid, “Himuwa nu ka minsan nekey ne due te suman-suman[fn] nu, su migduma keykew ka Manama.”
3 Piru te sika ne marusilem, impanengneng te Manama si Natan, 4 “Hendiyei nu ka suluhuanen ku ne si Dabid wey kahii nu te kene ne sikandin ka egpasasindeg te baley ne eg-ugpaan ku. 5 Su te timpu te pegpalihawang ku te me matig-Israil puun te Ihiptu, wara a nekeugpe te baley, ke kene, diye de te eggal-halinen ne balungbalung. Su ware e re due nekeugpe te baley. 6 Miggalin-halin a mig-ugpe duma te langun ne me matig-Israil, wara a migkahi te me pangulu ran ne impabantey ku te keet-etawan ku te mania te kena a nikaniyu eggimuwan te baley ne puun te kayu ne sidar?
7 “Purisu kahii nu ka suluhuanen ku ne si Dabid te migkahi a se Amana ne Maresen ne Magbebaye, ‘Talagtameng ka dengan te me karniru diye te panabtaban piru in-alam ku sikeykew ne egkeyimu ne pangulu te keet-etawan ku ne me matig-Israil. 8 Ne indumaan ku sikeykew minsan hendei ka migpabaye wey intalu ku ka langun ne me kuntere nu ne egkabayaan nu. Ne kuntee, eggimuwen ku sikeykew ne mabantug iling te mabantug ne me etew te kalibutan. 9 Egteilan ku te inged ne egpeugpaan ku ka keet-etawan ku ne matig-Israil wey igpeugpe ku sikandan diye eyew duen e tane dan mismu, wey kenad e sikandan egkasamuk. Ne kenad e egpakareeg-deeg kandan ka maddeet ne me etew iling te inggimu ran dengan, 10 te timpu ne mig-alam a te me pangulu eyew egmandu te keet-etawan ku ne me matig-Israil. Ne egtaluwen ku ka langun ne me kuntere nu. Sikeddi se Magbebaye ne Manama, egnangen keykew te due egkeyimu ne Hari puun te kabuhalan nu. 11 Ke egpatey kad e wey iglebeng e diye te inlebengan te kabuybuyahan nu, egpasubalen ku keykew ka sabeka te me kabuhalan nu, wey eggimuwen ku ne maresen ka migharian din. 12 Sikandin ka egpasasindeg te baley para keddi, wey egsihuruwen ku ne iyan eghari ka me kabuhalan din te ware egtamanan. 13 [xr]Egkeyimu ad ne amey rin, wey egkeyimu e sikandin ne anak ku. Ne kene ku eg-aween ka geyinawa ku kandin ne kene egkabalbalawan, kene ne iling te inggimu ku te Hari ne nasinundulan nu. 14 Igpiyal ku kandin ka keet-etawan ku wey ka migharian ku. Ne ka me kabuhalan din ka egkeyimu ne me Hari te ware katammanan.’ ”
15 Ne impangguhud ni Natan ki Dabid ka langun ne impakita kandin te Magbebaye ne Manama.
16 Ne migseled si Dabid diye te balungbalung ne in-ugpaan te Manama wey migpinnuu sikandin ne mig-ampu diye te tangkaan te Magbebaye ne miggenendue, “Magbebaye ne Manama, sikeddi wey ka pamilya ku, kene ne eleg te meupiya ne immangimu nu. 17 Ne kene ne sikan de ka immangimu nu, he Manama. Su migsaad ke pad iya man‑e te egginguma ne kabuhalan ku. In-isip a nikeykew ne mabantug ne etew, he Magbebaye ne Manama. 18 Warad igpakalalag ku te pegbantug nu keddi, su impabantug a nikeykew amana. Nakanengneng ka ke hentew‑a a se suluhuanen nu. 19 He Magbebaye ne Manama, para te keupianan te suluhuanen nu wey sumale te igkeupii nu, impanengneng nu seini se mabantug ne me himu. 20 Ware egpekeiling keykew Magbebaye ne Manama, wey warad duma pad ne Manama su sikeykew re iya sumale te narineg ney. 21 Ne ware lein ne nasud kayi te kalibutan ne egpekeiling te me matig-Israil, ne inluwas nu puun te Ihiptu eyew egkeyimu ne keet-etawan nu. Migmabantug ka wey miggimu ka te makaaldek-haldek ne kein-inuwan pinaahi te pegdeldel nu te me matig-Kanaan eyew egpakasubal egpekeugpe diye ka keet-etawan nu. 22 Inggimu nu ka me matig-Israil ne keet-etawan nu te ware egtamanan, wey neyimu ka ne Magbebaye ne Manama ran.
23 “Ne kuntee, Magbebaye ne Manama, himuwa nu ka insaad nu keddi te suluhuanen nu wey te pamilya ku, wey kene perem egkataman seini ne saad, 24 su eyew egmabantug ka te ware egtamanan wey egkahi ka me etew, ‘Ka Amana ne Maresen ne Magbebaye, iyan Manama te Israil!’ Ne ka pamilya ku kene egkaawe diye te tangkaan nu. 25 Egkabagget a ne eg-ampu keykew Manama ku, su impanengneng nu ma seini langun keddi te suluhuanen nu wey ingkahiyan a nikeykew te egkeyimu ne me Hari ka me kabuhalan ku. 26 He Magbebaye ne Manama, malehet ka iya ne Manama. Memeupiya ka me saad nu keddiey te suluhuanen nu. 27 Purisu meupiya ubag perem ke egkabennalan ka ne egduma te me kabuhalan ku te suluhuanen nu eyew egpakapabulus seini diye te tangkaan nu te ware egtamanan. Tenged su emun ke egduma ka se Magbebaye ne Manama, kene seini egkataman.”
18 1 Te miglihad ka timpu, natalu ni Dabid ka me Pilistihanen wey nasakup din sikandan. Naahew rin ka Gat wey ka me lungsud ne nakalingut kayi. 2 Natalu rin degma ka me matig-Muwab, wey neuripen din e sikandan, wey impabayad din sikandan te me buhis.
3 Natalu degma ni Dabid diye te Hamat si Hadadisir ne Hari te Suba, te peggendiye ni Hadadisir te Weyig ne Iyupratis eyew egsakupen din perem seini. 4 Naahew ni Dabid ka sabeka ne libu (1,000) ne karwahi, wey narakep din ka pitu ne libu (7,000) ne sundalu ne migmangudde, wey daruwa ne pulu ne libu (20,000) ne sundalu ne nangipanew re. Ne impanlepuan ni Dabid ka langun ne kudde angin e te pila-pila ne ware din menuwa eyew egsangenan te sabeka ne gatus (100) ne karwahi.
5 Te pegginguma te me matig-Sirya ne egpuun te Damasku eyew te pegbulig ki Hadadisir ne Hari te Suba, inggimatayan te me sundalu ni Dabid ka daruwa ne pulu wey daruwa ne libu (22,000) kandan. 6 Ne migpangampuwan ni Dabid ka inged te me matig-Sirya diye te Damasku, wey nasakup din sikandan wey migbayad e sikandan te buhis diye te kandin. Impepanalu si Dabid te Magbebaye ne Manama minsan hendei sikandin migbaye. 7 Ne impanguyan ni Dabid ka me bulawan ne kalasag te me upisyal ni Hadadisir wey impanlaglag din e seini diye te Hirusalim. 8 [xr]Ingkuwa degma ni Dabid ka susuluhi ne burunsi puun te Tibat wey Kun ne me siyudad ni Hadadisir. Ne ka seini ne burunsi iyan inggimu ni Sulumun ne bubuyahen ne yahung ne egngaranan te Dahat, me sungkaleg, wey me kasangkapan te timplu.
9 Te pegkarineg ni Tuy ne Hari te Hamat ne natalu ni Dabid ka langun ne sundalu ni Hadadisir ne Hari te Suba, 10 impeendiye din e ka anak din ne si Huram eyew te pegsaye ki Dabid tenged te kapanaluwan te pegpakiggira din ki Hadadisir. (Tapey ne talagkuntere si Tuy wey si Hadadisir.) Ne in-uyanan din si Dabid te me kasangkapan ne inggimu puun te bulawan, pelata, wey burunsi. 11 Ne inhalad ni Hari Dabid seini ne me kasangkapan diye te Magbebaye ne Manama, duma te pelata wey bulawan ne nakuwa rin puun te langun ne me nasud, lagkes en iya ka Idum, ka Muwab, ka Amun, ka Pilistiya, wey ka Amalik.
12 [xr]Ne si Abisay ne anak ni Siruya, nakapatey te sapulu wey walu ne libu (18,000) ne me matig-Idum diye te bangalug ne egngaranan te Asin. 13 Ne impakekampuwan din te me sundalu ka intiru ne inged ne Idum wey nasakup din ka langun ne matig-Idum. Impepanalu sikandin te Magbebaye ne Manama minsan hendei sikandin egbaye.
14 Purisu mighari si Dabid te intiru ne Israil wey meupiya ka inggimu rin wey eleg ka peggukum din te langun ne keet-etawan din. 15 Ne si Huwab ne anak ni Siruya ka pangulu te me sundalu rin. Ne iyan talagsulat te egkengeyitabu si Hihusapat ne anak ni Ahilud. 16 Ne iyan me talagpanubad si Saduk ne anak ni Ahilud wey si Abimilik ne anak ni Abiyatar. Ne iyan sikritari si Sarayas. 17 Ne si Binayas ne anak ni Huyada ka pangulu te me Kiritihanen wey te me Pilitihanen ne me talagbantey ki Dabid. Ne ka me anak din ka labew ne me pangulu te me upisyal.
19 1 Nataman, migpatey e ka Hari te me Amunihanen ne si Nahas. Ne iyan migsubal kandin mighari ka anak din ne si Hanun. 2 Ne migkahi si Dabid, “Eg-upianan ku si Hanun ne anak ni Nahas su meupiya ma ka amey rin keddi.” Ne migsuhu sikandin te me etew rin eyew igpataha ne miglungku sikandin te pegpatey te amey ni Hanun. Piru te pegginguma te me upisyal ni Dabid diye ki Hanun diye te tane te Amunihanen, 3 migkahiyan e te me upisyal te Amunihanen si Hanun, “Kahiyen nu buwa ne intahud ni Dabid ka amey nu pinaahi te pegsuhu te me suluhuanen din te pegliwang keykew? Kema ke impeendini rin sikandan eyew te pegnengneng wey te peg-iipat te inged ta, ne egkataman, egdereetan dan e seini.” 4 Purisu imparakep ni Hanun ka me suluhuanen ni Dabid wey impakahisan din ka me sumpe dan. Impatempuhan din degma ka mallayat ne me kumbale dan taman te liwaraan wey impeuli din e sikandan. 5 Ne nanguli sikandan ne amana neyilew. Te nahuhuran e si Dabid meyitenged kayi, impasinug-ung din sikandan wey impakahiyan te diye pad sikandan egpeuugpaa te Hiriku taman te egtubu e man‑e ka me sumpe dan.
