UHB GEN EXO LEV NUM DEU JOS JDG RUTH 1 SAM 2 SAM 1 KI 2 KI 1 CHR 2 CHR EZRA NEH EST JOB PSA PROV ECC SNG ISA JER LAM EZE DAN HOS JOEL AMOS OBA JNA MIC NAH HAB ZEP HAG ZEC MAL

HOS C1 C2 C4 C5 C6 C7 C8 C9 C10 C11 C12 C13 C14

UHB HOS Chapter 3

◄ HOS 3 ► ║ ═ ©

3 וַ⁠יֹּ֨אמֶר יְהוָ֜ה אֵלַ֗⁠י ע֚וֹד לֵ֣ךְ אֱֽהַב־אִשָּׁ֔ה אֲהֻ֥בַת רֵ֖עַ וּ⁠מְנָאָ֑פֶת כְּ⁠אַהֲבַ֤ת יְהוָה֙ אֶת־בְּנֵ֣י יִשְׂרָאֵ֔ל וְ⁠הֵ֗ם פֹּנִים֙ אֶל־אֱלֹהִ֣ים אֲחֵרִ֔ים וְ⁠אֹהֲבֵ֖י אֲשִׁישֵׁ֥י עֲנָבִֽים׃ 2 וָ⁠אֶכְּרֶ֣⁠הָ לִּ֔⁠י בַּ⁠חֲמִשָּׁ֥ה עָשָׂ֖ר כָּ֑סֶף וְ⁠חֹ֥מֶר שְׂעֹרִ֖ים וְ⁠לֵ֥תֶךְ שְׂעֹרִֽים׃ 3 וָ⁠אֹמַ֣ר אֵלֶ֗י⁠הָ יָמִ֤ים רַבִּים֙ תֵּ֣שְׁבִי לִ֔⁠י לֹ֣א תִזְנִ֔י וְ⁠לֹ֥א תִֽהְיִ֖י לְ⁠אִ֑ישׁ וְ⁠גַם־אֲנִ֖י אֵלָֽיִ⁠ךְ׃ 4 כִּ֣י ׀ יָמִ֣ים רַבִּ֗ים יֵֽשְׁבוּ֙ בְּנֵ֣י יִשְׂרָאֵ֔ל אֵ֥ין מֶ֨לֶךְ֙ וְ⁠אֵ֣ין שָׂ֔ר וְ⁠אֵ֥ין זֶ֖בַח וְ⁠אֵ֣ין מַצֵּבָ֑ה וְ⁠אֵ֥ין אֵפ֖וֹד וּ⁠תְרָפִֽים׃ 5 אַחַ֗ר יָשֻׁ֨בוּ֙ בְּנֵ֣י יִשְׂרָאֵ֔ל וּ⁠בִקְשׁוּ֙ אֶת־יְהוָ֣ה אֱלֹהֵי⁠הֶ֔ם וְ⁠אֵ֖ת דָּוִ֣ד מַלְכָּ֑⁠ם וּ⁠פָחֲד֧וּ אֶל־יְהוָ֛ה וְ⁠אֶל־טוּב֖⁠וֹ בְּ⁠אַחֲרִ֥ית הַ⁠יָּמִֽים׃פ

◄ HOS 3 ► ║ ═ ©

HOS C1 C2 C4 C5 C6 C7 C8 C9 C10 C11 C12 C13 C14