UHB PSA Chapter 48

◄ PSA 48 ► ║ ═ ©

48 1 שִׁ֥יר מִ֝זְמוֹר לִ⁠בְנֵי־קֹֽרַח׃

1 2 גָּ֘ד֤וֹל יְהוָ֣ה וּ⁠מְהֻלָּ֣ל מְאֹ֑ד בְּ⁠עִ֥יר אֱ֝לֹהֵ֗י⁠נוּ הַר־קָדְשֽׁ⁠וֹ׃ 2 3 יְפֵ֥ה נוֹף֮ מְשׂ֪וֹשׂ כָּל־הָ֫⁠אָ֥רֶץ הַר־צִ֭יּוֹן יַרְכְּתֵ֣י צָפ֑וֹן קִ֝רְיַ֗ת מֶ֣לֶךְ רָֽב׃ 3 4 אֱלֹהִ֥ים בְּ⁠אַרְמְנוֹתֶ֗י⁠הָ נוֹדַ֥ע לְ⁠מִשְׂגָּֽב׃ 4 5 כִּֽי־הִנֵּ֣ה הַ֭⁠מְּלָכִים נֽוֹעֲד֑וּ עָבְר֥וּ יַחְדָּֽו׃ 5 6 הֵ֣מָּה רָ֭אוּ כֵּ֣ן תָּמָ֑הוּ נִבְהֲל֥וּ נֶחְפָּֽזוּ׃ 6 7 רְ֭עָדָה אֲחָזָ֣תַ⁠ם שָׁ֑ם חִ֝֗יל כַּ⁠יּוֹלֵֽדָה׃ 7 8 בְּ⁠ר֥וּחַ קָדִ֑ים תְּ֝שַׁבֵּ֗ר אֳנִיּ֥וֹת תַּרְשִֽׁישׁ׃ 8 9 כַּ⁠אֲשֶׁ֤ר שָׁמַ֨עְנוּ ׀ כֵּ֤ן רָאִ֗ינוּ בְּ⁠עִיר־יְהוָ֣ה צְ֭בָאוֹת בְּ⁠עִ֣יר אֱלֹהֵ֑י⁠נוּ אֱלֹ֘הִ֤ים יְכוֹנְנֶ֖⁠הָ עַד־עוֹלָ֣ם סֶֽלָה׃ 9 10 דִּמִּ֣ינוּ אֱלֹהִ֣ים חַסְדֶּ֑⁠ךָ בְּ֝⁠קֶ֗רֶב הֵיכָלֶֽ⁠ךָ׃ 10 11 כְּ⁠שִׁמְ⁠ךָ֤ אֱלֹהִ֗ים כֵּ֣ן תְּ֭הִלָּתְ⁠ךָ עַל־קַצְוֵי־אֶ֑רֶץ צֶ֝֗דֶק מָלְאָ֥ה יְמִינֶֽ⁠ךָ׃ 11 12 יִשְׂמַ֤ח ׀ הַר־צִיּ֗וֹן תָּ֭גֵלְנָה בְּנ֣וֹת יְהוּדָ֑ה לְ֝מַ֗עַן מִשְׁפָּטֶֽי⁠ךָ׃ 12 13 סֹ֣בּוּ צִ֭יּוֹן וְ⁠הַקִּיפ֑וּ⁠הָ סִ֝פְר֗וּ מִגְדָּלֶֽי⁠הָ׃ 13 14 שִׁ֤יתוּ לִבְּ⁠כֶ֨ם ׀ לְֽ⁠חֵילָ֗⁠ה פַּסְּג֥וּ אַרְמְנוֹתֶ֑י⁠הָ לְמַ֥עַן תְּ֝סַפְּר֗וּ לְ⁠ד֣וֹר אַחֲרֽוֹן׃ 14 15 כִּ֤י זֶ֨ה ׀ אֱלֹהִ֣ים אֱ֭לֹהֵי⁠נוּ עוֹלָ֣ם וָ⁠עֶ֑ד ה֖וּא יְנַהֲגֵ֣⁠נוּ עַל־מֽוּת׃