6 Te pegkanengnengi te me Amunihanen ne amana nabelu si Dabid tenged te inggimu ran, migpeuyan si Hanun wey ka me Amunihanen, te sabeka ne libu (1,000) ne buuk ne pelata eyew igsuul te me karwahi wey te egmangudde puun te Misuputamya, te Aram-Maaka, wey te Suba. 7 Migsuul sikandan te tatelu ne pulu wey daruwa ne libu (32,000) ne karwahi. Ne miglapig man‑e kandan ka Hari te Maaka wey ka me sundalu rin. Migkekampu sikandan diye te marani te Midiba. Ne miglibulung degma ka me Amunihanen diye te me siyudad dan, wey migmanlihawang eyew egpakiggira.
8 Te pegkarineg dutu ni Dabid, insuhu din e si Huwab duma te langun ne mabbulut ne me bahani eyew te pegpakiggira. 9 Ne miglihawang e ka me Amunihanen wey migpangandam e diye te gumawan te siyudad eyew te pegpakiggira, wey ka me Hari ne miglapig te Amunihanen diyad e te kannapuan.
10 Te pegpitew ni Huwab te due me kuntere diye te katangkaan din wey diye te peka rin, mig-alam sikandin te amana egkateu ne me bahani te Israil wey impaandam din e sikandan eyew te pegpakiggira te me matig-Sirya. 11 Ne impepanguluwan din ka duma ne me sundalu rin ki Abisay ne suled din, wey impaandam din e sikandan eyew te pegpakiggira te me Amunihanen. 12 Ne ingkahiyan ni Huwab si Abisay, “Bulihi key naa ke egkakita nu ne egkatalu key e te me matig-Sirya. Ne egbulihan ku re degma sikaniyu ke egkatalu kew e te me Amunihanen. 13 Egnekal-nekal ki. Egbulut-bulut ki ne egpakig-ehet para te keet-etawan ta wey te siyudad te Manama ta. Ne iyan e balahad ka Magbebaye ne Manama ne eggimu ke nekey ka meupiya ne insuman-suman din.”
14 Purisu miglusud e si Huwab duma te me etew rin wey nenakapallahuy ka me matig-Sirya. 15 Te pegkakita te me Amunihanen te namallahuy e ka me matig-Sirya, namallahuy e degma sikandan ka migpariyu ki Abisay wey migseled e sikandan te siyudad dan. Ne mig-uli e si Huwab diye te Hirusalim puun te pegpakiggira.
16 Te nakamaan-maan e ka me matig-Sirya ne natalu e sikandan te me matig-Israil, migsuhu e sikandan te me suluhuanen peendiye te matig-Sirya ne diye nangugpe te talipag te Weyig ne Iyupratis eyew egpabulig kandan. Si Supak ne pangulu te me sundalu ni Hadadisir ka migpangulu te me matig-Sirya. 17 Te nahuhuran e si Dabid dutu, inlibulung din e ka langun ne matig-Israil. Miglapas sikandan te Hurdan wey migpangandam e diye te egkatangkaan te matig-Sirya wey migpahiggireey e sikandan. 18 Piru nakapallahuy ka me matig-Sirya wey nakapatey si Dabid te pitu ne libu (7,000) ne etew ne migmanguntud te me karwahi wey hep‑at ne pulu ne libu (40,000) ne sundalu ne nangipanew re. Neyimatayan dan degma si Supak ne pangulu te me sundalu. 19 Te nakamaan-maan e ka langun ne Hari ne sakup ni Hadadisir te natalu e sikandan te me matig-Israil, migpakiggusey e sikandan ki Dabid wey migpasakup e sikandan kandin. Purisu puun dutu, warad e migbulig ka matig-Sirya te me Amunihanen.
20 1 [xr]Te tingsubul e te me pinamula te seeye ne leg‑un, te timpu ne egpangipanew ka me Hari eyew te pegpakiggira, si Huwab ka migpangulu te me sundalu ne miglusud te me Amunihanen wey inlingutan dan ka Raba. Piru si Dabid diye ded mule te Hirusalim. Ne inlusuran ni Huwab ka Raba wey natalu ran seini. 2 Ne miggendiye si Dabid te Raba wey ingkuwa rin ka kuruna ne diye te ulu ni Milkum ne diyus-diyus te me Amunihanen.[fn] Ne me tatelu ne pulu wey lalimma (35) ne kilu ka kabehat dutu wey ingkukuruna rin e seini. Ne masulug ka kasangkapan ne nakuwa ni Dabid te seeye ne siyudad. 3 Ne impandakep din e ka me etew te seeye ne me siyudad wey impamehayan din te me gabas, piku, wey me wasey eyew egpatrabahuwen din. Ne iling ded ka inggimu rin te seeye se me etew ne diye te langun ne bariyu te me Amunihanen. Ne mig-uli e diye te Hirusalim si Dabid wey ka langun ne etew.
4 Nataman, migpahiggireey e man‑e ka me Pilistihanen wey ka me matig-Israil diye te Gisir. Ne neyimatayan ni Sibikay ne matig-Husat si Sipay ne kabuhalan te me eleggasi, wey natalu ka me Pilistihanen.
5 [xr]Ne migpahiggireey e man‑e ka me Pilistihanen wey ka me matig-Israil. Ne neyimatayan ni Ilhanan ne anak ni Hair si Lami ne suled ni Gulayat ne matig-Gat ne mabehat wey makepal se deldeg. 6 Ne migpahiggireey e man‑e ka me Pilistihanen wey ka me matig-Israil diye te Gat. Ne due dakel ne etew diye ne hen‑em se kemel te tagse belad wey iling ded degma ka me paa rin, daruwa ne pulu wey hep‑at langun (24). Ne kabuhalan ded degma sikandin te me eleggasi. 7 Ne imbaley-baley rin ka me matig-Israil, purisu innimatayan sikandin ni Diyunatan ne anak ni Simiya ne suled ni Dabid.
8 Seeye ka me kabuhalan te me eleggasi diye te Gat ne impangimatayan ni Dabid wey te me sundalu rin.
21 1 Ne egkeupian si Meibulan ne eggubuten ka keet-etawan te Israil, purisu ingguluan din si Dabid ne igpasinsus ka me sundalu te Israil. 2 Purisu ingkahiyan ni Dabid si Huwab wey ka me pangulu te me sundalu, “Hipanew kew, sinsusa niyu ka me matig-Israil puun te Birsiba peendiye te Dan. Ne libed kew kayi wey panengnenga a nikaniyu eyew egkanengnengan ku ke pilaa langun sikandan.”
3 Piru migtabak si Huwab, “Meupiya perem ke egpamasuluhen te Magbebaye ne Manama te mahatus (100) ne lupi ka kasuluhan te keet-etawan din! Piru mania ahalen ku ne Hari te igkeupii nu ne eggimuwen seini, te me suluhuanen nu ma sikandan langun? Mania te iglagkes nu te sale ka intiru ne Israil?” 4 Piru impatuman iya ni Dabid ka suhu din, minsan te pegbalabag ni Huwab. Purisu, miggipanew e si Huwab wey impamayaan din ka intiru ne Israil eyew egsinsusen ka keet-etawan. Ne nataman miglibed e sikandin diye te Hirusalim, 5 wey ingguhud din e ka kasuluhan te keet-etawan diye ki Dabid. Ne due 1,100,000 ne me bahani te intiru ne Israil ne egkateu ne eggamit te kampilan, wey 470,000 ka diye te Huda. 6 Piru ware ilagkes ni Huwab te egsinsus ka kabuhalan ni Libi wey ni Binhamin, tenged su ware din ikeupii ka suhu te Hari.
7 Ne warad iya ikeele te Manama ka pegsinsus te me etew, purisu inlegparan din ka Israil tenged dutu. 8 Migkahi si Dabid diye te Manama, “Dakel ka sale ku te pegpasinsus ku. Ne kuntee egpeyid‑u-hid‑u a ubag ne egpasayluwen a nikeykew se suluhuanen nu su keungelan iya ka neyimu ku.”
9 Ne migkahi ka Magbebaye ne Manama ki Gad, ka prupita ni Dabid, 10 “Hendiyei nu si Dabid wey kahii nu, ‘Seini ka ingkahi te Magbebaye ne Manama: egbehayan ku sikeykew te tatelu ne eg-alaman. Alam ka te sabeka kayi, wey eggimuwen ku seini due te keykew.’ ”
11 Purisu miggendiyaan e ni Gad si Dabid wey ingkahiyan, “Seini ka ingkahi te Magbebaye ne Manama, ‘Alam ka ke hendei ka igkeupii nu kayi: 12 tatelu naa ne leg‑un ne bitil wey ke tatelu naa ne bulan ne egpanpanlupuhen ka te me kuntere nu wey egdereetan, wey ke tatelu naa ne aldew ne karereetan ne egpuun te Magbebaye ne Manama—te sika ne timpu egpareraluwen te mangune-kune te panalihan te Magbebaye ne Manama ka keet-etawan te Israil.’ Ne kuntee, suman-suman ke naa ke nekey a ka igtabak ku te migpeuyan keddi.”
13 Ne migtabak si Dabid, “Amana a nalaggew. Piru meupiya pad ke egdusaan ki te Magbebaye ne Manama du te etew ka egdusa kanta su hiid‑uwen ma amana sikandin.”
14 Sikan naa ka impeuyanan te Magbebaye ne Manama te dalu ka Israil, wey pitu ne pulu ne libu (70,000) ka migpatey te intiru ne Israil. 15 Ne migpeuyan ka Magbebaye ne Manama te panalihan din eyew te pegdereet te Hirusalim. Piru te ware pad migbunsud ka panalihan te pegderereet te Hirusalim, nekegsendit ka Magbebaye ne Manama te nakita rin ka peg-antus te me etew. Purisu ingkahiyan din ka panalihan, “Eleg e! Peen-enengi nud e sika se eggimuwen nu.” Te seeye ne timpu, diye migsasindeg ka panalihan te Magbebaye ne Manama te diekanan te trigu ni Arawuna ne Hibusihanen.
