UHB PSA Chapter 56

◄ PSA 56 ► ║ ═ ©

56 1 לַ⁠מְנַצֵּ֤חַ ׀ עַל־י֬וֹנַת אֵ֣לֶם רְ֭חֹקִים לְ⁠דָוִ֣ד מִכְתָּ֑ם בֶּֽ⁠אֱחֹ֨ז אֹת֖⁠וֹ פְלִשְׁתִּ֣ים בְּ⁠גַֽת׃

1 2 חָנֵּ֣⁠נִי אֱ֭לֹהִים כִּֽי־שְׁאָפַ֣⁠נִי אֱנ֑וֹשׁ כָּל־הַ֝⁠יּ֗וֹם לֹחֵ֥ם יִלְחָצֵֽ⁠נִי׃ 2 3 שָׁאֲפ֣וּ שׁ֭וֹרְרַ⁠י כָּל־הַ⁠יּ֑וֹם כִּֽי־רַבִּ֨ים לֹחֲמִ֖ים לִ֣⁠י מָרֽוֹם׃ 3 4 י֥וֹם אִירָ֑א אֲ֝נִ֗י אֵלֶ֥י⁠ךָ אֶבְטָֽח׃ 4 5 בֵּ⁠אלֹהִים֮ אֲהַלֵּ֪ל דְּבָ֫ר֥⁠וֹ בֵּ⁠אלֹהִ֣ים בָּ֭טַחְתִּי לֹ֣א אִירָ֑א מַה־יַּעֲשֶׂ֖ה בָשָׂ֣ר לִֽ⁠י׃ 5 6 כָּל־הַ֭⁠יּוֹם דְּבָרַ֣⁠י יְעַצֵּ֑בוּ עָלַ֖⁠י כָּל־מַחְשְׁבֹתָ֣⁠ם לָ⁠רָֽע׃ 6 7 יָג֤וּרוּ ׀ יִצְפּ֗וֹנוּ [fn] הֵ֭מָּה עֲקֵבַ֣⁠י יִשְׁמֹ֑רוּ כַּ֝⁠אֲשֶׁ֗ר קִוּ֥וּ נַפְשִֽׁ⁠י׃ 7 8 עַל־אָ֥וֶן פַּלֶּט־לָ֑⁠מוֹ בְּ֝⁠אַ֗ף עַמִּ֤ים ׀ הוֹרֵ֬ד אֱלֹהִֽים׃ 8 9 נֹדִ⁠י֮ סָפַ֪רְתָּ֫ה אָ֥תָּה שִׂ֣ימָ⁠ה דִמְעָתִ֣⁠י בְ⁠נֹאדֶ֑⁠ךָ הֲ֝⁠לֹ֗א בְּ⁠סִפְרָתֶֽ⁠ךָ׃ 9 10 אָ֥֨ז יָ֘שׁ֤וּבוּ אוֹיְבַ֣⁠י אָ֭חוֹר בְּ⁠י֣וֹם אֶקְרָ֑א זֶה־יָ֝דַ֗עְתִּי כִּֽי־אֱלֹהִ֥ים לִֽ⁠י׃ 10 11 בֵּֽ֭⁠אלֹהִים אֲהַלֵּ֣ל דָּבָ֑ר בַּ֝⁠יהוָ֗ה אֲהַלֵּ֥ל דָּבָֽר׃ 11 12 בֵּֽ⁠אלֹהִ֣ים בָּ֭טַחְתִּי לֹ֣א אִירָ֑א מַה־יַּעֲשֶׂ֖ה אָדָ֣ם לִֽ⁠י׃ 12 13 עָלַ֣⁠י אֱלֹהִ֣ים נְדָרֶ֑י⁠ךָ אֲשַׁלֵּ֖ם תּוֹדֹ֣ת לָֽ⁠ךְ׃ 13 14 כִּ֤י הִצַּ֪לְתָּ נַפְשִׁ֡⁠י מִ⁠מָּוֶת֮ הֲ⁠לֹ֥א רַגְלַ֗⁠י מִ֫⁠דֶּ֥חִי לְ֭⁠הִֽתְהַלֵּךְ לִ⁠פְנֵ֣י אֱלֹהִ֑ים בְּ֝⁠א֗וֹר הַֽ⁠חַיִּֽים׃

K יצפינו