16 Ne migleng‑ag si Dabid wey nakita rin ka panalihan te Magbebaye ne Manama ne migsasindeg diye te elat-elat te langit wey tane ne miggen-gen te kampilan, wey ingkayew rin diye te ampew te Hirusalim. Purisu si Dabid wey ka me igbuyag, migsaluub te saku ne kumbale[fn] te pegpapitew te peglungku, wey migmanlangkeb diye te tane. 17 Ne migkahi si Dabid diye te Manama, “Sikeddiey ka migpaseel! Sikeddiey ka nakasale wey nekeyimu te mareet! Piru ka seini ne me etew ware nekeyimu te mareet! He Magbebaye ne Manama, tuhuti nu ka panalihan nu ne eglegpad keddi wey te keddi ne pamilya, piru kene nu dereeti ka keet-etawan nu.”
18 Ne migsuhu ka panalihan te Magbebaye ne Manama ki Gad eyew te pegnangen ki Dabid te egpeendiyeen te diekanan ni Arawuna ne Hibusihanen wey egpeyimuwen te altar ne egtutungan te igpanubad para te Magbebaye. 19 Purisu miggendiye si Dabid eyew te pegtuman te insuhu te Magbebaye ne Manama kandin pinaahi ki Gad. 20 Te seeye ne timpu, migdiriek te trigu si Arawuna wey ka hep‑at ne anak din ne me lukes. Te peglingi ni Arawuna, nakita rin ka panalihan te Magbebaye ne Manama. Sikan naa ka miggeles ka hep‑at ne anak din. 21 Te pegkakita ni Arawuna te egpalinggumaan e si Dabid, mig-awe e sikandin diye te diekanan din wey mig-usengul diye te tangkaan ni Dabid isip pegtahud kandin. 22 Ne migkahi si Dabid ki Arawuna, “Kaayun ne egbeliyen ku ka diekanan nu te dakel ne kentiddad? Egpasasindehan ku te altar ne egtutungan te igpanubad para te Magbebaye ne Manama eyew igpeeneng-eneng din e ka karereetan.”
23 Ne migtabak si Arawuna ki Dabid, “Ne kua nud iya, ahalen ku ne Hari! Egpekeyimu ka te minsan nekey ne igkeupii nu. Igbehey ku keykew ka me baka eyew igpanubad, ka kayu ne kasangkapan te pegdiriek eyew igtemeg, wey ka trigu eyew ighalad. Igbehey ku keykew ka langun.”
24 Piru ingkahiyan ni Hari Dabid si Arawuna, “Kene, egbeliyen ku seini te dakel ne kentiddad. Kena a eghalad diye te Magbebaye ne Manama te minsan nekey ne keykew, wey ke egpanubad naa te ware ku nabayari.” 25 Purisu imbayaran ni Dabid ka tane ni Arawuna te hen‑em ne gatus (600) ne buuk ne bulawan. 26 Ne miggimu si Dabid te altar diye ne tutunganan te igpanubad diye te Magbebaye ne Manama wey migpanubad e sikandin te igpanubad ne egtutungen wey te igmanubad para te keupianan. Ne mig-ampu si Dabid wey migtabak ka Magbebaye ne Manama pinaahi te pegpeuyan te hapuy ne egpuun te langit ne migtutung te igmanubad diye te altar.
27 Ne impalipi te Magbebaye ne Manama te panalihan ka kampilan din. 28 Te seeye ne aldew, te nakita ni Dabid ne intabak sikandin te Magbebaye ne Manama diye te diekanan ni Arawuna ne Hibusihanen, migpanubad pad man‑e sikandin diye. 29 Te seeye ne timpu, diye te bubungan te Gibyun ka Matulus ne Balungbalung ne In-alad ne inggimu ni Muwisis diye te disirtu wey ka altar ne tutunganan te igpanubad. 30 Piru ware nekeendiye si Dabid eyew te egpanginginse te Manama, su naaldek ma sikandin te kampilan te panalihan te Magbebaye ne Manama.
22 1 Ne migkahi si Dabid, “Kayi igpasasindeg ka baley te Magbebaye ne Manama, wey ka altar ne eg-unturan te egtutungen ne igpanubad te me matig-Israil.”
2 Ne migmandu si Dabid ne egpalibulungen ka langun ne lapu ne nangugpe te tane te Israil, wey in-alam din ka duma kandan ne egpasapsapen te me batu eyew eggamiten te pegpasasindeg te timplu te Manama. 3 Ne migbehey degma si Dabid te susuluhi ne putew ne eggimuwen ne lansang wey me bisagra para te me lekeb. Ne migbehey man‑e sikandin te burunsi ne kenad e egkatimbang tenged te kasulug, 4 wey te me terusu ne kenad egkaseel. (Migpanguyan te susuluhi ne kayu ne sidar ka me matig-Sidun wey me matig-Tiru diye ki Dabid.) 5 Ne migkahi si Dabid, “Ka anak ku ne si Sulumun kanakan pad, wey ware pad nabaybayaan. Ne ka timplu ne igpasasindeg para te Magbebaye ne Manama, keilangan ne dakel amana wey egkeyimu ne mabantug te intiru ne kalibutan tenged te kateles. Sikan naa, sikeddiey ka eg-andam para te pegpasasindeg kayi.” Purisu miglilimud e si Dabid te masulug amana ne kasangkapan te ware pad sikandin migpatey.
6 Ne impeumew rin e ka anak din ne si Sulumun, wey impanagtahaan din e ne igpasasindeg ka timplu te Magbebaye ne Manama, ka Manama te Israil. 7 [xr]Ne ingkahiyan ni Dabid si Sulumun, “Anak ku, egkeupian a perem amana ne sikeddi ka egpasasindeg te timplu eyew egkabantug ka Magbebaye ne Manama ku. 8 Piru impanengneng a te Magbebaye ne Manama te migkahi, ‘Nakapatey ka te masulug ne etew te pegpakiggira nu diye te giraanan. Ne tenged te nakita ku ne nakapatey ka te masulug ne etew, kene ne sikeykew ka egpasasindeg te timplu para keddi. 9 Piru egpakaanak ka te lukes ne eghari ne due keupianan. Ne kene ku sikandin igpasamuk te langun ne me kuntere din ne nakalingut kandin. Egngaranan sikandin ki Sulumun[fn] su egbehayan ku te keupianan wey kalinaw ka Israil te timpu ne sikandin ka eghari. 10 Igpasasindeg din ka timplu eyew egkabantug ka ngaran ku. Egkeyimu sikandin ne anak ku wey egkeyimu a ne amey rin, wey eghari te Israil ka me kabuhalan din te ware egtamanan.’ ”
11 Ne migpabulus si Dabid, “Ne kuntee anak ku, egdumaan ka perem te Magbebaye ne Manama nu, wey eglampus ka perem ka egpasasindeg te timplu sumale te insaad din. 12 Egbehayan ka perem te Magbebaye ne Manama te katagseb wey salabutan eyew te timpu ne egpaharien kad e nikandin te Israil, egkatuman nu ka balaud te Magbebaye ne Manama nu. 13 [xr]Eglampus ka ke egtumanen nu eg-ay-ayari ka me balaud wey me suhu ne imbehey te Magbebaye ne Manama ki Muwisis para te Israil. Pakannekal ka wey bagget-bagget ka. Kene ka kaaldek wey ke egkalaggew naa.
14 “Migpakannekal a miglilimud te me kasangkapan para te pegpasasindeg te timplu te Magbebaye ne Manama. Ne nakalimud ad e te 3,500,000 ne kilu ne bulawan, me 34,000,000 ne kilu te pelata, wey me putew wey me burunsi ne kenad e egkatimbang tenged te kasulug. Mig-andam e pad man‑e te me kayu wey me batu. Ne keilangan ne egtimulan nu pad seini. 15 Masulug ka me trabahanti nu: me talagperi te me batu, me talagpeg-untud-untud te me batu, me talagbebaley, wey me mangngateu ne eggimu te me kasangkapan, 16 puun te bulawan, pelata, burunsi, wey putew. Ne kuntee, bunsuri nud e ka himu! Egduma keykew ka Magbebaye ne Manama!”
17 Ne insuhu ni Dabid ka langun ne me pangulu te Israil ne egbulihan ka anak din ne si Sulumun te seini ne himu. 18 Ingkahiyan din sikandan, “Indumaan kew te Magbebaye ne Manama niyu! Imbehayan kew nikandin te kalinaw te nakalingut kaniyu ne me nasud. Imbehey rin e sikandan keddi, wey nasakup e sikandan langun te Magbebaye ne Manama, wey te keet-etawan din. 19 Ne kuntee ibehey niyu te Magbebaye ne Manama ka intiru ne pusung wey gimukud niyu. Ne bunsuri niyud te egpasasindeg ka matulus ne baley te Magbebaye ne Manama, su eyew igpakatahu niyud diye ka Tahuanan te Kasabutan din, wey ka matulus ne kasangkapan din, diye te timplu ne igpasasindeg para egkabantug ka ngaran din.”
23 1 [xr]Te buyag e amana si Dabid wey mahaan e egpatey, inggimu rin ne Hari te Israil ka anak din ne si Sulumun.
2 Ne impalibulung ni Dabid ka langun ne pangulu te Israil, ka me talagpanubad, wey ka me Libita. 3 Ne inseel rin ka me Libita ne tatelu ne pulu (30) ka idad peendiye te buyag-buyag e, wey migginguma sikandan te tatelu ne pulu wey walu ne libu (38,000) ne me etew. 4 Ne migkahi si Dabid, “Ka daruwa ne pulu wey hep‑at ne libu (24,000) iyan me talagtameng te me himu diye te timplu te Magbebaye ne Manama, wey ka hen‑em ne libu (6,000) iyan me upisyal wey me talaggukum. 5 Ne ka hep‑at ne libu (4,000) iyan me talagbantey te gumawan, wey ka lein ne hep‑at ne libu (4,000) iyan me talagdeyrey te Magbebaye ne Manama, duma te me instrumintu ne immangimu ku para te pegdayan.”
6 Ne imbaad ni Dabid te tatelu ne punduk ka me Libita sumale te tatelu ne anak ni Libi ne si Hirsun, si Kuhat, wey si Mirari.
7 Si Hirsun due daruwa ne anak ne me lukes ne si Ladan wey si Simii. 8 Si Ladan due tatelu ne anak ne me lukes ne iyan si Hihil ka kinakakayan, wey nasinundulan ni Sitan wey ni Huwil. 9 Si Simii due tatelu ne anak ne me lukes ne iyan si Salumit, si Hasil, wey si Haran. Me pangulu sikandan te me pamilya ni Ladan. 10 Ne si Simii duen pad man‑e hep‑at ne anak ne me lukes ne iyan si Diyahat, si Sina, si Hiyus, wey si Biriyas. 11 Si Diyahat ka kinakakayan ne pangulu te pamilya ran, wey si Sina ka igkarangeb. Ne si Hiyus wey si Biriyas, kene ne masulug se me anak. Sikan naa ka in-isip sikandan ne sabeka re ne kabuhalan.
12 Ne si Kuhat due hep‑at ne anak ne me lukes ne iyan si Amram, si Isar, si Hibrun, wey si Usil. 13 [xr]Ne ka me anak ni Amram ne me lukes iyan si Aarun wey si Muwisis. Si Aarun wey ka me kabuhalan din, inteil eyew iyan eghalad te amana ne matulus ne me kasangkapan, egtutung te igpanubad diye te Magbebaye ne Manama, egpamakey te Magbebaye ne Manama, wey eyew egpanalangin te keet-etawan te ngaran te Magbebaye ne Manama. Sika ka katungdanan dan te ware egtamanan. 14 Piru ka me lukes ne anak ni Muwisis, ka etew te Manama, in-isip ne sakup te me kabuhalan ni Libi. 15 Ne si Muwisis due daruwa ne anak ne me lukes ne si Girsum wey si Ilisir. 16 Ka sabeka te me lukes ne anak ni Girsum, iyan si Sibuwil ne pangulu te kabuhalan dan. 17 Ne si Ilisir due ubag sabeka ne anak ne lukes ne iyan si Ribiyas. Piru masulug mule ka me anak ni Ribiyas.
18 Ne si Isar ne igkarangeb ne anak ni Kuhat, due sabeka ne anak ne lukes ne iyan si Salumit, ne pangulu degma te me kabuhalan dan. 19 Ne si Hibrun ne igkatelu ne anak ni Kuhat, due hep‑at ne anak ne me lukes ne iyan si Hiriyas, si Amariyas, si Diyahasil, wey si Hikamiyam. 20 Ne ka igkeep‑at ne anak ni Kuhat ne si Usil, due daruwa ne anak ne me lukes ne si Mika wey si Hisiya.
21 Ne si Mirari due daruwa ne anak ne me lukes ne si Mali wey si Musi. Ne si Mali due degma daruwa ne anak ne me lukes ne si Iliyasar wey si Kis. 22 Ne migpatey si Iliyasar ne ware mule anak ne me lukes, piru due me anak din ne malitan. Ne impangasawa ka anak din ne me malitan te me suled dan ne me anak te anggam dan ne si Kis. 23 Ne si Musi due tatelu ne anak ne me lukes ne iyan si Mali, si Idir, wey si Hirimut.
24 Sika ka me kabuhalan ni Libi ne nenalista se me ngaran diye te tagse pamilya ne nasakupan te tagse sabeka kandan. Ne iyan de immanlista ka daruwa ne pulu (20) se idad wey buyag-buyag e eyew egtrabahu diye te timplu te Magbebaye ne Manama. 25 Su migkahi si Dabid, “Imbehayan ki te Magbebaye ne Manama, ka Manama te Israil te keupianan, wey eg-ugpe sikandin kayi te Hirusalim te ware egtamanan. 26 [xr]Purisu kenad keilangan ne eg-uy-uyanen pad te me Libita ka Matulus ne Balungbalung ne In-alad wey ka langun ne kasangkapan ne eggamiten te pegsimba.” 27 Ne ka katammanan ne suhu ni Dabid iyan ka pegseel te me Libita ne daruwa ne pulu (20) se idad wey buyag-buyag e. 28 [xr]Ne iyan dan himu ka egbulig te me kabuhalan ni Aarun ne egtrabahu diye te timplu te Magbebaye ne Manama. Sikandan ka talagtanggu te lama te timplu wey te me sinabeng, wey eglinis te langun ne matulus ne kasangkapan wey duma pad ne himu diye te timplu te Manama. 29 Sikandan man‑e ka impiyalan te matulus ne paan ne igtahu diye te lamisa, te harina ne ighalad diye te Magbebaye ne Manama, te paan ne ware igpatulin, te paan ne impiritu wey te duma pad ne halad ne me linuyang. Sikandan degma ka impiyalan ne egtimbang wey egtakes. 30 Katungdanan dan man‑e ka egsasindeg diye te timplu tagse maselem wey maapun eyew egpasalamat wey egdayan te Magbebaye ne Manama, 31 wey te tagse timpu ne egtutung te igpanubad diye te Magbebaye ne Manama te Aldew te Peggimeley, Sahakeen te Iyam ne Bulan, wey te duma pad ne aldew te sahakeen. Ne due eg-ikulen dan ne balaud ke pila ne Libita ka egtrabahu wey ke egmenuwen dan te eggimu ka trabahu ran diye te tangkaan te Magbebaye ne Manama. 32 Sikandan ka talagtanggu te Balungbalung ne Temuwanan wey te Matulus ne Balungbalung, wey ka egbulig te me karumaan dan ne me kabuhalan ni Aarun te egpamakey diye te timplu te Magbebaye ne Manama.
24 1 Ne seini ka pegbaad-baad te me kabuhalan ni Aarun. Due hep‑at ne anak ni Aarun ne me lukes ne iyan si Nadab, si Abihu, si Iliyasar, wey si Itamar. 2 [xr]Piru hun‑a ne nammatey si Nadab wey si Abihu du te amey ran, wey ware me anak dan. Purisu iyan de neneyimu ne me talagpanubad si Iliyasar wey si Itamar. 3 Ne imbaad-baad ni Dabid ka me kabuhalan ni Aarun sumale te me katungdanan ne igpeyimu kandan. Imbulihan sikandin ni Saduk ne kabuhalan ni Iliyasar, wey ni Ahimilik ne kabuhalan ni Itamar. 4 Ne imbaad-baad te sapulu wey hen‑em (16) ne punduk ka me kabuhalan ni Iliyasar tenged su nakita ne masmasulug ka me lukes ne pangulu te pamilya rin du te kabuhalan ni Itamar. Sikan naa ka imbaad-baad de te walu ne punduk ka pamilya ni Itamar. 5 Ne imbaad-baad sikandan ni Dabid pinaahi te pegpintut-pintut tenged su duen ma me upisyal te timplu wey me suluhuanen te Manama ne egpuun te kabuhalan ni Iliyasar wey ni Itamar. 6 Ne si Simaya ne anak ni Nitanil ne Libita iyan ka sikritari. Impanlista rin ka me ngaran te me talagpanubad diye te tangkaan te Hari wey te me upisyal rin, ni Saduk ne talagpanubad, ni Abimilik ne anak ni Abiyatar, wey te me pangulu te me pamilya te me talagpanubad wey te me Libita. Impegsinsinundul te egpintut-pintut ka me kabuhalan ni Iliyasar wey ni Itamar.
7 Ka an-anayan ne napintutan si Hihuyarib, ka igkarangeb si Hidayas, 8 ka igkatelu si Harim, ka igkeep‑at si Siyurim, 9 ka igkakalimma si Malkiyas, ka igkeen‑em si Mihamin, 10 ka igkapitu si Hakus, ka igkawalu si Abiyas, 11 ka igkasiyam si Hiswa, ka igkasapulu si Sikaniyas, 12 ka igkasapulu wey sabeka (11) si Iliyasib, ka igkasapulu wey daruwa (12) si Hakim, 13 ka igkasapulu wey tatelu (13) si Hupa, ka igkasapulu wey hep‑at (14) si Isbab, 14 ka igkasapulu wey lalimma (15) si Bilga, ka igkasapulu wey hen‑em (16) si Imir, 15 ka igkasapulu wey pitu (17) si Hisir, ka igkasapulu wey walu (18) si Hapisis, 16 ka igkasapulu wey siyam (19) si Pitahiyas, ka igkararuwa ne pulu (20) si Hihiskil, 17 ka igkararuwa ne pulu wey sabeka (21) si Hakin, ka igkararuwa ne pulu wey daruwa (22) si Gamul, 18 ka igkararuwa ne pulu wey tatelu (23) si Dilayas, ka igkararuwa ne pulu wey hep‑at (24) si Maasiyas.
19 Ne inggimu te tagse punduk ka me himu ran diye te timplu te Magbebaye ne Manama sumale te me balaud ne imbehey te kaapuan dan ne si Aarun ne egpuun te Magbebaye ne Manama, ka Manama te Israil.
20 Ne seini ka duma ne me pangulu te me kabuhalan ni Libi:
si Hidiyas ne kabuhalan ni Sibuwil, ne egpuun te kabuhalan ni Amram;
21 si Isiyas, ne egpuun te kabuhalan ni Rihabiyas;
22 si Diyahat ne kabuhalan ni Salamit, ne egpuun te kabuhalan ni Isar;
23 si Hiriyas ka labew ne pangulu, si Amariyas ka igkarangeb, si Diyahasil ka ikatatelu, wey si Hikamiyam ka igkeep‑at, ne egpuun te kabuhalan ni Hibrun;
24 si Samir ne kabuhalan ni Mika, ne egpuun te kabuhalan ni Usil;
25 si Sakariyas, ne egpuun te kabuhalan ni Isiyas ne suled ni Mika ne kabuhalan ni Usil;
26 si Mali wey si Musi ne me kabuhalan ni Mirari; si Binu, ne egpuun te kabuhalan ni Haasiyas;
27 si Binu, si Sumam, si Sakur, wey Ibri, ne egpuun te kabuhalan ni Mirari; 28 si Iliyasar ne ware anak ne lukes, ne egpuun te kabuhalan ni Mali; 29 si Hiramil, ne egpuun te kabuhalan ni Kis; 30 si Mali, si Idir, wey si Hirimut, ne egpuun te kabuhalan ni Musi.
Seeye ka me kabuhalan ni Libi ne nalista sumale te pamilya ran.
31 Ne migpintut-pintut degma sikandan eyew te pegbaad-baad te me himu ran iling te inggimu te me karumaan dan ne me kabuhalan ni Aarun diye te tangkaan ni Hari Dabid, ni Saduk, ni Ahimilik, wey te me pangulu te me pamilya, te me talagpanubad, wey te me Libita. Migpintut-pintut ka me pangulu minsan ka me bate-bate pad.
25 1 Ne si Dabid wey ka me upisyal te me sundalu, mig-alam te me anak ni Asap, ni Himan, wey ni Hidutun eyew iyan egpangguhud te igpanengneng te Manama ne egbalesan te me alpa, me lira, wey te me putew ne egbasalan. Ne seini ka listaan te me ngaran dan wey te me katungdanan dan:
2 Egpuun te me anak ni Asap: si Sakur, si Husi, si Nataniyas, wey si Asarila. Ne si Asap ne amey ran ka migpangulu kandan te egpangguhud te igpanengneng te Manama ke egsuhuen sikandan te Hari.
3 Egpuun te me anak ni Hidutun: si Gidaliyas, si Suri, si Hisayas, si Simii, si Hasabiyas, wey si Mataniyas; hen‑em (6) dan langun. Ne si Hidutun ne amey ran ka migpangulu kandan te egpangguhud te igpanengneng te Manama, egpasalamat wey egdeyrey te Magbebaye ne egbalesan te lira. 4 Egpuun te me anak ni Himan: si Bukiyas, si Mataniyas, si Usil, si Sibuwil, si Hirimut, si Hananiyas, si Hanani, si Iliyata, si Gidalti, si Rumantisir, si Husbikasa, si Miluti, si Hutir, wey si Mahasiyut. 5 Me anak sikandan langun ni Himan ne prupita te Hari. Impabantug si Himan te Manama pinaahi te pegbehey kandin te sapulu wey hep‑at (14) ne anak ne me lukes wey tatelu ne malitan, sumale te insaad kandin te Manama. 6 Impanguluwan din ka langun ne anak din ne me lukes te pegparahing te me simbal, me lira, wey me alpa te pegpamakey ran diye te timplu te Manama. Ne ka Hari mismu ka migsuhu engki Asap, Hidutun, wey ki Himan.
7 Migginguma sikandan langun te daruwa ne gatus wey walu ne pulu wey walu (288) lagkes ka me karumaan dan. Nenabasbas langun sikandan ne eg-ulahing para te Magbebaye ne Manama. 8 Ne migpintut-pintut sikandan, bate ma wey se buyag, talagpanulu ma wey se hibateen, eyew egkanengnengan dan ke nekey ka me katungdanan dan.
9 Ka an-anayan ne napintutan iyan ka anak ni Asap ne si Husi duma te me anak din wey te me karumaan din. Sapulu wey daruwa (12) sikandan langun. Ka igkarangeb iyan si Gidaliyas duma te me anak din wey te me karumaan din. Sapulu wey daruwa (12) regma sikandan langun.
10 Ka igkatelu iyan si Sakur duma te me anak din, wey te me karumaan din. Sapulu wey daruwa (12) regma sikandan langun.
11 Ka igkeep‑at iyan si Isri duma te me anak din wey te me karumaan din. Sapulu wey daruwa (12) regma sikandan langun.
12 Ka igkalimma iyan si Nataniyas duma te me anak din wey te me karumaan din. Sapulu wey daruwa (12) regma sikandan langun.
13 Ka igkeen‑em iyan si Bukiyas duma te me anak din wey te me karumaan din. Sapulu wey daruwa (12) regma sikandan langun.
14 Ka igkapitu iyan si Asarila duma te me anak din wey te me karumaan din. Sapulu wey daruwa (12) regma sikandan langun.
15 Ka igkawalu iyan si Hisayas duma te me anak din wey te me karumaan din. Sapulu wey daruwa (12) regma sikandan langun.
16 Ka igkasiyam iyan si Mataniyas duma te me anak din wey te me karumaan din. Sapulu wey daruwa (12) regma sikandan langun.
17 Ka igkasapulu iyan si Simii duma te me anak din wey te me karumaan din. Sapulu wey daruwa (12) regma sikandan langun.
18 Ka igkasapulu wey sabeka (11) iyan si Asarila duma te me anak din wey te me karumaan din. Sapulu wey daruwa (12) regma sikandan langun.
19 Ka igkasapulu wey daruwa (12) iyan si Hasabiyas duma te me anak din wey te me karumaan din. Sapulu wey daruwa (12) regma sikandan langun.
20 Ka igkasapulu wey tatelu (13) iyan si Subail duma te me anak din wey te me karumaan din. Sapulu wey daruwa (12) regma sikandan langun.
21 Ka igkasapulu wey hep‑at (14) iyan si Matatiyas duma te me anak din wey te me karumaan din. Sapulu wey daruwa (12) regma sikandan langun.
22 Ka igkasapulu wey lalimma (15) iyan si Hirimut duma te me anak din wey te me karumaan din. Sapulu wey daruwa (12) regma sikandan langun.
23 Ka igkasapulu wey hen‑em (16) iyan si Hananiyas duma te me anak din wey te me karumaan din. Sapulu wey daruwa (12) regma sikandan langun.
24 Ka igkasapulu wey pitu (17) iyan si Husbikasa duma te me anak din wey te me karumaan din. Sapulu wey daruwa (12) regma sikandan langun.
25 Ka igkasapulu wey walu (18) iyan si Hanani duma te me anak din wey te me karumaan din. Sapulu wey daruwa (12) regma sikandan langun.
26 Ka igkasapulu wey siyam (19) iyan si Miluti duma te me anak din wey te me karumaan din. Sapulu wey daruwa (12) regma sikandan langun.
27 Ka igkararuwa ne pulu (20) iyan si Iliyata duma te me anak din wey te me karumaan din. Sapulu wey daruwa (12) regma sikandan langun.
28 Ka igkararuwa ne pulu wey sabeka (21) iyan si Hutir duma te me anak din wey te me karumaan din. Sapulu wey daruwa (12) regma sikandan langun.
29 Ka igkararuwa ne pulu wey daruwa (22) iyan si Gidalti duma te me anak din wey te me karumaan din. Sapulu wey daruwa (12) regma sikandan langun.
30 Ka igkararuwa ne pulu wey tatelu (23) iyan si Mahasiyut duma te me anak din wey te me karumaan din. Sapulu wey daruwa (12) regma sikandan langun.
31 Ka igkararuwa ne pulu wey hep‑at (24) iyan si Rumantisir duma te me anak din wey te me karumaan din. Sapulu wey daruwa (12) regma sikandan langun.
26 1 Seini ka me punduk te me talagbantey te gumawan te timplu: puun te me kabuhalan ni Kura, si Misilimiyas ne anak ni Kuri ne sabeka te me anak ni Asap. 2 Si Misilimiyas due pitu ne anak ne me lukes ne iyan si Sakariyas ka kinakakayan, si Hidiyail ka igkarangeb, si Sibadiyas ka igkatelu, si Hatanail ka igkeep‑at, 3 si Ilam ka igkalimma, si Diyuhanan ka igkeen‑em, wey si Iliyunay ka igkapitu.
4 [xr]Ne due etew ne egngaranan ki Ubid-Idum ne due walu ne anak ne lukes: si Simaya ka kinakakayan, si Husabad ka igkarangeb, si Huwa ka igkatelu, si Sakar ka igkeep‑at, si Natanail ka igkalalimma, 5 si Amil ka igkeen‑em, si Isakar ka igkapitu, wey si Pulati ka igkawalu.
6 Ne si Simaya ne kinakakayan ne anak ni Ubid-Idum, due me anak ne me lukes ne iyan me pangulu te me pamilya ran su amana ma sikandan egkasalihan ne me lukes. 7 Ne ka me anak ni Simaya ne me lukes iyan si Utni, si Rapail, si Ubid, si Ilsabad wey ka me karumaan din ne si Ilihu, wey si Samakiyas ne due me katuenan ne me lukes.
8 Hen‑em ne pulu wey daruwa (62) langun ka me kabuhalan ni Ubid-Idum, lagkes ka me anak dan wey ka me karumaan dan ne amana egkasalihan te pegtrabahu.
9 Ne si Misilimiyas due me anak ne me lukes wey me karumaan ne derakel degma se me katuenan. Sapulu wey walu (18) sikandan langun.
10 Ne si Husa ne egpuun te kabuhalan ni Mirari due hep‑at ne anak ne me lukes: si Simri, ka pangulu ran minsan kene ne sikandin ka kinakakayan, 11 si Hilkiyas ka igkarangeb, si Tibaliyas ka igkatatelu, wey si Sakariyas ka igkeep‑at. Sapulu wey tatelu (13) langun ka karumaan wey me anak ne me lukes ni Husa.
12 Ne imbaad-baad te tigsenge-punduk ka me talagbantey te me gumawan te timplu sumale te pangulu te me pamilya ran, wey impamehayan sikandan te me katungdanan diye te timplu te Magbebaye ne Manama iling te me karumaan dan ne me Libita. 13 Ne migpintut-pintut ka tagse pamilya, me bate wey se me buyag e, eyew egkanengnengan dan ke hendei ne gumawan ka egbantayan dan. 14 Ne ka dapit te igsile ne gumawan iyan napintutan ne egbantayan ni Silimiyas. Ne ka gumawan ne dapit te igkahibang ne balabahan, iyan napintutan ne egbantayan te anak din ne si Sakariyas. Si Sakariyas matagseb ne talagtambag. 15 Ne ka dapit te igkakawanan ne balabahan ne gumawan ka napintutan ne egbantayan ni Ubid-Idum wey ka baley ne tahuanan ka napintutan ne egbantayan te me anak din. 16 Ne ka dapit te iglineb ne gumawan wey ka gumawan te timplu ne peendiye te dibabew ne dalan ka napintutan ne egbantayan ni Supim wey ni Husa. Egpasubsubaley sikandan ka egbebantey. 17 Te tagse aldew, hen‑em ne Libita ka egbantey diye te gumawan ne dapit te igsile, hep‑at ka diye te gumawan ne dapit te igkahibang ne balabahan, hep‑at ka diye te gumawan ne dapit te igkakawanan ne balabahan, wey tigdaruwa ka diye te tagse baley ne tinesanan. 18 Ne due hen‑em ne migbantey diye te iglineb—hep‑at ka diye te gumawan peendiye te dibabew te timplu, wey daruwa ka diye te lama. 19 Seeye ka himu te me punduk te me talagbantey te gumawan ne me kabuhalan ni Kura wey ni Mirari.
20 Ne ka duma ne Libita ka impiyalan te me baley ne tinesanan te karatuan diye te timplu te Manama wey te me kasangkapan ne inhalad e diye te Manama. 21 Ne ka pangulu si Hihil ne egpuun te me kabuhalan ni Ladan ne kabuhalan ni Girsun. 22 Ne due daruwa ne anak ni Hihil ne me lukes ne si Sitam wey si Huwil ne iyan impiyalan te me tahuanan te karatuan diye te timplu te Magbebaye ne Manama.
23 Seeye ded ne himu ka impeyimu te me kabuhalan ni Amram, ni Isar, ni Hibrun, wey ni Usil.
24 Si Sibuwil ne kabuhalan ni Girsun ne anak ni Muwisis iyan pangulu te impiyalan diye te me baley ne tinesanan te karatuan. 25 Ne ka me karumaan din ne me kabuhalan ni Ilisir iyan si Rihabiyas, si Hisayas, si Huram, si Sikri, wey si Silumit. 26 Ne si Silumit wey ka me karumaan din, iyan impiyalan te me baley ne tinesanan te me kasangkapan ne inhalad diye te Manama—ka me kasangkapan ne inhalad ni Hari Dabid wey te me pangulu te linibu wey ginatus ne me sundalu wey te duma pad ne me upisyal. 27 Inhalad dan man‑e te Manama ka duma ne me kasangkapan ne naahew ran puun te me kuntere dan eyew eggamiten te eg-ayad-ayad te timplu te Magbebaye. 28 Ne ka langun degma ne inhalad diye te Magbebaye ne Manama ni prupita Samwil, ni Saul ne anak ni Kis, ni Abnir ne anak ni Nir, wey ni Huwab ne anak ni Siruya, wey ka duma pad ne me kasangkapan ne nakahalad e, impiyal red man‑e ki Silumit wey te me karumaan din.
29 Puun te me kabuhalan ni Ishar, si Kininiyas wey ka anak din ne me lukes ka impiyalan te katungdanan diye te lihawangan te timplu isip me upisyal wey me talaggukum te intiru ne Israil.
30 Puun te me kabuhalan ni Hibrun, si Hasabiyas wey ka sabeka ne libu wey pitu ne gatus (1,700) ne me karumaan din ne derakel degma se me katuenan, ka impiyalan ne egpangulu te tane ne diye te Weyig ne Hurdan, dapit te iglineb. Sikandan ka eggimu te me himu para te Magbebaye ne Manama wey te Hari. 31 Si Hiriyas ka pangulu te me pamilya ni Hibrun sumale te listaan te me kabuhalan. Su te igkeep‑at ne pulu (40) ne leg‑un te peghari ni Dabid, impasusi rin ka me listaan te me pamilya, wey nanengnengan dan ne duen bes me kabuhalan ni Hibrun diye te Hasir ne sakup te Gilyad, ne derakel degma se me katuenan. 32 Ne due daruwa ne libu wey pitu ne gatus (2,700) ne me karumaan ni Hiriyas ne derakel degma se me katuenan, wey me pangulu te me pamilya. Ne impamehayan sikandan ni Hari Dabid te me katenged te pegpangulu te me kabuhalan ni Rubin, ni Gad, wey te katenge te kabuhalan ni Husi ne iyan ka me kabuhalan ni Manasis eyew iyan eggimu te me himu te pegpamakey te Manama wey te Hari.
27 1 Seini ka me listaan te me pangulu, te me kumandir te linibu wey te ginatus ne me sundalu, wey te me upisyal te me matig-Israil ne migpamakey te Hari isip me pangulu te me punduk. Te tagse bulan te intiru ne leg‑un, due sabeka ne punduk te me sundalu ne egpamakey. Ka tagse punduk due daruwa ne pulu wey hep‑at ne libu (24,000) ne sundalu.
2 Te an-anayan ne bulan, si Hasubim ne anak ni Sabdiil ka migpangulu te an-anayan ne punduk. Ne due daruwa ne pulu wey hep‑at ne libu (24,000) ne sundalu te punduk din. 3 Kabuhalan sikandin ni Piris wey sikandin ka migpangulu te langun ne kumandir te me sundalu te an-anayan ne bulan.
4 Te igkarangeb ne bulan, si Duday ne kabuhalan ni Ahuwa ka migpangulu te igkarangeb ne punduk. Ne si Miklut ka labew ne upisyal rin. Ne duen ded man‑e daruwa ne pulu wey hep‑at ne libu (24,000) ne sundalu te punduk din.
5 Te igkatatelu ne bulan, si Binayas ne anak ni Hihuyada ne talagpanubad ka migpangulu te igkatelu ne punduk. Ne duen ded man‑e daruwa ne pulu wey hep‑at ne libu (24,000) ne sundalu te punduk din. 6 Seini ne Binayas ka migpangulu te punduk te me bahani ni Dabid ne neilaan te gennal ne Tatelu ne Pulu. Ne ka anak din ne si Amisabad iyan labew ne upisyal rin.
7 Te igkeep‑at ne bulan, si Asahil ne suled ni Huwab ka migpangulu te igkeep‑at ne punduk. Ne ka anak din si Sibadiyas ka nakasubal kandin. Ne duen ded man‑e daruwa ne pulu wey hep‑at ne libu (24,000) ne sundalu te punduk din.
8 Te igkalalimma ne bulan, si Samhut ne kabuhalan ni Isra ka migpangulu te igkalalimma ne punduk. Ne duen ded man‑e daruwa ne pulu wey hep‑at ne libu (24,000) ne sundalu te punduk din.
9 Te igkeen‑em ne bulan, si Ira ne anak ni Ikis ne matig-Tikuwa ka migpangulu te igkeen‑em ne punduk. Ne duen ded man‑e daruwa ne pulu wey hep‑at ne libu (24,000) ne sundalu te punduk din.
10 Te igkapitu ne bulan, si Hilis ne kabuhalan ni Pilun ne kabuhalan ni Ipraim ka migpangulu te igkapitu ne punduk. Ne duen ded man‑e daruwa ne pulu wey hep‑at ne libu (24,000) ne sundalu te punduk din.
11 Te igkawalu ne bulan, si Sibikay ne kabuhalan ni Husa ne kabuhalan ni Sira ka migpangulu te igkawalu ne punduk. Ne duen ded man‑e daruwa ne pulu wey hep‑at ne libu (24,000) ne sundalu te punduk din.
12 Te igkasiyam ne bulan, si Abisir ne matig-Anatut ne kabuhalan ni Binhamin ka migpangulu. Ne duen ded man‑e daruwa ne pulu wey hep‑at ne libu (24,000) ne sundalu te punduk din.
13 Te igkasapulu ne bulan, si Maharay ne matig-Nitupa ne kabuhalan ni Sira ka migpangulu te igkasapulu ne punduk. Ne duen ded man‑e daruwa ne pulu wey hep‑at ne libu (24,000) ne sundalu te punduk din.
14 Te igkasapulu wey sabeka (11) ne bulan, si Binayas ne matig-Paratun ne kabuhalan ni Ipraim ka migpangulu te igkasapulu wey sabeka (11) ne punduk. Ne duen ded man‑e daruwa ne pulu wey hep‑at ne libu (24,000) ne sundalu te punduk din.
15 Te igkasapulu wey daruwa (12) ne bulan, si Hilday ne matig-Nitupa ne kabuhalan ni Utnil ka migpangulu te igkasapulu wey daruwa (12) ne punduk. Ne duen ded man‑e daruwa ne pulu wey hep‑at ne libu (24,000) ne sundalu te punduk din.
16 Seini ka me pangulu te me kabuhalan ni Israil:
Si Ilisir ne anak ni Sikri ka pangulu te kabuhalan ni Rubin.
Ne si Sipatiyas ne anak ni Maaka ka pangulu te kabuhalan ni Simyun.
17 Ne si Hasabiyas ne anak ni Kimuil ka pangulu te kabuhalan ni Libi.
Ne si Saduk ka pangulu te kabuhalan ni Aarun.
18 Ne si Ilihu ne sabeka te me suled ni Dabid ka pangulu te kabuhalan ni Huda.
Ne si Umri ne anak ni Maykil ka pangulu te kabuhalan ni Isakar.
19 Ne si Ismayas ne anak ni Ubadiya ka pangulu te kabuhalan ni Sabulun.
Ne si Hirimut ne anak ni Asril ka pangulu te kabuhalan ni Naptali.
20 Ne si Husiya ne anak ni Asasiyas ka pangulu te kabuhalan ni Ipraim.
Ne si Huwil ne anak ni Pidayas ka pangulu te katenge te kabuhalan ni Husi ne iyan ka me kabuhalan ni Manasis.
21 Ne si Idu ne anak ni Sakariyas ka pangulu te katenge te kabuhalan ni Husi ne iyan ka me kabuhalan ni Manasis diye te Gilyad.
Ne si Hasil ne anak ni Abnir ka pangulu te kabuhalan ni Binhamin.
22 Ne si Asaril ne anak ni Hiruham ka pangulu te kabuhalan ni Dan.
Sikandan ka me pangulu te me kabuhalan ni Israil.
23 [xr]Te pegsinsus ni Dabid te me matig-Israil, masulug ka me etew tenged su migsaad ma ka Magbebaye ne Manama ne egpamasuluhen din iling te me bituen ka me matig-Israil. Purisu iyan de impasinsus ni Dabid ka migdaruwa ne pulu (20) se idad wey subla. 24 [xr]Si Huwab ne anak ni Siruya ka migbunsud migpaninsus piru ware din neimpusi su nabelu ma ka Magbebaye ne Manama te pegpaninsus din. Purisu ware nasulat diye te Sulatanan te me Guhuren ni Hari Dabid ka langun ne kasuluhan te me matig-Israil.
25 Ne si Asmabit ne anak ni Adiil iyan impiyalan ne egbantey te tahuanan te karatuan te Hari. Ne si Diyunatan ne anak ni Usiyas iyan impiyalan te me tahuanan te karatuan diye te me distritu, te me lungsud, te me bariyu, wey te me matikang ne baley. 26 Ne si Isri ne anak ni Kilub iyan impiyalan ne egbebantey te me talagbasuk diye te kamet te Hari. 27 Ne si Simii ne matig-Rama iyan impiyalan ne egbantey te parasan; ne si Sabdi iyan impiyalan te tahuanan te binu. 28 Ne si Baal-Hanan ne matig-Gidir iyan impiyalan ne egbantey te me kayu ne ulibu wey sikumuru diye te lenlen te me bubungan te Huda.[fn] Ne si Huwas iyan impiyalan te tahuanan te mentika te ulibu. 29 Ne si Sitray ne matig-Sarun iyan impiyalan ne egbantey te me ayam diye te panabtaban te Siyarun. Ne si Sapat ne anak ni Adlay iyan impiyalan ne egbantey te me ayam diye te me napu. 30 Ne si Ubil ne Ismailita iyan impiyalan ne egbantey te me kamil. Ne si Hidayas ne matig-Mirunut iyan impiyalan ne egbantey te me asnu. Ne si Hasis ne kabuhalan ni Hagar iyan impiyalan ne egbantey te me karniru. 31 Sikandan langun ka impiyalan ne egbantey te me karatuan ni Hari Dabid.
32 Ka talagtambag ni Hari Dabid iyan ka anggam din ne si Diyunatan. Matagseb si Diyunatan wey sabeka ne sikritari. Ne iyan degma talagpanulu te me anak te Hari si Hihil ne anak ni Hakmuni. 33 Ne si Ahitupil pad man‑e ka lein ne talagtambag ni Hari Dabid, wey si Husay ne matig-Arak ne amana rin ne alukuy. 34 Te migpatey e si Ahitupil, si Huyada ne anak ni Binayas ka nakasubal kandin duma ki Abiyatar. Ne si Huwab ka kumandir te me sundalu te Hari.
28 1 Ne impalibulung ni Dabid diye te Hirusalim ka me pangulu te me matig-Israil—me pangulu te me tribu, me upisyal te me punduk ne migpamakey te Hari, me pangulu te linibu wey ginatus ne me sundalu, me piniyalan te me karatuan, me piniyalan te me ayam te Hari wey te me anak din, me upisyal diye te palasyu, me bahani, wey ka mabbulut ne me sundalu.
2 [xr]Ne migsasindeg si Hari Dabid wey migkahi, “Pammineg kew keddi me suled wey keet-etawan ku. Amana a perem egkeupian ne egpasasindeg te timplu eyew diye igtahu ka Tahuanan te Kasabutan te Magbebaye ne Manama ta eyew due egkeyimelayan din.[fn] In-andam kud e perem ka langun ne egkeilanganen para te pegpasasindeg kayi. 3 Piru ingkahiyan a te Manama, ‘Kene ne sikeykew ka egpasasindeg te timplu para keddi, su sundalu ka nahud wey nakapatey ka te masulug ne etew.’
4 “Piru minsan pad due, in-alam a te Magbebaye ne Manama te Israil, puun te intiru ne pamilya ku eyew egkeyimu ne Hari te Israil te ware egtamanan. In-alam din ka kabuhalan ni Huda isip pangulu te me kabuhalan wey puun te sika ne kabuhalan, in-alam din ka pamilya ku, ne puun te pamilya ku, igkeupii rin ka peg-alam din keddi isip Hari te intiru ne Israil. 5 Ne impamehayan a te Magbebaye ne Manama te masulug ne anak ne me lukes, wey puun kandan, in-alam din si Sulumun eyew iyan eghari te Migharian te Manama ne iyan ka Israil.
6 “Ne ingkahiyan a te Magbebaye ne Manama, ‘Ka anak nu ne si Sulumun ka egpasasindeg te timplu para keddi wey te lama kayi, su in-alam ku sikandin ne egkeyimu ne anak ku, wey egkeyimu a ne amey rin. 7 Ne emun ke egpabulus sikandin eg-ikul te me balaud ku wey me suhu ku iling te inggimu rin kuntee, egpaharien ku degma ka me kabuhalan din te ware egtamanan.’
8 “Ne kuntee, te tangkaan te langun ne me matig-Israil ne keet-etawan te Magbebaye ne Manama, wey duma te Manama ne talagpamalehet ta, egsuhuen ku sikaniyu ne keilangan ne egtumanen niyu ka langun ne suhu te Magbebaye ne Manama niyu. Ne emun ke egtumanen niyu seini, egkaangken niyu seini se meupiya ne tane, wey isip karatuan ne inggaat ne egkapanunud te me kabuhalan niyu te ware egtamanan.
9 “Ne sikeykew, Sulumun ne anak ku, ilaa nu ka Manama ku wey pamakaya nu sikandin te intiru ne pusung nu wey te suman-suman nu, su egpakanengneng ka Magbebaye ne Manama te me planu ta wey te me suman-suman ta. Ke egpamitew ka kandin, egpakita sikandin keykew. Piru ke eg-inniyug ka kandin, eg-inniyuhan ka degma nikandin te ware egtamanan. 10 Ne sumsumana nu ne in-alam ka te Magbebaye ne Manama eyew egpasasindeg te timplu ne egsimbaan kandin. Pakannekal ka wey himuwa nu seini.”
11 Ne imbehey ni Dabid ki Sulumun ka langun ne egpeilingan te pegpasasindeg te timplu, te likansu kayi, me sinabeng ne tinesanan te karatuan, me sinabeng diye te dibabew, me sinabeng ne diye te seled, wey te Subla ne Matulus ne Sinabeng ne egpasayluwan te me sale te me etew. 12 Impanulu man‑e ni Dabid ki Sulumun ka implanu rin te lama te timplu te Manama, te langun ne sinabeng ne nakalingut te timplu, te me sinabeng ne tinesanan te karatuan, wey te me sinabeng ne tinesanan te me matulus ne kasangkapan. 13 Impanulu din man‑e ki Sulumun ka pegpunduk te me talagpanubad wey te me Libita wey te langun ne me himu ran te pegpamakey diye te timplu te Magbebaye ne Manama, wey te langun ne me kasangkapan ne eggamiten te egpamakey diye te timplu te Manama. 14 Impanulu din man‑e ki Sulumun ke pila ne kilu ka pelata wey ka bulawan ne eggimuwen ne kasangkapan ne eggamiten para te nalein-lein ne tulumanen te pegpamakey. 15 Impanulu din si Sulumun ke pila ne kilu ne bulawan ka eggimuwen ne me sulu wey tahuanan kayi, me pelata ne me sulu wey me tahuanan kayi, 16 bulawan ne lamisa ne eg-unturan te paan ne ighalad diye te Manama, pelata ne me lamisa, 17 derakel ne me tinidur ne bulawan, bulawan ne me yahung wey me pitsil, bulawan wey pelata ne me palatu, 18 wey bulawan ne altar ne egtutungan te insinsu. Impanulu man‑e ni Dabid ki Sulumun ke pila ne kilu ne bulawan ka eggamiten te peggimu te bulawan ne kirubin[fn] ne nabekad ka me pakpak diye te ampew te Tahuanan te Kasabutan te Magbebaye. 19 Migkahi si Hari Dabid, “Ka seini ne planu nasulat duma te pegpanulu te Magbebaye ne Manama, wey impasabut din keddi seini.” 20 Migpabulus si Dabid ka migpanulu te anak din ne si Sulumun, “Bagget-bagget ka wey pakannekal ka. Himuwa nu seini ne himu. Kene ka kaaldek wey ke egpaawe naa te kabagget, su egdumaan ka te Magbebaye ne Manama ku. Kene ka nikandin eg-engkeran wey ke egbalaharen naa taman te egkeimpusan nud ka langun ne himu te timplu te Magbebaye ne Manama. 21 Naandam e ka punduk te me talagpanubad wey te me Libita ne eggimu te langun ne himu te timplu te Manama. Ne egbulig keykew ka me trabahanti ne due me katuenan te minsan nekey ne himu. Ne ka keet-etawan wey ka me pangulu ran, andam ne egtuman te igsuhu nu.”
29 1 [xr]Ne migkahiyan ni Hari Dabid ka langun ne nalibulung ne keet-etawan, “Si Sulumun ne anak ku ne in-alam te Manama, bate pad wey ware pad kalintahaan. Dakel ka himu su kene ne timplu re te etew, ke kene, timplu te Magbebaye ne Manama. 2 Purisu inggimu ku ka langun ne egkeyimu ku te pegpangandam te me kasangkapan ne eggamiten te peggimu te timplu te Manama ku—me bulawan, me pelata, me burunsi, me putew, me kayu, me batu ne egngaranan te uniks, imirald, me batu ne nalein-lein se me batek, wey me mateles amana ne me pahang. 3 Ne tenged te dakel ne geyinawa ku te timplu te Manama, egbehey a te keddi mismu ne bulawan wey pelata para te peggimu kayi, timul seini te langun ne nalimud ku para te matulus ne timplu. 4 Egbehey a te sabeka ne gatus ne libu (100,000) ne kilu ne bulawan ne egpuun te Upir, wey 240,000 ne kilu ne pelata. Eggamiten seini ne igbulit te me alabat te timplu, 5 wey para te langun ne me kasangkapan ne eggimuwen te me trabahanti. Ne kuntee, hentew kaniyu ka egkeupian ne egbehey te Magbebaye ne Manama?”
6 Purisu migdasag ka me pangulu te pamilya, me pangulu te tribu, me kumandir te linibu wey ginatus ne me sundalu, wey ka me upisyal ne impiyalan te me karatuan te Hari. 7 Ne ka imbehey ran para te timplu te Manama, migginguma te 175,000 ne kilu ne bulawan, 350,000 ne kilu ne pelata, 630,000 ne kilu ne burunsi, wey 3,400,000 ne kilu ne putew. 8 Ne migbehey degma seeye se due me mahal ne batu, wey intines seini diye te tinesanan te karatuan te timplu te Magbebaye ne Manama ne impiyal ki Hihil ne kabuhalan ni Girsun. 9 Nahale-gale ka keet-etawan su migbehey ma sikandan te Magbebaye ne Manama ne egpuun te pusung dan. Ne nahale-gale degma si Hari Dabid.
10 Indayan ni Dabid ka Magbebaye ne Manama diye te tangkaan te keet-etawan ne miglibulung. Migkahi sikandin, “He Magbebaye ne Manama, Manama te kabuybuyahan ney ne si Hakub,[fn] egdayanen ka te ware egtamanan. 11 [xr]He Magbebaye ne Manama, keykew ka kabantug, ka geem, ka katelesan, ka kapanaluwan, wey ka pegkatalahuren, su keykew ma ka langun ne diye te langit wey kayi te kalibutan. He Magbebaye ne Manama, keykew ka migharian wey labew ka te langun. 12 Migpuun keykew ka karatuan wey ka kabantug, wey sikeykew ka migmandu te minsan nekey. Due te keykew ka geem wey ka karesen, wey egpakabehey ka te kabantug wey keseg te minsan hentew. 13 Ne kuntee, egpasalamat key keykew, he Manama ney, wey egdayanen ney ka mabantug ne ngaran nu.
14 “Piru mania te keilangan ne egkahale key te pegbehey ney keykew te seini ne me dasag, te sikeykew ma ka kamuney kayi, wey iglibed ney re keykew ka tapey e ne keykew. 15 Nakanengneng ka, he Magbebaye ne Manama, ne me mahaliyug key re te seini ne tane iling te me kabuybuyahan ney. Ne ka umul ney, egpekeiling te alung ne mahaan de egkaawe. 16 He Magbebaye ne Manama ney, migpuun keykew seini se masulug ne kasangkapan ne in-andam ney eyew egkahamit te pegpasasindeg te timplu ne para te matulus ne ngaran nu. Keykew seini se langun! 17 He Manama ku, nakanengneng a ne eg-ug-ugsiyen nu ka me pusung ney wey egkahale ka ke egkakita nu ne matareng seini. Sikan naa ka matinumanen wey mabagget-bagget a ne migbehey te seini langun. Ne minsan ka keet-etawan nu degma ne kayi kuntee, nakita ku ne me mabagget-bagget degma sikandan ne migbehey keykew. 18 He Magbebaye ne Manama, ka Manama te kabuybuyahan ney ne si Abraham, si Isaak, wey ni Hakub, himuwa nu ne egkeupian layun ne egtuman keykew ka keet-etawan nu. Ne panulua nu sikandan te eggeyinawa layun keykew. 19 Ne behayi nu degma ka anak ku ne si Sulumun te kabagget te pegtuman te me suhu nu, me paney-paney nu, wey me balaud nu, wey te pegpasasindeg te timplu ne impangandaman ku.”
20 Ne ingkahiyan ni Dabid ka langun ne keet-etawan ne miglibulung diye, “Dayana niyu ka Magbebaye ne Manama niyu.” Purisu indayan dan ka Magbebaye ne Manama, ka Manama te me kabuybuyahan dan. Migpanimbuel wey mig-usengul sikandan diye te tangkaan te Magbebaye ne Manama, wey te Hari.
21 Te seup ne aldew, migpanubad sikandan diye te Magbebaye ne Manama te egtutungen ne igpanubad: sabeka ne libu (1,000) ne turu ne baka, sabeka ne libu (1,000) ne lukesan ne karniru, wey sabeka ne libu (1,000) ne nati te karniru. Mighalad man‑e sikandan te inumen wey duma pad ne susuluhi ne me halad ne para te langun ne matig-Israil. 22 Ne nangekeen sikandan wey nangiinum ne miggale-gale diye te tangkaan te Magbebaye ne Manama. Ne in-ila ran man‑e ne Hari ka anak ni Dabid ne si Sulumun wey in-itisan dan sikandin te lana diye te tangkaan te Magbebaye ne Manama isip Hari. Ne in-itisan dan degma si Saduk isip talagpanubad. 23 [xr]Ne migpinnuu e si Sulumun te trunu te Magbebaye ne Manama isip Hari ne egsubal te amey rin ne si Dabid. Miglampus si Sulumun, wey migtuman kandin ka intiru ne keet-etawan te Israil. 24 Ne ka langun ne pangulu, ka me inila ne me etew, bahani, wey ka me anak ni Dabid, migsaad ne eglapig ki Hari Sulumun. 25 Ne impabantug te Magbebaye ne Manama si Sulumun te intiru ne Israil. Imbehayan din sikandin te kabantug ne labew pad du te an-anayan ne me Hari te Israil.
26 Si Dabid ne anak ni Hisi mighari te intiru ne Israil, 27 [xr]te hep‑at ne pulu (40) ne leg‑un. Mighari sikandin diye te Hibrun te pitu ne leg‑un, wey tatelu ne pulu wey tatelu (33) diye te Hirusalim. 28 Neuyag sikandin te malayat ne timpu, wey nakaangken te dakel ne karatuan wey kabantug. Ne migpatey sikandin ne buyag e amana wey migsubal kandin mighari si Sulumun ne anak din. 29 Ka guhuren meyitenged te peghari ni Dabid, puun te an-anayan taman te katammanan, nasulat diye te Sulatanan te me Guhuren ni prupita Samwil, ni prupita Natan, wey ni prupita Gad. 30 Nenasulat te sika ne libru ka guhuren meyitenged te peghari ni Dabid, ka kabantug din, wey ka langun-langun ne neyitabu kandin wey te Israil, wey te langun ne migharian ne nakalingut.
1:8 Te Hibruwanen: Misraim. Ka Misraim, Hibruwanen ne ngaran te Ihiptu.
1:19 Te Hibruwanen: “baad” ka kaluwasan te lalag ne “Pilig.”
1:19 Ka “keet-etawan”, ware diye te migpuunan.
1:38 Ka me kabuhalan ni Siir, ka an-anayan ne nangugpe te inged ne Idum.
2:9 Te Hibruwanen: Kilubay.
4:9 Te Hibruwanen: iyan igpasabut te “Habis” ka “masakit.”
6:57 Ka “siyudad ne aputanan”, eg-aputan te minsan hentew ne egpakapatey ne ware tuyui eyew kene egkabalesan sikandin te me karumaan te neyimatayan din.
7:23 Te Hibruwanen: ka Biriyas ne ngaran iyan igpasabut ka “tenged te karereetan.”
7:29 “Israil” ka lein ne ngaran ni “Hakub”.
7:35 “Hilim” ka inggamit ne ngaran diye te Hibruwanen wey te duma ne Bibliya.
8:12 Te Hibruwanen: me anak ne malitan.
10:4 Te Hibruwanen: ware natulii.
10:12 Tul‑an naan de enni Saul wey te me anak din ne me lukes ka nakalebeng su insilaban ma ka lawa ran te matig-Gilyad.
11:2 Te Hibruwanen: talagtanggu te me karniru.
11:5-6 Te Hibruwanen: Siyun. Sabeka seini te me ngaran te Hirusalim.
11:8 Te Hibruwanen: Milu.
12:40 Sabeka seini ne ayam ne anak te lukes ne asnu wey beyan ne kudde.
13:6 Ka kirubin, sabeka ne klasi te panalihan ne egpekeiling te mananap ne due pakpak wey belad.
13:11 Te Hibruwanen: “Pegdereet ki Usa” ka igpasabut te lalag ne “Piris-Usa”.
14:11 Ka ngaran ne Baal-Pirasim, iyan igpasabut te Hibruwanen se “Magbebaye ne Manama te pegkabusi-si”.
15:27 Ka ipud iyan ka kumbale ne egpekeiling te sening ne igpagket te Labew ne Talagpanubad diye te kumeng din ke egseled sikandin diye te balungbalung. Due hiket te ipud ne igsampey diye te pamanayen wey igbanggut diye te kumbale te liwaraan te talagpanubad.
17:2 Te Hibruwanen: pusung.
20:2 Ka lein ne igpasabut te lalag ne “diyus-diyus te me Amunihanen” iyan se “Hari te me Amunihanen.”
21:16 Iyan igpasabut kayi ka meitem wey egdehes ne manggad ne inggimu puun te bulbul te kambing ne igsaluub te timpu te peglungku wey ke eg-inniyug naa te sale.
22:9 Ka ngaran ne “Sulumun” migpuun te Hibruwanen ne lalag ne “Siyalum” ne iyan igpasabut se “keupianan wey kalinaw.”
27:28 Te Hibruwanen: Sipila.
28:2 Te Hibruwanen: peunturan te paa rin.
28:18 Ka kirubin, larawan te panalihan ne inggimu re te etew, wey egpekeiling seini te mananap ne due pakpak.
29:10 Te Hibruwanen: iyan inggamit ka “Israil” ne iyan ikarangeb ne ngaran ni Hakub.
2:7 Huswi 7:1.
3:4 2Sam 5:4-5; 1Har 2:11; 1Kru 29:27.
3:5 2Sam 11:3.
4:28-33 Huswi 19:2-8.
5:1 Hin 35:22; 49:3-4; Hin 49:8-10.
5:6 2Har 15:29.
c 2Har 15:19; 2Har 15:29; 2Har 17:6.
6:16-19 Iks 6:16-19.
9:2-3 Isra 2:27; Nih 7:73.
b 1Sam 13:8-14; 15:1-24; Lib 19:31; 20:6; 1Sam 28:7-8.
11:4 Huswi 15:63; Tal 1:21.
13:5 1Sam 7:1-2.
13:6 Iks 25:22.
13:14 1Kru 26:4-5.
15:2 Diy 10:8.
15:15 Iks 25:14.
b Hin 12:7; Hin 26:3.
16:17-18 Hin 28:13.
16:21-22 Hin 20:3-7.
16:34 2Kru 5:13; 7:3; Isra 3:11; Sal 100:5; 106:1; 107:1; 118:1; 136:1; Hir 33:11.
16:43 2Sam 6:19-20.
17:13 2Kur 6:18; Hib 1:5.
18:8 1Har 7:40-47; 2Kru 4:11-18.
18:12 Sal 60 Uluwan.
20:1 2Sam 11:1.
20:5 1Sam 17:4-7.
22:7-10 2Sam 7:1-16; 1Kru 17:1-14.
22:13 Huswi 1:6-9.
23:1 1Har 1:1-40.
23:13 Iks 28:1.
23:26 Diy 10:8.
23:28-32 Num 3:5-9.
24:2 Lib 10:1-2.
26:4-5 2Sam 6:11; 1Kru 13:14.
27:23 Hin 15:5; 22:17; 26:4.
27:24 2Sam 24:15; 1Kru 21:1-14.
28:2-7 2Sam 7:1-16; 1Kru 17:1-14.
29:1-2 1Kru 22:5.
29:11 Mat 6:13.
29:23 1Har 2:12.
29:27 2Sam 5:4-5; 1Kru 3:4.